I^saa^yaa 15
15
Tin-Hungh Oix Mietc Mo^apc
1Naaiv se gorngv taux Mo^apc nyei waac.
Yiem yietc muonz hnangv, Mo^apc nyei Aan Zingh zuqc baaic, zuqc mietc mi'aqv.
Mo^apc ziouc zuqc baaic, waaic mi'aqv.
Yiem yietc muonz hnangv, Mo^apc nyei Ki^aa Zingh zuqc baaic, zuqc mietc mi'aqv.#I^saa^yaa 25:10-12; Ye^le^mi 48:1-47; E^se^ken 25:8-11; Aamotv 2:1-3; Se^fan^yaa 2:8-11
2Ndi^mbon Mienh faaux mingh
taux#15:2 Maaih deix sou tipv jienv gorngv biauv wuov joux waac. yiem hlang zaangc zienh nyei dorngx nyiemv.
Mo^apc Mienh weic Ne^mbo caux Me^nde^mbaa Zingh qaqv nyiemv.
Dauh dauh mienh nyei m'nqorngv teix njang,
dauh dauh nyei siaam yaac teix nzengc.
3Yiem jauv zaangc ninh mbuo zuqv#15:3 Fai sai. la'maah ndie-cou.
Yiem biauv-ngorh caux domh zuangx zaamc
dauh dauh qaqv nyiemv duqv kouv haic.
4Hetv^mbon caux E^le^aa^le nyei mienh nyiemv mbui nyei,
ninh mbuo nyei qiex zungv aengv taux Yaa^haatv.
Weic naaiv yiem Mo^apc
dorh jienv mborqv jaax nyei wuoqc ginc nyei baeng heuc mbui nyei,
mba'nziu mbokc mbokc nyei.
5Yie nyei hnyouv weic Mo^apc nyiemv duqv kouv haic.
Mo^apc Mienh biaux maengc mingh taux So^aa,
zungv mingh taux Ekc^latv Se^li^si^yaa.
Ninh mbuo faaux Lu^hitv,
yietc binc faaux, yietc binc nyiemv.
Gan mingh Ho^lo^naa^im wuov diuh jauv,
ninh mbuo bungx-sing bungx-qiex nyei nyiemv
weic ninh mbuo zuqc mietc nyei zeqc naanc.
6Nimlim nyei wuom nqaai nzengc,
miev yaac nyaux nqaai.
Miev-lunx yaac maiv cuotv.
Maiv maaih yietc deix maeng nyei setv.
7Weic naaiv Mo^apc Mienh duqv daaih nyei zinh zoih caux siou nyei ga'naaiv
ninh mbuo bienh jiex Suiv-Liemh Ndiangx nyei Ndoqv.
8Yiem Mo^apc Deic taux haaix ndau maaih nzauh nyiemv nyei qiex.
Nzauh nyiemv nyei qiex zungv taux Ekc^laa^im,
nzauh nyiemv nyei qiex yaac mingh taux Mbe^e Elim.
9Ndi^mbon nyei ndoqv maaih nziaamv buangv nzengc.
Mv baac yie corc oix bun Ndi^mbon zuqc zeqc naanc gauh hniev.
Bun sienh zunc yiem Mo^apc biaux cuotv nyei mienh,
caux yiem deic-bung zengc njiec nyei mienh.
Currently Selected:
I^saa^yaa 15: IuMiNR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
