matq-Taai 17

saib kxj Bua pwatg ye-su Tiuq Revg mig a'q

(peiq mavg maa-Ko 9:2-13; lu-kaa 9:28-36)

1Jiaj liud Ju'q Nxi, ye-su txb Jyenq pi-te, yaa-kxpg Zauj yaa-kxpg Eei yrud, yo-han, faauj nxm Bovb Lav, levb Eei txvj.#2 pi-te 1:17-18 2saib kxj Bua mavg Jyenq ye-su uaq zang, pwatg ye-su Tiuq Revg favj zeiq mig a'q. ninb Eei Myen Navq Ba'Nxi nx Fav. ninb Eei lwib hruj yaag Fav haig, Bopq pc'g Eei, zcvb zcvb uaq. 3naaiq teij pua taub saib kxj cvj pwatg mo-se Zauj e-li-yaa hing Zwrtq taaib Zauj ye-su kxvq waag. 4pi-te zyrug kxvq Buaj ye-su, “zyruq aa'b! yia Bua yem naaiq kevb lovj haig. sij kxvq zyruq xij nx, yia zruj pua nxm liub. zruj nxm pun meib, zruj nxm pun mo-se, cvj zruj nxm pun e-li-yaa.”

5pi-te Zxg kxvq Jyenq waag uaq zang, maaib txq Bwrnj Fav Eei taaib om Jyenq ninb Bua. cvj maaib Qiaj yem uaq Bwrnj kxvq, “naaiq se yia Eei txnb Namq. yia a'Neiq haig ninb. mwavj ninb maa'b!”#Tin teig trub 22:2; Ramg leib latg 18:15; sivj Ruv 2:7; i-saa-yaa 42:1; matq-Taai 3:17; 12:18; maa-Ko 1:11; lu-kaa 3:22

6saib kxj Bua haid naaiq teij Qiaj, ninb Bua za'kevb! kamb Riaj haig, zyrug Baapq Fiag Dau mivb. 7ye-su mivb Lua ninb Bua yaag kxvq, “Jiad sin taaib, maiq tuvq kamb Riaj.” 8ninb Bua zyrug Zau Myen mavg, maiq pwatg haiq taub. Kuvj pwatg ye-su yem uaq Navq.

9yem Bov Fiag uaq zang, ye-su nc'g waag saib kxj Bua. ninb kxvq, “Zinb maang maiq tuvq kxvq naaiq teij hing yaavb Eei sig. zuaq yia, paamb myenb Eei txn, taig mivb, Tinb huvb cvj pun yia navb taaib Zivj taaib kxvq.”

10saib kxj Bua naaig ye-su, “Faauj leid Eei finb scv weig haiq tiug kxvq e-li-yaa xij zu'g taaib Daavg?”#maa-laa-Ki 4:5

11ye-su tau, “e-li-yaa za'kevb xij taaib liug leid zyavj Euvb Euvg Navq lod uaq nx. 12mq paag yia Buaj meib Bua, e-li-yaa zuvq taaib liud a'q. myenb yaag zia'q maiq tu'q ninb, sweib eij zruj pun ninb. yia, paamb myenb Eei txn, yaag fib Navq Eei xij zu'g myenb zruj to'g hxig.”#matq-Taai 11:14

13tovb uaq zang saib kxj Bua Zivj taaib mevb pc'g ye-su kxvq Eei waag kxvq zu'g Tevj myenb Jiaj uam Eei leid uaq taub yo-han.

myenq mua'q taub txn, ye-su zung myenq Zwrtq

(peiq mavg maa-Ko 9:14-29; lu-kaa 9:37-43)

14ninb Bua Rwrnj Tauj zwavj myenb uaq, maaib laanb myenb taaib lxd ye-su, kweig Fiag ye-su Eei Ra'Myen 15yaag kxvq, “tomb kxj aag, Toq Kxb lyenb yia Eei txn. ninb putq tuvb Din, Zyru tu'q Kruq haig, zanb zang Kiv pia'g trub Raug yaag Dxtq uam. 16yia txb ninb taaib lxd meib Eei saib kxj mq paag ninb Bua maiq haib zxg maiq lovj.”

