ՍԱՂՄՈՍՆԵՐ 114
114
Զատկական երգ
1Երբ Իսրայելը դուրս էր գալիս Եգիպտոսից, Հակոբի տունը՝ խաժամուժ ժողովրդի միջից,
2Հուդան եղավ նրա սրբությունը, Իսրայելը՝ նրա իշխանությունը։
3Ծովը տեսավ և փախավ, Հորդանանը ետ դարձավ։
4Սարերը խոյերի պես վեր-վեր խաղացին, իսկ բլուրները՝ գառների պես։
5Ի՞նչ եղավ քեզ, ո՛վ ծով, որ փախչում էիր, և քեզ, ո՛վ Հորդանան, որ ետ էիր դառնում։
6Դուք, ո՛վ սարեր, խոյերի պես վեր-վեր խաղացիք, և դուք, ո՛վ բլուրներ, գառների պես։
7Տիրոջից սարսափի՛ր, ո՛վ երկիր, Հակոբի Աստծուց,
8Որ վեմը ջրերի լիճ է դարձնում, իսկ քարքարուտը՝ ջրերի աղբյուր։
Currently Selected:
ՍԱՂՄՈՍՆԵՐ 114: ՆՎԱԱ
Highlight
Share
Copy
Want to have your highlights saved across all your devices? Sign up or sign in
© Bible Society in Armenia, 2018
