matq-Taai 12

ye-su zruj tivb kov Nxi Eei zyruq

(peiq mavg maa-Ko 2:23-28; lu-kaa 6:1-5)

1Ga'haaq maiq navg laub, maaib nxm tivb kov Nxi, ye-su Jiaj myenb Eei Byaub Deig. ninb Eei saib kxj Bua Hruq sia, zyrug nyetq Byaub txq Eang.#Ramg leib latg 23:25 2faa-li-sij myenb pwatg zyrug kxvq Buaj ye-su, “mavg kaaj, meib Eei saib kxj Bua Navq naaiq nx zruj, ninb Bua zruj txvg tivb kov Nxi Eei leid.”

3ye-su tau, “meib Bua maiq to'g Jiaj naaiq teij Jauq fai? Daa-witq huvb Zauj kan ninb uaq teij myenb Hruq sia Eei zyavb hog, ninb Bua Navq haiq nx zruj?#1 saa-mu-en 21:1-6 4Daa-witq pia'g zavg Tinb huvb Eei Dopg liub zx'q kevj Tinb huvb uaq teij Fuaq Eang. ninb Zauj ninb Eei myenb yaag maiq maaib leid Eang uaq teij Fuaq. Kuvj maaib sai myenb kanb maaib leid Eang Navq.#le-wi 24:9 5meib Bua yaag maiq to'g Jiaj mo-se Eei leib latg fai? mrud nxm tivb kov Nxi, sai myenb yem zavg Tinb huvb Eei pyauq zruj txvg tivb kov Nxi Eei leid mq paag ninb Bua maiq maaib zwid.#saauq myenb 28:9-10 6yia Buaj meib Bua, yem naaiq maaib taub#12:6 taub fai Euvg. kaub Lo Jiaj zavg Tinb huvb Eei pyauq. 7kivb sru kxvq, ‘yia xij myenb maaib Hruq Kxb lyenb myenb, maiq zeid xij myenb txb scvb Kuq taaib ziag yia.’#ho-se-yaa 6:6; matq-Taai 9:13 sij kxvq meib Bua za'kevb mevb pc'g naaiq Jruj waag Eei eij leid, meib Bua maiq zx'q maiq zruj txvg Eei myenb tivg zwid, 8weig zu'g yia, paamb myenb Eei txn, zruj tivb kov Nxi Eei zyruq.”

ye-su zxg lovj taub puad waaig Eei myenb

(peiq mavg maa-Ko 3:1-6; lu-kaa 6:6-11)

9ye-su Zwrtq uaq nxm txvj cvj mivb pia'g nxm#12:9 faan za'g kxvq ninb Bua Eei. wig txvb. 10yem uaq maaib taub myenb maaib Jia'q puad waaig.#12:10 faan za'g hipq-lu waag kxvq puad Eauj fai puad Gaai. maaib teij myenb xij lxd Jauq koj ye-su, ninb Bua zyrug naaig kaaj, “lovg tivb kov Nxi zxg pcvg se txvg Bua Eei leid fai maiq txvg?”

11ye-su tau, “sij kxvq meib Bua haiq taub maaib taub pa'ki yuvb, tivb kov Nxi uaq taub pa'ki yuvb Dxtq Kwrtq mivb, meib Bua maiq zeid mivb zx'q ninb pcv Zwrtq taaib fai?#lu-kaa 14:5 12yetg laanb myenb se kaub Jaaij Jiaj yetg taub pa'ki yuvb. Navq naaig, leib latg pun Bua lovg tivb kov Nxi zruj Kuq sig tu'q Eei.”

13ye-su zyrug kxvq Buaj puad waaig uaq taub myenb, “suv meib Eei puad Zwrtq taaib maa'b!” ninb zyrug suv puad Zwrtq taaib. ninb Eei puad zyrug lovj Revg Navq lovj uaq Jia'q nx. 14faa-li-sij myenb zyrug Zwrtq mivb Zaavb laavb Navq haiq nx haib taij ye-su.

Tinb huvb kinq taaib Eei pru

15ye-su hiuq tu'q ninb Bua Navq naaiq nx taaq za'eij, ninb zyrug Zwrtq uaq nxm txvj mig a'q. myenb Zamq Eei kan Jyenq ninb mivb. ye-su yaag zxg lovj Revg taub taub Eei pcvg, 16cvj hatg ninb Bua maiq tuvq kxvq Buaj myenb ninb tovb haiq taub. 17ninb Navq naaiq nx zruj weig pun sig Zwrtq taaib txij trug waag myenb, i-saa-yaa, trug taaib Eei waag. 18i-saa-yaa kxvq,

“mavg maa'b! naaiq se yia Eei pru,

tovb yia kinq taaib uaq taub.

yia Namq haig ninb.

ninb yaag hxpg yia Eei Hruq haig.

yia xij zx'q yia Eei sivj livb Zeij pun ninb.

ninb xij zunb yia zruj pcvb fim Eei Jauq pun maang fivj mwavj.#i-saa-yaa 42:1-4

19ninb maiq Rcv Jaaj yaag maiq heug Qiaj Bwi,

yaag maiq maaib haiq taub haid ninb yem Jaaib hxvg Eei Qiaj.

