lu-kaa 19

sakg-Kyetq mivb lxd ye-su

1ye-su pia'g ye-li-Ko zivb, xij yavb zivb Jiaj. 2yem uaq maaib taub myenb zruj syru Rrub zinb Eei pyeiq zeiq, Buaj heug sakg-Kyetq. ninb yaag putg zxib myenb.

3ninb xij mavg kaaj ye-su Navq haiq nx, mq paag sakg-Kyetq aiq haig. myenb Zamq Txvq Jyenq ninb, ninb mavg maiq pwatg ye-su. 4ninb zyrug Zaavq Jiaj Daavg faauj vovb Exj Dyavj, yem uaq zuaq Jyenq mavg ye-su, weig zu'g ye-su xij yavb naaiq tiub Jauq Jiaj. 5ye-su Jiaj Tauj Dyavb kxn zyrug Zau Myen kxvq Buaj sakg-Kyetq, “sakg-Kyetq aag, kaanq Fiag taaib maa'b! ib Nxi yia xij zu'g mivb hitq meib Eei pyauq.” 6sakg-Kyetq Waavb Waav zaavb zaav Eei Fiag taaib, a'Neiq Eei zipq ye-su.

7zwavj myenb pwatg naaiq teij sig ninb Bua zyrug vopq kxvq, “naaig laanb myenb mivb zruj zwib myenb Eei Kc'q a'q lo'b!”

8sakg-Kyetq sruq Jiad taaib kxvq Buaj zyruq, “zyruq aa'b! yia maaib Eei yetg zuvq ka'naaiq yia xij zx'q yetg pwrng pun myenb Jomg myenb. sij kxvq yia Pyenj haiq taub Eei haiq Euvg, yetg kruq yia xij pwib pyei kruq ninb Bua.” 9ye-su kxvq Buaj ninb, “ib Nxi Fruj en taaib Tauj naaiq pwrng myenb. naaiq laanb myenb yaag zruj apg-laa-ham Eei zeib fun. 10yia, paamb myenb Eei txn, taaib lxd yaag Fruj tivj laaib Eei myenb.”#matq-Taai 18:11

zyepg tiub Eaanb Eei waab peiq

(peiq mavg matq-Taai 25:14-30)

11zwavj myenb Zxg mwavj Jyenq naaiq teij waag, ye-su cvj kxvq tiub waab peiq. uaq zang ninb aaq lamb teij Tauj ye-lu-saa-lem zivb, myenb laaig Tinb huvb zruj zyruq kunq myenb Eei zyavb hog Tauj a'q mq pei. 12ye-su zyrug kxvq, “maaib taub Jyen xij Zwrtq mivb ko Eei kua'q zipq livg zruj huvb. zipq liud ninb cvj Rwrnj taaib. 13xij mivb uaq zang ninb heug ninb Eei zyepg taub pru taaib, yetg taub pun tiub Eaanb.#19:13 yetg tiub Eaanb kikg waag kxvq yetg mi-naa. naaiq Pwij zu'g pua Laaj Eia'g Eei kovb zinb. ninb kxvq, ‘txb naaiq teij Eaanb mivb zruj scvb eij Tauj yia Rwrnj.’

14“uaq taub Jyen Eei pc'g fivj Rxv haig ninb zyrug Paaiq myenb kan Gaav mivb kxvq, ‘yia Bua maiq xij lovg naaiq laanb myenb zruj yia Bua Eei huvb.’

15“mq paag uaq taub Jyen tu'q livg zruj huvb cvj Rwrnj taaib a'q. ninb zyrug heug tovb ninb pun Eaanb uaq teij pru, taaib mavg kaaj ninb Bua zxng tu'q Bu'ziaj.

16“ta'yetq taub pru taaib kxvq, ‘zyruq aa'b! meib pun yia uaq tiub Eaanb yia zxng tu'q zyepg tiub.’

17“zyruq tau, ‘lovj a'q. meib za'kevb Hruq zivj Eei pru. teij paaq faib fiuq sig meib zuvq kruj Dovg naaig lovj, yia pun meib kunq zyepg nxm zivb.’

18“ta'Eeig taub pru taaib kxvq, ‘zyruq aa'b! meib pun yia uaq tiub Eaanb yia cvj zxng tu'q pyaa tiub.’

19“zyruq Buaj ninb, ‘yia pun meib kunq pyaa nxm zivb.’

20“cvj maaib taub pru taaib kxvq, ‘zyruq aa'b! naaiq! meib pun yia uaq tiub Eaanb. yia lovg si'g Jaauq peu Jyenq syru lovj Eei. 21yia kamb Riaj haig meib. yia hiuq tu'q meib maiq sia haiq taub. maiq zeid meib kanb Eei ka'naaiq meib yaag zx'q. meib kanb maiq zu'g Dxtq Qa'q zwavj mq paag meib yaag syru.’

22“zyruq kxvq Buaj ninb, ‘meib waaig haig Eei pru aa'b! yia lovg meib kanb Eei waag tivg meib Eei zwid. meib hiuq tu'q yia maiq sia haiq taub? meib yaag hiuq tu'q maiq zeid yia Eei ka'naaiq yia yaag zx'q? maiq zeid yia Dxtq Qa'q zwavj yia yaag syru? 23Navq naaig meib zruj haiq Euvg maiq txb yia Eei Eaanb mivb tapq Eaanb lamd? yia Rwrnj taaib yia tu'q pwrnb zinb yaag tu'q teij leig zinb Zauj Jyenq nyaa.’

24“zyruq cvj Buaj sruq ka'Len uaq teij myenb, ‘zx'q ninb uaq tiub Eaanb pun maaib zyepg tiub uaq taub maa'b!’

25“uaq teij kxvq, ‘zyruq aa'b! ninb zuvq maaib zyepg tiub nyaa.’

