Luka 3
3
Waazu ɓu̱ Yokhana nu̱ Baptisme
(Mat 3:1-12; Ykh 1:19-28)
1Sarchi nu̱ke Nggomne gwaanji (Kaisar) Tiberiya khu̱lki sonyi gwanggu̱m qurmun a kwaaɗari, Nggomna Puntus Bilatus kya kwaaɗar ɗyine Yakhudiya. Kuji Khiridus#3:1 Khiridus Kujiku a nje rap nu̱ ka qaki wor ndu̱ dlu̱m nang mbu̱ lagarkati ɓu̱ Luka. 1. Khiridus Gwaanji nu̱ kya mbu̱ kwaaɗari sarchi nu̱ khaki Yesu 2. Khiridus Antipas nu̱ kya mbu̱ kwaaɗari sarchi nggarsi tlu̱nar ɓu̱ Yokhana nu̱ Baptisme. Chin ke woi ɓu̱ Khiridus Gwaanji. 3. Khiridus nggur a nje tu̱k dlu̱man Agripa yang labar ɓaran a mbu̱ Tlu̱nar ɓu̱ pudeku, chin ke zhikan Khiridus Gwaanji. a kwaaɗar Galili; khachin Filibus a kwaaɗar Ituriya ndu̱ Tarakunitas; Lisaniyas a kwaaɗar Abiliya. 2Yang Khanana ndu̱ Kayafa ke gorkir ɓu̱ kuruku. Ye sarchi ni tu̱ Magham shi ɓalar ye Yokhana yi ɓu̱ Zakariya gar. 3(Tu̱ Yokhana baara me Gaawu Urdun nang ɓar kap) a waazu za ku̱ ndukya nggoɗi tu̱ shi baptisme gwar yaapar solarku. 4Wa nu̱ke a nje bu̱laran mbu̱ lagarkati ɓu̱ Annabi Yishaya,
“Su̱ qur njif ngguri gar a qari za,
‘Daasa ma maa peetar ye Zhinerem gwaanji,
ɗu̱r ma njiva nu̱ gha yenda.
5Paasa ma aa nyi zoɗa nu̱ gha,
wul ma aa nyi dleng ndu̱ ɗawar nu̱gha,
ɗu̱r ma ɗyiku nggoɓkandi nu̱ gha shwarat.
Kwaɗa ma njiv malkandi nu̱ gha tu̱ shi mbari.
6Nduk kap ka na ɗanar ɓu̱ Magham.’ ”
7Ku̱me nang, tu̱ Yokhana ze tabar nduki nu̱ ɗa ɓa ki ma ku̱ shi baptisme ye wora za, “Tun pooni khuskarku! Ki wuuki nu za ɗa nu shokhnar ɓu̱ Magham nu̱ kya ɓara na? 8Tlu̱na ma ɗyiku nu̱ke ka wuɗki za tun wa nggoɗi. Anya nu zu̱ran za, ‘Ai Yibram ke zhinerem ɓa.’ Ku̱me nga zu̱ran ye nu, Magham ka ɗu̱ma tu̱ gaɓ nu̱ ndogdiku nang ma qusonggi ɓu̱ Yibram. 9Aa ye leendangang, wa du̱ng me shuuvi nu̱ ve dlu̱dlarsi su̱ qu̱far kwang.#3:9 Qu̱farkwang A bu kya nduki nu̱ ve qu̱farang, wa nu̱ke nduk ka ku̱mki qu̱far nu̱ke nu̱ka kha woi ɓa nu̱ gha, wanang tu̱k Magham ka ɓa shi ye nduk nu̱ke zhangki shi ɗyi mbarkandi gha. Aa nyi qu̱far nu̱ke nu̱ kha qusonggi mbarkandi ɓa, ka ku̱m nu̱ gha tu̱ mbuk nu̱ ɓai.”
10Yang tu̱ tabar ndukyang zham nda za, “Chem ka shi kya nu̱ma?”
