Ye^le^mi 8
8
1“Ziouv gorngv, ‘Taux wuov zanc mienh oix zorqv Yu^ndaa hungh nyei mbungv caux Yu^ndaa nyei jien nyei mbungv, caux sai mienh nyei mbungv, douc waac mienh nyei mbungv caux yiem Ye^lu^saa^lem wuov deix mienh nyei mbungv, yiem ninh mbuo nyei zouv cuotv daaih, 2bun faatv nzaanx yiem mba'hnoi, hlaax caux lungh zaangc nyei zuangx hleix#8:2 Fai “yiem lungh nyei yietc zungv ga'naaiv”. ga'ndiev. Naaiv se zinh ndaangc ninh mbuo hnamv nyei, fu-sux nyei, gan jienv nyei, ninh mbuo lorz nyei, buoqc zaangc nyei. Naaiv deix mbungv yaac maiv maaih haaix dauh nzauz zunv fai biopv ziouc hnangv nqaiv yiem ndau-beih nor. 3Naaiv deix zengc njiec orqv haic nyei fingx#8:3 Hipv^lu waac gorngv hmuangv doic. yiem yie zunc ninh mbuo mingh nyei norm-norm dorngx, kungx hnamv oix daic gauh camv oix maaih maengc ziangh.’ Naaiv se Nernh Jiex nyei Ziouv gorngv nyei waac.
Baeqc Fingx Baamz Zuiz Yaac Zuqc Dingc Zuiz
4“Meih oix zuqc mbuox ninh mbuo, ‘Ziouv hnangv naaiv gorngv,
“+‘Mienh ndorpc njiec, maiv aengx jiez sin fai?
Se gorngv maaih dauh mienh mingh dorngc jauv, ninh maiv daaux nqaang nzuonx fai?
5Wuov nyungc naaiv deix baeqc fingx, se Ye^lu^saa^lem Mienh,
weic haaix diuc zanc-zanc tuix nqaang?
Ninh mbuo nanv wuonv nduov mienh nyei sic,
ninh mbuo ngaengc jienv maiv kangv nzuonx.
6Yie longc hnyouv muangx
mv baac ninh mbuo gorngv maiv horpc.
Maiv maaih haaix dauh goiv hnyouv guangc ninh zoux orqv nyei jauv
gorngv, “Yie zoux haaix nyungc laeh?”
Dauh dauh huin mingh ninh ganh nyei jauv,
hnangv maaz biu bieqc mborqv jaax ciangv nor.
7Liemh ndaamv-lungh nyei norqc nyieh
hiuv duqv ninh nyei ziangh hoc,
norqc nqo, norqc mba'hinx caux norqc baeqc horqc
yaac ei jienv ninh mbuo nyei ziangh hoc daaih.
Mv baac yie nyei baeqc fingx
maiv hiuv duqv Ziouv nyei leiz.
8“+‘Meih mbuo hnangv haaix nor haih gorngv,
“Yie mbuo maaih cong-mengh weic zuqc yie mbuo maaih Ziouv nyei leiz-latc”?
Mv baac mangc maah! Sou-biuv nyei batv fiev jaav
bun leiz-latc benx gorngv-baeqc nyei waac.
9Cong-mengh mienh zungv zuqc nyaiv.
Ninh mbuo oix zuqc gamh nziex yaac zuqc zorqv mingh.
Ninh mbuo nqemh Ziouv nyei waac,
yiem ninh mbuo gu'nyuoz maaih haaix nyungc cong-mengh?
10Weic naaiv yie oix zorqv ninh mbuo nyei auv bun ganh laanh mienh longc,
yaac zorqv ninh mbuo nyei lingh deic bun siang-ziouv,#8:10 Maaih deix sou gorngv “bun mborqv hingh ninh mbuo wuov deix”.
weic zuqc yiem zoux faix jiex taux zoux hlo jiex,
ninh mbuo yietc zungv mauv maiv baengh fim nyei leic zinh,
se yiem douc waac mienh taux sai mienh zoux jaav, nduov mienh.#Ye^le^mi 6:12-15
11Ninh mbuo zorc yie nyei baeqc fingx mun nyei dorngx
hnangv maiv zeiz mun camv nor.