20lua'g ti'g kwcvq topq mivb, ninb yaag maiq aauq Dutq,

tavb Zoq kanj Eei syruj ninb yaag maiq pyomq taig.

ninb xij Navq naaiq zruj Jyenq mivb

Tauj pcvb fim Eei Jauq hivb.

21maang fivj myenb yaag xij syenj Kauj ninb

zyrug maaib lamb Namq txvj a'q.”

ye-su Zauj myenq Eei huvb

(peiq mavg maa-Ko 3:20-30; lu-kaa 11:14-23)

22uaq zang myenb txb taub myenb taaib lxd ye-su. naaiq taub myenb zu'g myenq mua'q ninb mziv mcvb yaag mua'q ninb Vovj, maiq haib kxvq waag. ye-su zyrug zxg lovj taaib, haib kxvq waag a'q. mziv yaag haib mavg tu'q pwatg a'q. 23zwavj myenb Bua'g hxvb haig ye-su zruj Eei sig. laanb naaig laanb, “naaiq taub kevb Daa-witq huvb Eei zeib fun fai ni?”

24faa-li-sij myenb haid naaiq teij sig, ninb Bua kxvq, “naaiq laanb myenb haib zung myenq Zwrtq se laaij ninb lovg myenq Eei huvb, Be-en-se-Bun, Eei livg zung Navq.”#matq-Taai 9:34; 10:25

25ye-su hiuq tu'q ninb Bua Navq haiq nx Namq, ninb zyrug kxvq, “haiq nxm kua'q pun Gxi zruj ziaj Jauq, kanb Eei kua'q zavg myenb Zauj kanb Eei kua'q zavg myenb Bx'q Jaaj, uaq nxm kua'q zyrug paaig Revg a'q. haiq nxm muvq fai haiq pyauq myenb maiq tovb Hruq, pun Gxi, naaiq kwanb Zauj uaq kwanb Bx'q Jaaj, zyrug paaig mig a'q. 26Navq naaig, sij kxvq saa-taan zung saa-taan Zwrtq, naaiq pun Ziv ninb Eei kua'q pun Gxi. ninb Eei kua'q Navq haiq nx haib yem tu'q wrnq? 27meib Bua kxvq yia lovg Be-en-se-Bun myenq Eei livg zung myenq Zwrtq. uaq Euvg meib Bua Eei saib kxj ni? ninb Bua lovg haiq taub Eei livg zung myenq Zwrtq? meib Bua Eei saib kxj zruj Eei sig pun Ziv meib Bua txvg a'q. 28yia Kauj Tinb huvb Eei sivj livb zung myenq Zwrtq. naaiq pun Ziv Tinb huvb taaib yem meib Bua Bu'Dovj zruj zyruq a'q.

29“Navq haiq nx haib pia'g myenb henq myenb Eei pyauq Zaavq ninb Eei ka'naaiq? xij zu'g Dob Jyenq uaq taub myenb henq myenb Daavg Zivj taaib haib Zaavq tu'q ninb Eei ka'naaiq.

30“haiq taub maiq kan yia se Zauj yia txib tekg. haiq taub maiq Tevj yia syru zunq, uaq taub zruj pun Raanj Revg mig a'q.#maa-Ko 9:40 31weig naaiq yia Buaj meib Bua, myenb paamd Eei yetg zuvq zwid, Zauj kxvq Ki Eei yetg zuvq waag, Tinb huvb haib kwavg Revg. mq paag haiq taub kxvq Ki sivj livb, Tinb huvb maiq kwavg uaq taub Eei zwid a'q. 32haiq taub kxvq to'g yia, paamb myenb Eei txn, Tinb huvb zyrug kwavg uaq taub Eei zwid. mq paag haiq taub kxvq to'g sivj livb, Tinb huvb maiq kwavg uaq taub Eei zwid maiq kunq yem naaiq kitq luvb Diaq fai Ga'haaq uaq kitq luvb Diaq.#lu-kaa 12:10

pwatg pyruq zyrug hiuq tu'q Dyavj

(peiq mavg lu-kaa 6:43-45)

33“sij kxvq Dyavj lovj zyrug zyavb pyruq lovj. maiq penj Eei Dyavj zyavb pyruq maiq penj. pwatg haiq Euvg pyruq zyrug hiuq tu'q penj haiq Euvg Dyavj.#matq-Taai 7:20; lu-kaa 6:44 34meib Bua naaig Dwi naavb to'g Eei pwrnq aa'b!#lu-kaa 3:7 meib Bua Hruq waaig Eei myenb Navq haiq nx haib kxvq Kuq waag? weig zu'g Hruq zaavb pwavq haiq Euvg, Rwib zyrug kxvq Zwrtq uaq Euvg a'q.#matq-Taai 3:7; 15:18; 23:33; lu-kaa 6:45 35Kuq myenb Eei Hruq syru lovj Eei ka'naaiq, zx'q Zwrtq taaib Eei yaag lovj. waaig Eei myenb syru waaig Eei ka'naaiq, zx'q Zwrtq taaib Eei yaag waaig.