11Tu̱ Yokhana tlogha ye wor za, “Njif nu̱ke luktiku a nje kha nda rap, ku̱ vu̱r dandang ye mu̱dlen nu̱ kya nje kha nda ɓa, njif nu̱ke ɗye zu̱mndi a nje kha nda tu̱ shaata mu̱dlen si.”
12Tu̱ nu̱ dlu̱r zhaanggal ku a ɓa ma ku̱ shi baptisme ye wora, tu̱ zham nda ku za, “Maalu̱m, chem ka shi kya nu̱ma?”
13Tu̱ tlogha ye wor za, “Ka dlu̱ nu dukti ɗyi nu̱ saki nu ma dlu̱ran ɓa.”
14Tu̱ sojeku tu̱k zham nda za, “Chem ɗa, shem kya nu̱ma?”
Tu̱ tlogha ye wor za, “Lawa nu mu̱zhin ɓar kha nduk du̱mbu̱r du̱mbu̱r ɓa, yang shi nu kwatame nu̱ ɗyine nduku ku̱me wa zhang vu̱rtan ye nu gha ɓa, gu̱n ma memu̱na nu ndu̱ mu̱zhindi chere ɓaanu.”
15Yang nu̱ke ndukyang a ku̱rsa ɓar ɓu̱ Masiya ku, tu̱ taman ku mbu̱ memu̱na wor za bai Yokhana ke Masiya ɗo gom. 16Tu̱ Yokhana ze wor kap za, “Ɓang baptismyang ngaa shiran ye nu ndu̱ ɗyim, yang njif nggur nu̱ dukki nga gwaari a nje a ɓari. Njifang, aa zo paghamndi ɓaran nang gama kwatlan#3:16 Kwatli Paghamndi Ɗya me ghai ɓu̱ Yakhudeku mbu̱ wa shi runggu mbu̱ rafti ɓaanda, pude ndu̱ njif katakandi ka fet paghamndi yenda nu̱ gha tu̱ shiɓ saaran yenda nu̱ gha. yenda nu̱ gha ɓa. Ka ɓa shi baptisme ye nu ndu̱ Jiimbi shakhshakhndi ndu̱ ɓai. 17Du̱ɓ zhaari ɓaran a kha nda, ka zhar ye gur ɓaran nu̱gha, tu̱ taba ye gura nu̱ mbu̱ gatle. Yang ka va ɓiɓyang nu̱gha ndu̱ ɓai nu̱ke nu̱ka shi piita ɓa.”
18Ndu̱ poona ɓalarku nangang khang, tu̱ Yokhana shi waazu labar mbarkandang ye ndukyang.
19Yang Yokhana wa shi wuuri#3:19 Wuuri Yokhana shi wuuri ye kujirang ku̱me kumar ɓu̱ Yakhudeku wa nggu̱tl khusku ku̱ ɓu̱r nokhzi khachin nu̱ke a nje ndu̱ nyifiri. (Nggu̱t mbu̱ Kur 20:21) ye Khiridus nu̱ kwaaɗar Galili ku̱me kuji Khiridus wa ɓu̱r Khirudiya nokhzi khachin, wonji wa shi ɗyiku galkandi khang. 20Tu̱ Khiridus shaata solar ɓaran nu̱ si nu̱ke khiiki Yokhana gha zhaaru̱m.
Wa Shi Baptisme ye Yesu
(Mat 3:13-17; Mar 1:9-11)
21Qu̱rse shir baptisme ye ndukyang kap, tu̱ shi ye Yesu tu̱k, yang nu̱ke Yesu a barari, tu̱ maa viɗi wa qu̱ni. 22Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”
Dlu̱dlarsi Yesu
(Mat 1:1-17)
23Yesu wa khu̱l sonyi ɗyin kunung sarchi nu̱ nggaki su̱ tlu̱nari, nduki ka qa nda za, yi ɓu̱ Yusufu,
chin Yusufang, yi ɓu̱ Kheli.