Ninh mbuo gorngv, “Baengh orn aqv, baengh orn aqv,”
maiv gunv maiv maaih baengh orn.#E^se^ken 13:10
12Ninh mbuo zoux gamh nziev haic nyei sic,
ninh mbuo hiuv duqv nyaiv nyei fai?
Ninh mbuo zungv maiv nyaiv yietc deix,
ninh mbuo maiv hiuv duqv baaic hmien.#8:12 Faan zaqc gorngv hmien siqv.
Weic naaiv ninh mbuo oix zuqc king njiec daic
yiem king njiec ndaangc wuov deix mienh mbu'ndongx.
Yie dingc ninh mbuo nyei zuiz nyei ziangh hoc,
ninh mbuo ziouc zuqc mbienv njiec nzengc mi'aqv.”
Naaiv se Ziouv gorngv nyei waac.
13“+‘Ziouv gorngv, “Yie oix siou ninh mbuo nyei ziangh hoc
a'ngunc hmei maiv maaih biouv,
ngongh nyorx ndiangx yaac maiv maaih biouv,
liemh normh yaac nqaai nzengc.
Yie jiu bun ninh mbuo nyei ga'naaiv
yaac jiex mi'aqv.”+’+”
Tin-Hungh nyei baeqc fingx naaic,
14“Mbuo weic haaix diuc zueiz jienv naaiv, maiv dongz?
Gapv zunv daaih maah!
Mbuo bieqc weih wuonv nyei zingh
yiem wuov zuqc mietc,
weic zuqc Ziouv, mbuo nyei Tin-Hungh, zungv dingc bun mbuo zuqc daic,
aengx bun wuom-doqc mbuo hopv,
laaix mbuo baamz zuiz dorngc Ziouv.
15Mbuo lorz baengh orn yaac
maiv duqv haaix nyungc longx.
Mbuo lorz zorc longx nyei ziangh hoc
mv baac kungx zuqc haeqv gamh nziex hnangv.
16Muangx haiz yiem Ndaan,
win-wangv nyei maaz forz-forz nyei qiex.
Ninh mbuo nyei maaz-gouv haev haev nyei heuc,
ziangh norm deic-bung dongz.
Ninh mbuo daaih naqv nzengc deic-bung
caux yiem deic-bung nyei yietc zungv ga'naaiv,
yaac naqv zingh
caux yiem zingh nyei mienh.”
17“Mangc maah! Yie oix bun naang-doqc daaih yiem meih mbuo mbu'ndongx,
benx maiv haih zoux faatv nqaeqv nyei naang.
Naang ziouc nyorqv meih mbuo.”
Naaiv se Ziouv gorngv nyei waac.
Yu^ndaa Weic Ninh Nyei Juangc Fingx Mienh Nzauh
18“Yie nzauh faanh jiex ndaangc haih zorc duqv longx,
yie nyei hnyouv gu'nyuoz zungv huon mi'aqv.
19Muangx maah! Yie nyei baeqc fingx#8:19 Faan zaqc gorngv “yie nyei baeqc fingx nyei sieqv.” Yiem 8:21-22 fih hnangv nyei. heuc nyei qiex
yiem deic-bung go jiex, jangv jiex nyei dorngx gorngv,
‘Ziouv maiv yiem Si^on fai?
Si^on Zingh nyei Hungh maiv yiem naaic fai?’
“Ninh mbuo weic haaix diuc longc ninh mbuo nyei miuc-fangx
caux ganh fingx nyei zienh cuoqv yie qiex jiez?”
20“Siou nyei ziangh hoc jiex mi'aqv,
nqaai gorng yaac jiex liuz,
yie mbuo corc maiv duqv njoux.”
21“Laaix yie nyei baeqc fingx zuqc mun,
yie nyei hnyouv yaac zuqc mun haic.
Yie nzauh nyiemv, gamh nziex nyei jauv nyau jienv yie.
22Yiem Gi^le^aatc maiv maaih ndie-ndaang an fai?
Yiem naaic maiv maaih ndie-sai fai?
Yie nyei baeqc fingx maiv wangc siangx nyei dorngx
weic haaix diuc maiv duqv zorc longx?
Currently Selected:
Ye^le^mi 8: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
