lu-kaa 23
23
ye-su yem pi-laatq Eei Ra'Myen
(peiq mavg matq-Taai 27:1-2,11-14; maa-Ko 15:1-5; yo-han 18:28-38)
1kunq sig wig Eei myenb yetg zuvq zyrug Jiad sin txb ye-su mivb pi-laatq zuvj uaq. 2yem uaq ninb Bua koj ye-su. ninb Bua kxvq, “yia Bua pwatg naaiq laanb myenb Duaq yia Bua Eei pc'g fivj zruj txvg. ninb yaag Buaj ninb Bua maiq zu'g Zwrtq Rrub zinb pun lo-maa tomb ziub huvb, yaag kxvq ninb kanb zruj ki-tug yaag zruj taub huvb.”
3pi-laatq zyrug naaig kaaj ye-su, “meib kevb zruj yiu-Tai myenb Eei huvb fai?”
ye-su tau, “se Navq meib kxvq nx.”
4pi-laatq zyrug kxvq Buaj sai myenb pyeiq yaag Buaj zwavj myenb, “yia zaab maiq Zwrtq naaiq laanb myenb maaib haiq Euvg zwid.”
5mq paag ninb Bua Fiag Qa'q Jaa kxvq, “naaiq laanb myenb Faauj Eei leid pun zwavj myenb lung Revg. ninb Faauj kxmj yu-Dia teig,#23:5 naaiq nxm txvj piuj mevb yiu-Tai myenb yem Eei txvj. yem uaq kaa-li-li scvq Jiad kxn, ib zang zuvq Faauj Tauj naaiq taaib a'q.”
6pi-laatq haid ninb Bua Navq naaiq nx kxvq ninb zyrug naaig kaaj, “naaiq taub se kaa-li-li myenb?” 7pi-laatq hiuq tu'q ye-su zruj he-lotq huvb Eei pc'g fivj, ninb zyrug fuvj ye-su mivb Tauj he-lotq uaq. uaq zang he-lotq yaag yem ye-lu-saa-lem zivb.
ye-su yem he-lotq Eei Ra'Myen
8he-lotq pwatg ye-su zyrug a'Neiq haig a'q, weig zu'g Kuvj haid myenb kxvq Navq. maiq kcvb tu'q pwatg yetg Rung. ninb yaag xij pwatg ye-su zruj teij Bua'g hxvb Eei sig. 9he-lotq zyrug naaig Zamb Euvg Eei mq paag ye-su maiq tau yetg Jruj.
10sai myenb pyeiq Zauj Faauj leid Eei finb scv sruq Jyenq uaq, Qa'q koj ye-su. 11he-lotq Zauj ninb Eei pcv mavg Piaj, Wrtq ninb, zruj to'g pun ninb. ninb Bua zx'q teij Rweig haig Eei lwi Tevj ninb zu'q Jyenq cvj fuvj ninb Rwrnj pi-laatq uaq. 12zinb Daavg pi-laatq Zauj he-lotq zruj winb Jaa. mq paag tovb naaig Nxi ninb Bua zruj lovj taaq lob kcv.
pi-laatq tivg pun myenb taij ye-su
(peiq mavg matq-Taai 27:15-26; maa-Ko 15:6-15; yo-han 18:39—19:16)
13pi-laatq heug sai myenb pyeiq Zauj Jyenb fruq Zauj pc'g fivj taaib kapq zunq 14kxvq Buaj ninb Bua, “meib Bua txb naaiq laanb myenb Tauj yia naaiq koj ninb. meib Bua kxvq ninb Zo'q pc'g fivj lung Revg. ib zang yem naaiq meib Bua Eei Ra'Myen yia zaab liud. tovb meib Bua koj ninb uaq teij sig, yia maiq pwatg ninb txvg haiq Euvg. 15he-lotq yaag fib Navq Eei maiq pwatg ninb maaib haiq Euvg txvg Eei txvj, weig zu'g ninb fuvj ye-su taauj Gaav Rwrnj Bua naaiq. mavg kaaj, naaiq laanb myenb maiq txvg haiq Euvg zwid zig tu'q taij lx'g. 16Navq naaig, yia pun pcv Bx'q liud zyrug puvj ninb a'q.”#23:16 maaib teij lob Nxi sru maiq maaib 23:17 uaq yemg. maaib teij zx'q 23:17 uaq yemg an 23:19 yemg Eei tweiq. 17Havb Havj Tauj siaj mcvg zipq, pi-laatq xij zu'g puvj taub zwib myenb Zwrtq pun pc'g fivj. 18zwavj myenb yetg zuvq naug Jyenq Kib Kuvj Kaatq Eei kxvq, “taij naaiq taub a'q. puvj Baa-lapq-Batg pun yia Bua.” 19naaiq taub Baa-lapq-Batg Zeuj lung zivb ka'Euad yaag taij Jiaj myenb Zivj taaib zu'g wrnj Jyenq lob.
