Tin teig trub 30

1laa-sen hiuq tu'q ninb kanb maiq haib yuvd kub vwaad pun yaa-Kopq, ninb zyrug mweig Jia'q ninb Eei txg. ninb kxvq Buaj yaa-Kopq, “meib pun yia tu'q fu'Jweiq maa'b! maiq zei c'q, yia taig a'q.”

2yaa-Kopq Qiaj Jiad haig laa-sen. ninb kxvq, “yia maiq zeid Tinb huvb. Tinb huvb kanb pun meib maiq haib maaib kub vwaad.”

3laa-sen kxvq, “naaiq yia Eei nrub peid, Bin-haa. meib kunq Zauj ninb pweij maa'b! ninb haib yuvd kub vwaad pun yia, yia zyrug laaij ninb tu'q taub kub vwaad funj yia Eei pwrng.”

4laa-sen zyrug pun ninb Eei nrub peid, Bin-haa, ninb Eei Goj lovg zruj auq. yaa-Kopq yaag Zauj ninb pweij. 5Bin-haa zyrug maaib Jyenq sin, yuvd tu'q taub txn pun yaa-Kopq. 6laa-sen kxvq, “Tinb huvb syemq liud tivg pun yia, yaag haid yia Jrub Eei waag zyrug pun taub txn yia.” laa-sen zyrug Tevj uaq taub txn Zwrtq Buaj heug Daan.#30:6 Daan uaq nxm Buaj haid Navq hipq-lu waag kxvq “syemq liud, tivg pun yia”.

7laa-sen Eei nrub peid, Bin-haa, cvj maaib Jyenq sin, yuvd tu'q ta'Eeig taub txn pun yaa-Kopq. 8laa-sen kxvq, “yia Zauj yia Eei txg Rcv tomb Jaaj yaag Rcv tu'q hivb.” ninb Tevj uaq taub txn Zwrtq Buaj heug napq-Taa-li.#30:8 napq-Taa-li uaq nxm Buaj haid Navq hipq-lu waag kxvq Rcv.

9le-aa hiuq tu'q ninb kanb maiq yuvd kub vwaad a'q. ninb zyrug pun ninb Eei nrub peid, sinj-paa, yaa-Kopq lovg zruj auq. 10sinj-paa yaag yuvd tu'q taub txn pun yaa-Kopq. 11le-aa kxvq, “yia kevb mcvg lovj.” ninb zyrug Tevj uaq taub txn Zwrtq Buaj heug kaatg.#30:11 kaatg uaq nxm Buaj haid Navq hipq-lu waag kxvq mcvg lovj.

12le-aa Eei nrub peid, sinj-paa, cvj yuvd tu'q ta'Eeig taub txn pun yaa-Kopq. 13le-aa kxvq, “yia Fyenb yrub haig a'q. zwavj msia'q txn yaag xij kxvq yia Fyenb yrub haig.” ninb zyrug Tevj uaq taub txn Zwrtq Buaj heug aa-se.#30:13 aa-se uaq nxm Buaj haid Navq hipq-lu waag kxvq xnb lx'g.

14kaatq Byaub witq Eei zyavb hog, lu-Ben mivb saau uaq Deig, pwatg zuvb Du-Daa-im Jiab.#30:14 Du-Daa-im Jiab se kan hipq-lu waag kxvq yetg Euvg Dxib. ninb Eei pyruq Navq teij Jiab Junb, setq si'g yavb Navq pyrub komb nx. lyemb Dxib lyemb Ruvb Eei favj zeiq pwatg Navq myenb Eei sin, yaag Navq maaib puab zauj nx. maaib teij myenb syenj sij kxvq msia'q txn Eang liud, haib maaib kub vwaad syepq. ninb zyrug txb taaib pun ninb Eei maa le-aa. laa-sen kxvq Buaj ninb Eei txg, “Toq pun teij txg Eei txn Eei Du-Daa-im Jiab yia maa'b!”

15le-aa tau, “yia Eei Goj meib zuvq Rcv mivb a'q. Zxg maiq kcvb kauj? meib cvj xij Rcv yia Eei txn Eei Du-Daa-im Jiab?”

laa-sen kxvq, “meib pun teij meib Eei txn Eei Du-Daa-im Jiab yia nx, ib mwrnd yia pun yaa-Kopq Zauj meib pweij.”