17ye-su tau, “meib Bua ib Jaaj Eei myenb aa'b! meib Bua za'kevb maiq syenj, mnxmb yaag hod haig. yia xij zu'g Zauj meib Bua yem Dovg haaij laub? yia xij zu'g Eyend tu'q meib Bua Tauj haiq zang? txb uaq taub txn taaib yia naaiq maa'b!” 18ye-su hatg myenq, myenq zyrug Zwrtq mig a'q. uaq taub txn lyemb zeib lovj Revg mig a'q.

19Ga'haaq saib kxj Bua taaib pivj Jyenq naaig ye-su, “yia Bua weig haiq tiug zung uaq taub myenq maiq Zwrtq?”

20ye-su tau, “se weig zu'g meib Bua Eei syenj fim faij haig. yia kxvq zyen Buaj meib Bua, sij kxvq meib Bua Eei syenj fim lomb yetg nxm laib Jaaij Eim nx, meib Bua haib Buaj naaiq nxm Bov, ‘yem naaiq swiq mivb yem uaq maa'b!’ Bov zyrug swiq a'q. maiq maaib haiq Euvg meib Bua maiq haib zruj.#17:20 maaib teij lob Nxi sru maiq Tipq 17:21 uaq yemg.#matq-Taai 21:21; maa-Ko 11:23; 1 Ko-lin-To 13:2 21mq paag Kuvj maaib Du'g Euvg za'eij Navq haib zung naaiq Euvg myenq Zwrtq. xij zu'g tauj kauj, yaag zei maiq Eang haiq Euvg Zivj taaib haib zung tu'q Zwrtq.”

ye-su cvj kxvq Rung ninb xij zu'g taig

(peiq mavg maa-Ko 9:30-32; lu-kaa 9:43-45)

22saib kxj Bua yetg zuvq taaib kapq zunq yem kaa-li-li scvq uaq zang, ye-su Buaj ninb Bua, “yia, paamb myenb Eei txn, zuvq xij zu'g Jiu pun myenb. 23ninb Bua xij taij yia, mq paag Ga'haaq pua Nxi Tinb huvb cvj pun yia navb taaib.” saib kxj Bua haid ninb Navq naaiq nx kxvq zyrug Raub haig.

Zwrtq Eaanb zxg zavg Tinb huvb Eei pyauq

24ye-su Zauj ninb Eei saib kxj Bua mivb Tauj Kaa-pe-naa-um muvq uaq zang, syru zavg Tinb huvb Eei pyauq Eei Rrub zinb uaq teij myenb taaib naaig pi-te, “meib Eei saib tiaj maiq Zwrtq zavg Tinb huvb Eei pyauq Eei Rrub zinb fai?”#Zwrtq i-yipq 30:13; 38:26

25pi-te tau, “Zwrtq Eei.”

pi-te pia'g pyauq mivb uaq zang, ye-su zuvq kxvq Daavg mig a'q. ninb naaig, “si-mon aag, meib Navq haiq nx Namq? haiq taub xij zu'g Zwrtq laavb zinb Zauj Rrub zinb pun naaiq paamb ken Eei huvb tiaj? se kanb Eei txn fai pc'g fivj?”

26pi-te tau, “pc'g fivj Zwrtq.”

ye-su kxvq, “uaq Euvg, ninb kanb Eei txn maiq zu'g Zwrtq. 27mq paag Bua maiq xij zi'g zwid naaiq teij myenb. meib mivb uaq Kxib txn Batg Byaud. Batg tu'q taaub taub Byaud, zyrug mc'q Gxi Byaud Eei Rwib, pwatg nxm zinb, txb mivb pun ninb Bua kauj meib Zauj yia Zwrtq Eei Rrub zinb.”

Currently Selected:

matq-Taai 17: IuMiNOR

Highlight

Copy