20pi-laatq maaib Hruq xij puvj ye-su, ninb zyrug kxvq Lo Eei Buaj zwavj myenb. 21mq paag ninb Bua cvj nib nuvj naug Eei heug Jyenq kxvq, “txb ninb mivb tiv Jyenq! txb ninb mivb tiv Jyenq zyepg Ravg Jaaj!”
22pi-laatq cvj kxvq ta'faam Rung, “uaq Euvg, ninb zruj txvg haiq Euvg zwid? yia kevb maiq pwatg ninb txvg haiq Euvg zig tu'q taij ninb lx'g. yia zyrug pun yia Eei pcv Bx'q liud, puvj Gxi ninb a'q.”
23mq paag zwavj myenb yetg zei Kib Kuvj Kaatq Eei kxvq xij zu'g txb ye-su mivb tiv Jyenq zyepg Ravg Jaaj. zwavj myenb heug Tauj hivb. 24pi-laatq zyrug tivg ei ninb Bua Toq Eei zruj. 25ninb puvj ninb Bua Toq uaq taub, tovb laaij Zeuj lung zivb ka'Euad taij Jiaj myenb, zu'g wrnj Jyenq lob uaq taub. ninb cvj zx'q ye-su Jiu pun ninb Bua, sweib ninb Bua zruj.
ye-su zu'g tiv zyepg Ravg Jaaj
(peiq mavg matq-Taai 27:32-44; maa-Ko 15:21-32; yo-han 19:17-27)
26ninb Bua txb ye-su Zwrtq Jauq uaq zang, pwavb zu'g taub sai-lin myenb, Buaj heug si-mon, yem uaq naab taaib xij pia'g zivb. pcv zyrug Zaa taaib zx'q zyepg Ravg Jaaj lxvj Jyenq si-mon Eei Ba'taub, aapq ninb Daam kan Jyenq ye-su mivb.
27myenb Zamq Eei yaag kan Jyenq ye-su mivb. maaib teij msia'q txn yaag Eyemq tu'q Kruq haig weig zu'g ninb Bua Kxb lyenb haig ye-su. 28ye-su Win Rwrnj taaib kxvq, “ye-lu-saa-lem zivb Eei msia'q txn aa'b! meib Bua maiq tuvq weig yia Eyemq og. xij zu'g weig meib Bua kanb Zauj meib Bua Eei fu'Jweiq Eyemq Navq. 29weig zu'g zyavb hog xij Tauj, myenb xij kxvq, ‘maiq haib maaib scvb yuvd Eei uaq teij, Zauj maiq kcvb yuvd Jiaj kub vwaad uaq teij, cvj Zauj maiq pun kub vwaad hopq Jiaj Exj uaq teij msia'q txn maaib Fyenb yrub a'q.’ 30Tauj uaq zang myenb xij kxvq Buaj tomb zxv,
‘Baav taaib Dapq yia Bua maa'b!’
cvj heug fiub Bov,
‘pyopq Jyenq yia Bua a'q.’#ho-se-yaa 10:8; laaug yaavb 6:16
31sij kxvq Dyavj Eyemd Eei zyavb hog ninb Bua zuvq Navq naaiq zruj, Dyavb Krub Gaai xij Navq haiq nx?”
32ninb Bua cvj txb i taub zwib myenb mivb Zauj ye-su yetg Jauq taij. 33ninb Bua mivb Tauj nxm txvj Buaj heug mGxvb Kx'q txvj, zx'q ye-su tiv Jyenq zyepg Ravg Jaaj. cvj tiv uaq teij i taub zwib myenb yem ye-su Eei ka'Len. maaib taub yem Byaaug mcvj, maaib taub yem zaaij mcvj. 34ye-su kxvq, “aa tia aa'b! Toq tia kwavg Gxi ninb Bua Eei zwid, weig zu'g ninb Bua zruj Eei ninb Bua maiq hiuq.”
ninb Bua yaag zx'q ye-su Eei lwib hruj taaib Druq mavg weig pun Gxi.#sivj Ruv 22:18
35zwavj myenb sruq Jyenq uaq mavg. mq paag zruj Lo uaq teij yiu-Tai myenb Jyetq ninb. ninb Bua kxvq, “ninb Fruj tu'q myenb. sij kxvq ninb tovb Tinb huvb kinq taaib Eei ki-tug, pun ninb Fruj ninb kanb maa'b!”#sivj Ruv 22:7
36pcv yaag fib Navq Eei Wrtq ye-su, cvj mivb fatq teij zx'q a'vung tiub swi Zunq pun ninb#sivj Ruv 69:21 37yaag kxvq, “sij kxvq meib za'kevb yiu-Tai myenb Eei huvb nx, Fruj meib kanb maa'b!”
