Singx Nzung 43
43
Singx Nzung 43
Daux Gaux Tov Tin-Hungh Njoux#43:1 Beiv mangc Singx Nzung 42 zaang nyei hoc-daauh.
1O Tin-Hungh aah! Tov meih siemv bun cing yie maiv dorngc.
Tov tengx yie caengx sic, bun maiv gan Tin-Hungh wuov deix guoqv nyei mienh zuqc suei.
Tov njoux yie leih ndutv nduov mienh wuov deix caux maiv baengh fim nyei mienh.
2Weic zuqc meih zoux yie ndaauh kaux nyei Tin-Hungh.
Meih weic haaix diuc guangc yie?
Yie weic haaix diuc oix zuqc zanc-zanc nzauh nyiemv,
laaix win-wangv hoic jienv yie?
3Tov bun meih nyei njang caux zien leiz
cuotv daaih yienz yie,
dorh yie nzuonx taux meih nyei cing-nzengc mbong,
yaac taux meih yiem nyei dorngx.
4Yie ziouc mingh taux Tin-Hungh nyei ziec-dorngh,
taux bun yie gauh orn-lorqc jiex nyei Tin-Hungh wuov.
O Tin-Hungh, yie nyei Tin-Hungh aah!
Yie oix patv daanh baah ceng meih.
5Yie nyei hnyouv weic haaix diuc ndongc naaiv nzauh?
Yie nyei hnyouv weic haaix diuc
paan-paan puoqv-puoqv nyei?
Oix zuqc kaux Tin-Hungh maaih lamh hnamv dorngx
weic zuqc yie aengx duqv ceng ninh,
dongh njoux yie yaac zoux yie nyei Tin-Hungh.
Currently Selected:
Singx Nzung 43: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