36“yia Buaj meib Bua, Tauj syemq zwid uaq Nxi, mrud laanb myenb kxvq Eei Jrub Jruj henb waag, kx'g myenb kanb xij zu'g Daamb txv. 37Tinb huvb xij lovg meib kanb Eei waag tivg meib maaib zwid fai maiq maaib zwid.”

myenb Toq Javb hog mavg

(peiq mavg maa-Ko 8:11-12; lu-kaa 11:29-32)

38uaq zang maaib teij Faauj leid Eei finb scv Zauj faa-li-sij myenb kxvq Buaj ye-su, “finb scv aag, yia Bua xij pwatg nxm meib pun taaib Eei Javb hog.”#matq-Taai 16:1; maa-Ko 8:11; lu-kaa 11:16

39ye-su kxvq, “ib Jaaj Eei myenb waaig haig, maaib Yiab Hruq.#12:39 peiq mavg Zwrtq i-yipq 34:15. meib Bua Toq Javb hog mq paag Zwrtq liud trug waag myenb, yo-naa, Eei Javb hog, kanb nxm meib Bua maiq tu'q mavg a'q.#matq-Taai 16:4; maa-Ko 8:12 40yo-naa yem tomb Byaud Eei ka'sia pua Nxi pua mwrnd, paamb myenb Eei txn fib Navq Eei xij zu'g yem Daub Diaq pua Nxi pua mwrnd.#yo-naa 1:17 41Tauj Tinb huvb syemq zwid uaq Nxi, ni-naa-we myenb xij sruq Jiad taaib koj ib Jaaj myenb, weig zu'g yo-naa mivb zunb tod uaq zang, ninb Bua zuvq kxiq Hruq kwavg zwid mig a'q.#yo-naa 3:5 mavg maa'b! ib zang yem naaiq Zxg maaib taub#12:41 taub fai Euvg. kaub Lo Jiaj yo-naa. 42Tauj Tinb huvb syemq zwid uaq Nxi, yem naamb puv uaq taub huvb maag xij sruq Jiad taaib koj ib Jaaj myenb, weig zu'g uaq taub huvb maag yem luvb kxn taaib mwavj saa-lo-mxn huvb Zovb mevb Eei waag. mavg maa'b! ib zang yem naaiq maaib taub#12:42 taub fai Euvg. kaub Lo Jiaj saa-lo-mxn.#1 huvb trub 10:1-10; 2 zunb txig trub 9:1-12

Yiab kwaiq myenq cvj Rwrnj lob txvj

(peiq mavg lu-kaa 11:24-26)

43“Yiab kwaiq myenq yem myenb Eei sin Zwrtq taaib uaq zang ninb yrub Jyenq teib puvb haand mivb lxd txvj hitq. mivb kau, lxd maiq tu'q txvj hitq. 44myenq zyrug kxvq, ‘aa, yia xij Rwrnj yia Eei lob pyauq yem a'q.’ ninb zyrug Rwrnj mivb pwatg ninb Eei lob pyauq Pwrtq Fav Revg, Beng suv, henb henb uaq. 45ninb zyrug cvj mivb lxd siag taub myenq kaub Zyruq Jiaj ninb taaib. ninb Bua zyrug pia'g uaq taub myenb Eei sin yem. uaq taub myenb zyrug kaub Kruq zinb Daavg a'q. meib Bua naaiq txig Hruq waaig Eei myenb yaag xij zu'g Navq naaig.”

ye-su Eei maa Zauj ninb Eei yrud

(peiq mavg maa-Ko 3:31-35; lu-kaa 8:19-21)

46ye-su Zxg Zauj zwavj myenb kxvq Jyenq waag uaq zang, ye-su Eei maa Zauj ninb Eei yrud Bua Tauj a'q, sruq ka'Eiag mcvj xij Zauj ye-su kxvq waag.#12:46 maaib teij lob Nxi sru maiq maaib 12:47 uaq yemg. 47maaib taub yem uaq Eei myenb zyrug Buaj ye-su, “meib Eei maa Zauj meib Eei yrud Bua sruq Jyenq ka'Eiag mcvj, xij Zauj meib kxvq waag.”

48ye-su tau, “haiq taub zruj yia Eei maa? haiq taub zruj yia Eei muab txig?” 49ninb zyrug nu'q Jyenq ninb Eei saib kxj Bua yaag kxvq, “mavg maa'b! naaiq teij myenb se yia Eei maa Zauj yia Eei muab txig. 50haiq taub ei yia Eei Tinb txvb tiaj Eei eij zruj, uaq taub zruj yia Eei muab txig yaag zruj yia Eei maa.”

Currently Selected:

matq-Taai 12: IuMiNOR

Highlight

Copy