38yem ye-su kub vwaaig fiaq Jyenq naaiq teij waag, “naaiq taub se yiu-Tai myenb Eei huvb.”
39Zauj ye-su tiv Jyenq uaq teij i taub zwib myenb maaib taub kxvq to'g Ki ye-su, “meib zruj ki-tug maiq zeid? Fruj meib kanb yaag Fruj yia Bua maa'b!”
40mq paag uaq taub zwib myenb paaq ninb kxvq, “meib maiq kamb Riaj Tinb huvb? Bua lomb Rxib zu'g tivg zwid taig. 41weig Bua se hxpg Eei, Pwij tu'q Bua zruj Eei. mq paag naaiq taub maiq zruj txvg haiq Euvg.”
42ninb cvj kxvq Buaj ye-su, “ye-su aa'b! meib taaib zruj huvb Eei zyavb hog, Toq Javj teij yia og.”
43ye-su tau ninb, “yia kxvq zyen Buaj meib, ib Nxi meib tu'q Zauj yia yem xnb lx'g Wivj.”
ye-su taig mig a'q
(peiq mavg matq-Taai 27:45-56; maa-Ko 15:33-41; yo-han 19:28-30)
44uaq zang aaq lamb zyavj aanj Eei zyavb hog, uaq nxm teib puv Mwavj Revg Tauj Fiag aanj pua nxm zyavb hog. 45Ba'Nxi yaag Mwavj mivb. yem zavg Tinb huvb Eei pyauq uaq Kwaaiq Bc'g kcvb Dia yaag Baaij zruj i mcvj.#Zwrtq i-yipq 26:31-33 46ye-su heug Qiaj Lo Eei kxvq, “aa tia aa'b! yia Eei livb wrnb yia Jiu yem tia Eei puad.” Navq naaiq kxvq liud zyrug tavj Qiaj mig a'q.#sivj Ruv 31:5
47maaib taub pcvb pyeiq pwatg naaiq teij sig Zwrtq zyrug Zev Tinb huvb yaag kxvq, “naaiq laanb myenb za'kevb! Kuq myenb.” 48kapq zunq mavg naaiq teij sig Eei zwavj myenb pwatg sig Navq naaiq nx Zwrtq, ninb Bua zyrug Raub haig, Rwei Jyenq la'Kwrtq Rwrnj.
49Zauj ye-su Jiu zua'g uaq teij myenb cvj Zauj yem kaa-li-li kan ye-su taaib uaq teij msia'q txn sruq Jyenq ko teij Eei mavg naaiq teij sig.#lu-kaa 8:2-3
ninb Bua zavj ye-su
(peiq mavg matq-Taai 27:57-61; maa-Ko 15:42-47; yo-han 19:38-42)
50-51maaib taub yu-Dia scvq, aa-li-maa-Tia muvq Eei myenb, Buaj heug yo-sepq. ninb zruj taub Kuq myenb, kan lovj Tinb huvb Eei leid yaag zanb zang zuaq Jyenq Tinb huvb taaib zruj zyruq Eei Nxi Tauj. ninb yaag zruj taub kunq sig wig Eei myenb. mq paag uaq teij kunq sig myenb Zaavb laavb tivg Navq haiq nx zruj uaq zang, yo-sepq maiq Tevj ninb Bua kxvq.
52yo-sepq mivb lxd pi-laatq Toq ye-su Eei sei. 53Toq liud zyrug mivb zx'q sei Fiag taaib, lovg la'maab Dia peu Jyenq fuvj mivb zavj nxm zu'g taaib Eei la'pyeib zruq. naaiq nxm zruq maiq kcvb zavj Jiaj yetg taub Janb taig. 54uaq Nxi se liug leid Jiaj tivb kov Eei Nxi,#23:54 se txij zu'g Bua Eei leib paaij Mmd uaq Nxi. tivb kov Nxi xij Tauj a'q.
55yem kaa-li-li kan ye-su taaib uaq teij msia'q txn kan Jyenq yo-sepq mivb mavg zruq, yaag mavg ninb Bua Navq haiq nx an ye-su Eei sei. 56mavg liud ninb Bua zyrug Rwrnj mivb Beng Jyenq Daav Eei Dia, Daav Eei yrub, xij txb mivb Yetq ye-su Eei sei. Tauj tivb kov Nxi, ninb Bua zyrug ei leib latg tivb kov.#Zwrtq i-yipq 20:10; Ramg leib latg 5:14
Currently Selected:
lu-kaa 23: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.