Galashia Kāoŋ nu pa thɔ nnu
Kāoŋ nu pa thɔ nnu
Nɔ haʼaŋ ŋkɨ̀nɨ pwa pishaʼakhɔ Krishto ni ŋgə̄ɨ nu shhɨ ti pa ŋgwa ŋa pugu shi lɔ njiʼi mbɔ ŋgwa Juu jɛ̄ pɔ nu ghaŋ piŋ nɛ, píe ni mbɔ ŋa a pie ŋa ŋoŋ ŋa a lɔ njiʼi mbɔ ŋoŋ Juu nɛ nii ŋgunu mbrɛi ŋkaoŋ maa mbɔ ŋgaŋ piŋ? Pɔɔ fɨ̄ʼɨ ni pia moŋ ŋwaʼaŋlɨ yei ŋa a lɔ mbie ŋa ŋoŋ nii ŋgunu mbrɛi ŋkaoŋ maa mbɔ ŋgaŋ piŋ. A fɨ̄ʼɨ moŋ ŋwaʼaŋlɨ yei ŋa a wuʼɔ mbɔ pi fāʼo nu piŋ mbɨŋ Krishto ŋa minthɛ ŋoŋ kie fɔ ndūgu. Pɔɔ ni nāʼaŋ ŋwaʼaŋlɨ yei kiʼɛ nɔ chwīe nu ŋgwa pɛ ŋa pugu ni ŋkwo chhɔ fāaŋ ndaoŋ ntɔgɔ ŋkuoŋ yaoŋ yɛʼi təɨtəɨ nɛ, pɨ̄nɨ shɛndaoŋ ŋa a kāʼo nɛ. Pɔɔ gha ndugwi nu nōoŋ ŋa mbha nnu ŋoŋ ŋa a piŋ Minnwi nɛ ghà ndhɔ pi moŋ khwǎ ŋa a fāʼo mbɨŋ Minnwi pugu pa ŋgwamishua, ntɔgɔ ŋkuoŋ piŋ ŋa a fāʼo nɛ.
Currently Selected:
Galashia Kāoŋ nu pa thɔ nnu: bmo
Highlight
Share
Copy
Want to have your highlights saved across all your devices? Sign up or sign in
© 2019 Wycliffe Bible Translators, Inc.