Naanc Zingh Nzung 4
4
Si^on Zingh Mbaang, Nqa'haav Hnangv Haaix Nor#4:1 Da'feix zaang longc Hipv^lu waac nyei yietc norm jiex yietc norm nzaangc-maac zoux yietc yiemc yietc yiemc nyei nzaangc-gorn.
1Jiem nyei njang zitc mi'aqv.
Zien jiem yaac tuix setv.
Zoux singx dinc nyei la'bieiv#4:1 Fai “cing-nzengc nyei la'bieiv-jaaix”. faatv nzaanx
yiem diuh diuh jaai-horngc nyei jauv-kuv.
2 Si^on jaaix haic nyei houh saeng
ndongc zien jiem jaaix.
Ih zanc funx ninh mbuo nyei jaax-zinh
ndongc nanv nie-mor zaangc nyei buoz nanv nyei nie-mor.
3Liemh hieh juv bun nyorx
ninh mbuo nyei dorn hopv,
mv baac yie nyei baeqc fingx nyei m'sieqv dorn ih zanc doqc haic,
hnangv deic-bung-huaang nyei norqc lorh torh nor.#4:3 Beiv mangc Yopv 39:14-16.
4Hopv nyorx nyei gu'nguaaz nyei mbietc nqaai,
zungv naetv jienv nzuih dungz.
Fu'jueiv tov ga'naaiv nyanc,
mv baac maiv maaih haaix dauh bun ninh mbuo.
5Nyanc guenx kuv nyei ga'naaiv wuov deix,
yiem wuov jaai-horngc ngorc daic mi'aqv.
Zuqv ciouh dunc#4:5 Hipv^lu waac gorngv lui-houx luoqc. hlo daaih nyei mienh,
ih zanc bueix wuov la'fapv-ndui.
6Yie nyei baeqc fingx zuqc dingc zuiz,
zungv gauh hniev So^ndom zuqc dingc nyei.
Ndongc nziepv dangh m'zing So^ndom zuqc mietc nzengc,
yaac maiv maaih mienh nyei buoz muoqv.#Tin Deic Douh 19:24
7Si^on zoux hlo nyei mienh#4:7 Fai Naasi Mienh. gauh cing-nzengc sorng,
yaac gauh baeqc jiex nyorx.
Ninh mbuo nyei sin gauh siqv koiv-ndiev nyei la'bieiv-siqv,
ninh mbuo nyei fangx zeiv nzueic ndongc la'bieiv-jaaix mbuov nyei.
8Ih zanc ninh mbuo nyei hmien gauh jieqv douz-miec.
Yiem jaai-horngc mienh zieqv maiv duqv ninh mbuo.
Ninh mbuo nyei ndopv soqv naetv jienv mbungv,
kou nqaai hnangv ndiangx nor.
9Zuqc nzuqc ndaauv daix nyei mienh
zungv duqv gauh longx ngorc daic nyei mienh,
weic zuqc ngorc daic wuov deix gunv zoux gunv jaic njiec taux daic,
laaix maiv duqv lingh deic nyei gaeng-zuangx nyanc.
10Yie nyei baeqc fingx zuqc mietc nyei ziangh hoc,
maaih hnyouv korv-lienh mienh wuov deix m'sieqv dorn,
zungv zorqv ganh nyei fu'jueiv daaih zouv
weic benx ninh mbuo nyei nyanc hopv.#Nzamc Leiz-Latc 28:57; E^se^ken 5:10
11 Ziouv za'gengh qiex jiez taux daauh,
ga'qiex ziouc baetv cuotv hnangv douz nor jorm.
Ninh yiem Si^on bun douz njopc daaih,
buov qui zingh nyei gorn-ndoqv.
12Yiem ndau-beih nyei hungh diex,
fai yiem lungh ndiev nyei maanc mienh,
maiv sienx haaix dauh win-wangv fai win-jaa
haih duqv bieqc Ye^lu^saa^lem nyei zingh gaengh.