24Kheli yi ɓu̱ Matat,
Matat yi ɓu̱ Lawi, Lawi yi ɓu̱ Malki,
Malki yi ɓu̱ Jannai,
Jannai yi ɓu̱ Yusufu, Yusufu yi ɓu̱
25Matatiya, Matatiya yi ɓu̱ Amos.
Amos yi ɓu̱ Nakhum, Nakhum
yi ɓu̱ Azaliya, Azaliya yi ɓu̱ Najaya
26Najaya yi ɓu̱ Maata,
Maata yi ɓu̱ Matatiya,
Matatiya yi ɓu̱ Shimeya,
Shimeya yi ɓu̱ Josek, Josek yi ɓu̱ Joda.
27Joda yi ɓu̱ Joanan, Joanan yi ɓu̱ Resa,
Resa yi ɓu̱ Zarubabel, Zarubabel
yi ɓu̱ Shiyaltiyel,
Shiyaltiyel yi ɓu̱ Niri. Niri yi ɓu̱ Malki,
28Malki yi ɓu̱ Adi, Adi yi ɓu̱ Kosama,
Kosama yi ɓu̱ Almadama, Almadama yi ɓu̱ Er,
29Er yi ɓu̱ Joshuwa.
Joshuwa yi ɓu̱ Eliyezar,
Eliyezar yi ɓu̱ Jorim, Jorim yi ɓu̱ Matat,
Matat yi ɓu̱ Lawi,
30Lawi yi ɓu̱ Simiyon, Simiyon
yi ɓu̱ Yakhuda,
Yakhuda yi ɓu̱ Yusufu,
Yusufu yi ɓu̱ Jonam, Jonam yi ɓu̱ Eliyakim.
31Eliyakim yi ɓu̱ Malaya, Malaya
yi ɓu̱ Mainana,
Mainana yi ɓu̱ Matata,
Matata yi ɓu̱ Natan, Natan yi ɓu̱ Dauda.
32Dauda yi ɓu̱ Jesse, Jesse yi ɓu̱ Obida,
Obida yi ɓu̱ Boaz, Boaz yi ɓu̱ Salmon,
Salmon yi ɓu̱ Nashon.
33Nashon yi ɓu̱ Aminadab, Aminadab
yi ɓu̱ Arni,
Arni yi ɓu̱ Khesruna, Khesruna
yi ɓu̱ Peresa,
Peresa yi ɓu̱ Yakhuda, 34Yakhuda
yi ɓu̱ Nyagham.
Nyagham yi ɓu̱ Yishaku,
Yishaku yi ɓu̱ Yibram,
Yibram yi ɓu̱ Tera, Tera yi ɓu̱ Nakhor,
35Nakhor yi ɓu̱ Serug, Serug yi ɓu̱ Reyu,
Reyu yi ɓu̱ Peleg, Peleg yi ɓu̱ Eber,
Eber yi ɓu̱ Shela. 36Shela yi ɓu̱ Kenan,
Kenan yi ɓu̱ Arfakhshad, Arfakhshad
yi ɓu̱ Shem,
Shem yi ɓu̱ Nukhu, Nukhu yi ɓu̱ Lamek.
37Lamek yi ɓu̱ Metusela, Metusela
yi ɓu̱ Enok,
Enok yi ɓu̱ Jared, Jared yi ɓu̱ Makhalalel,
Makhalalel yi ɓu̱ Kenan 38Kenan yi ɓu̱ Enosh,
Enosh yi ɓu̱ Set, Set yi ɓu̱ Adamu,
Adamu, ɓu̱ Magham.
Currently Selected:
Luka 3: ttrNT
Highlight
Share
Copy
Want to have your highlights saved across all your devices? Sign up or sign in
Nigeria Bible Translation Trust in cooperation with Wycliffe Bible Translators, Inc.
© Wycliffe Bible Translators, Inc. and
© The Nigeria Bible Translation Trust 2016