26“uaq taub huvb tau, ‘yia Buaj meib Bua, haiq taub maaib Eei, xij Jaa pun ninb maaib kaub Zamq. haiq taub maiq maaib, lyemb ninb maaib teij paaq, zuvq xij zu'g zx'q mivb.#matq-Taai 13:12; maa-Ko 4:25; lu-kaa 8:18 27mq paag maiq xij yia zruj huvb uaq teij winb wavq txb taaib naaiq yem yia Eei Ra'Myen taij kwavg.’+”

ye-su Navq huvb nx pia'g ye-lu-saa-lem zivb

(peiq mavg matq-Taai 21:1-11; maa-Ko 11:1-11; yo-han 12:12-19)

28ye-su kxvq liud naaiq teij waag ninb zyrug mivb Daavg. saib kxj Bua kan Jyenq mivb ye-lu-saa-lem zivb. 29mivb Tauj ka'lanq Bov, leib Betg-faa-yi Zauj Be-Taa-ni laavd maiq ko, ninb Paaiq i taub saib kxj mivb Daavg. 30ninb kxvq Buaj ninb Bua, “meib Bua mivb Tauj Ra'Myen mcvj uaq nxm laavd. pia'g laavd mivb zyrug pwatg taub maa-li txn Dob Jyenq uaq, myenb maiq kcvb keb Jiaj. Jaiq Ken Jyenq taaib og. 31sij kxvq maaib myenb naaig, ‘meib Bua Jaiq maa-li txn zruj haiq Euvg?’ xij zu'g Buaj ninb Bua, ‘zyruq Qyemj zu'g lovg.’+”

32ninb Bua zyrug mivb Daavg, pwatg Euvb Euvg txij ye-su kxvq Eei waag.

33ninb Bua Jaiq maa-li txn uaq zang, maa-li Eei zyruq naaig kaaj, “meib Bua Jaiq maa-li txn zruj haiq Euvg?”

34ninb Bua tau, “zyruq Qyemj zu'g lovg.”

35ninb Bua zyrug Ken maa-li txn mivb ye-su uaq, cvj zx'q kanb Eei tomb lwi timg Jyenq, yaag paaq ye-su faauj mivb keb Jyenq maa-li Eei ti'g taand. 36keb Jyenq mivb uaq zang, zwavj myenb zx'q ninb Bua Eei tomb lwi timg Jyenq uaq Jauq.

37ye-su Tauj fatq ye-lu-saa-lem zivb, Fiag ka'lanq Bov uaq zang, zwavj saib kxj zyrug lomb Rxib Fyenb yrub Eei lovg Qiaj Lo Eei Zev Tinb huvb weig ninb Bua pwatg Jiaj yetg zuvq Bua'g hxvb haig Eei sig. ninb Bua zyrug heug,

38“Toq Tinb huvb Zeij fu'q

tevq zyruq Eei Buaj taaib naaiq taub huvb.

Tinb txvb maaib pcvb xn.

yem Lav Jiaj Eei txvj maaib Favb laavg.”#sivj Ruv 118:26

39yem uaq maaib teij faa-li-sij myenb kxvq Buaj ye-su, “finb scv aa'b! hatg meib Eei saib kxj Bua sekq maa'b!”

40ye-su tau, “yia Buaj meib Bua, sij kxvq ninb Bua maiq Ko lo, la'pyeiq zuvq xij zu'g heug Jiad taaib.”

ye-su Eyemq ye-lu-saa-lem zivb

41ye-su mivb aaq lamb Tauj ye-lu-saa-lem zivb. mavg pwatg zivb ninb zyrug weig uaq nxm zivb Eyemq. 42ninb yaag kxvq, “feij tu'q ib Nxi meib hiuq tu'q haiq Euvg haib pun meib maaib pcvb xn. mq paag ib zang naaiq teij sig kem Jyenq, meib Eei mziv mavg maiq pwatg. 43zyavb hog xij Tauj, meib Eei winb wavq xij wetq niab Dwi Wiv kxmj meib. ninb Bua xij weig Jyenq pyei puv Kwrnj Jyenq meib. 44lyemb meib kanb Zauj yem meib Eei zivb laatg ka'Euad Eei myenb yetg zuvq ninb Bua xij myetg Revg, maiq lyrub yetg Kwaaiq la'pyeiq lapq Jyenq, weig zu'g meib zia'q maiq tu'q Tinb huvb taaib Fruj meib Eei zyavb hog.”

ye-su fyruj Revg zavg Tinb huvb Eei pyauq

(peiq mavg matq-Taai 21:12-17; maa-Ko 11:15-19; yo-han 2:13-22)

45ye-su pia'g zavg Tinb huvb Eei pyauq mivb zyrug zung maaid maaig Eei myenb Zwrtq mivb, 46yaag Buaj ninb Bua, “kivb sru fiaq Jyenq kxvq,

‘yia Eei pyauq xij zu'g zruj tauj kauj Eei pyauq,’#i-saa-yaa 56:7

mq paag meib Bua lovg zruj

‘Janb za'g pivj Eei Kwrtq.’+”#ye-le-mi 7:11

47ye-su Nxib Nxi yem uaq zavg Tinb huvb Eei pyauq Faauj myenb. sai myenb pyeiq Zauj Faauj leid Eei finb scv Zauj kunq pc'g fivj Eei pyeiq xij taij ye-su,#lu-kaa 21:37 48mq paag ninb Bua lxd maiq tu'q Qavj weig zu'g zwavj myenb a'Neiq mwavj ye-su Faauj, yaag maiq xij puvj Dxtq yetg Jruj ninb Eei waag.

Currently Selected:

lu-kaa 19: IuMiNOR

Highlight

Copy