13Naaiv se laaix Si^on nyei douc waac mienh nyei zuiz,
yaac laaix ninh nyei sai mienh zoux nyei zuiz.
Ninh mbuo yiem zingh gu'nyuoz
bun kuv mienh nyei nziaamv liouc cuotv.
14Ninh mbuo hnangv m'zing maengh nyei mienh
huaax jienv gan jaai-horngc mingh.
Ninh mbuo zuqc nziaamv guoqv jienv maaih uix,
mienh zungv maiv haih muoqv ninh mbuo nyei lui-houx.
15Mienh dorng jienv ninh mbuo nauc jienv gorngv,
“Simv nqoi, simv nqoi, maaih uix nyei.
Simv nqoi, simv nqoi, maiv dungx kuatv zuqc yie.”
Ninh mbuo ziouc biaux aengx youh jienv mingh.
Yiem maanc fingx mbu'ndongx maaih mienh gorngv,
“Ninh mbuo maiv duqv aengx caux mbuo yiem naaiv aqv.”
16 Ziouv ganh zoux bun ninh mbuo faatv nzaanx nzengc.
Yiem naaiv mingh ninh maiv mangc ninh mbuo aqv.
Mienh maiv taaih sai mienh,
yaac maiv korv-lienh mienh gox.
17Yie mbuo nyei m'zing qaqv mangc zuov mienh daaih tengx,
mangc gau, m'zing zungv maiv njang aqv.
Zuov nyei ziangh hoc yie mbuo zuov jienv
yietc norm maiv haih njoux maiv duqv mienh nyei guoqv.
18Mienh zunc yie mbuo nyei zaux-mbiec mingh,
yie mbuo ziouc maiv haih yangh yie mbuo nyei jaai-horngc mingh.
Yie mbuo nqa'haav laai nyei ziangh hoc taux fatv,
yie mbuo nyei hnoi-nyieqc buangv aqv,
weic zuqc yie mbuo setv mueiz nyei ziangh hoc taux.
19Zunc yie mbuo nyei mienh gauh siepv
yiem lungh nyei domh jaangv.
Ninh mbuo yiem mbong zunc yie mbuo,
yiem deic-bung-huaang bingx jienv zuov yie mbuo.
20 Ziouv orn daaih wuov dauh se hnangv mbuo nyei mba'zorng nyei qiex.
Ninh yaac zuqc ndortv ninh mbuo zaeng hlaang nyei kuotv.
Yie mbuo gorngv taux ninh,
“Yiem ninh nyei dongh linh ga'ndiev,
yie mbuo duqv yiem maanc guoqv mbu'ndongx.”
21Yiem Utc Deic nyei E^ndom Mienh#4:21 Faan zaqc gorngv E^ndom nyei Sieqv. aah!
Gunv njien-youh orn-lorqc aqv.
Kouv nyei jauv#4:21 Faan zaqc Hipv^lu waac gorngv wuov norm zaanv. Eix leiz se laaix Ziouv qiex jiez ninh oix bun mienh zuqc siouc kouv. yaac oix jiex taux meih mbuo naaic.
Meih mbuo ziouc hopv nquin, jaiv nzengc lui-houx, laengh gaengv nyei yiem.
22O Si^on Zingh nyei mienh#4:22 Faan zaqc gorngv Si^on nyei Sieqv. aac, meih mbuo zuqc dingc zuiz nyei soux mouc buangv mi'aqv.
Ziouv maiv bun meih mbuo aengx zuqc guaatv mingh.#4:22 Fai “maiv bun meih mbuo yiem meih mbuo zuqc guaatv mingh nyei dorngx gauh lauh”.
Mv baac E^ndom Mienh aah! Ziouv oix dingc meih mbuo nyei zuiz.
Oix bun meih zoux nyei zuiz cuotv daaih nqaengc nyei.
Currently Selected:
Naanc Zingh Nzung 4: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