16Mwavj teij, yaa-Kopq yem Deig Rwrnj, le-aa mivb zipq. ninb kxvq, “ib mwrnd meib xij zu'g Zauj yia pweij. yia txb yia Eei txn Eei Du-Daa-im Jiab yeng meib mig a'q.” uaq mwrnd yaa-Kopq zyrug Zauj le-aa pweij.

17Tinb huvb tau le-aa Jrub ninb Eei waag. le-aa cvj maaib Jyenq sin, yuvd tu'q ta'Mmd taub txn pun yaa-Kopq. 18le-aa kxvq, “weig zu'g yia pun yia Eei nrub peid yia Eei Goj lovg, Tinb huvb pun zivb Eeig yia.” ninb Zwrtq uaq taub txn Eei Buaj heug itg-saaj-Kaa.#30:18 itg-saaj-Kaa uaq nxm Buaj haid Navq hipq-lu waag kxvq tu'q zivb Eeig.

19le-aa cvj maaib Jyenq sin, yuvd tu'q ta'lua'g taub txn pun yaa-Kopq. 20le-aa kxvq, “Tinb huvb pun lovj haig Eei zivb Eeig yia. ib zang yia Eei Goj Dovg haaij yaag xij Taaib yia weig zu'g yia yuvd tu'q Ju'q taub txn pun ninb.” ninb Zwrtq ninb Eei txn Eei Buaj heug sej-Bu-lun.#30:20 sej-Bu-lun uaq nxm Buaj haid Navq hipq-lu waag kxvq Taaib fai zipq fai zivb Eeig.

21Ga'haaq le-aa cvj yuvd tu'q taub sia'q yaag Zwrtq Buaj heug Di-naa.

22zruj kau, Tinb huvb Javj Tauj laa-sen, cvj tau ninb Jrub Eei waag, pun ninb haib maaib kub vwaad. 23ninb zyrug maaib Jyenq sin, yuvd tu'q taub txn. ninb kxvq, “Tinb huvb pun taub txn yia, Tevj yia pwav Myen, maiq zu'g tiaq Eaiq. 24Toq Tinb huvb cvj pun taub txn yia.” ninb zyrug Zwrtq Buaj heug yo-sepq.#30:24 yo-sepq haid Navq hipq-lu waag kxvq “Toq ninb cvj Tipq taub txn”.

yaa-Kopq Zauj laa-Baan kxvq kovb zinb

25laa-sen tu'q liud yo-sepq, Ga'haaq yaa-Kopq kxvq Buaj ninb Eei ovb taa, laa-Baan, “Toq pun yia Rwrnj yia Eei pwrnb teig txvj a'q og. 26tia hiuq tu'q yia taaib Tevj meib zruj kov pyetq Dutq yia Eei aub Jweiq mig a'q. Toq pun yia txb Jyenq Rwrnj a'q.”

27mq paag laa-Baan kxvq, “sij kxvq meib pwavq Hruq, Toq cvj Zauj yia yem. yia samj tu'q Zwrtq,#30:27 faan za'g kxvq mavg zinb hod. hiuq tu'q se weig meib, zyruq Zivj Zeij fu'q pun yia. 28meib Eei kovb zinb xij lovg Bu'ziaj kunq kxvq Buaj yia maa'b! yia zyrug pun.”

29yaa-Kopq tau ninb Eei ovb taa, “tia hiuq tu'q yia zruj Eei kov Dovg haaij lovj, yaag hiuq tu'q meib Eei scvb Kuq Dovg haaij Zamq. 30yia maiq kcvb taaib Eei zyavb hog, tia maaib teij paaq Navq. ib zang maaib Zamq haig a'q. yia zruj Tauj haaij, zyruq Zeij fu'q pun meib.#30:30 hipq-lu waag kxvq “maiq kunq yia mivb Tauj haaij” fai weig yia. mq paag Tauj haiq zang yia Zivj lyepg tu'q yia Eei Jaab tivb?”

31laa-Baan naaig kaaj ninb, “uaq Euvg, yia xij zu'g pun haiq Euvg meib?”

yaa-Kopq tau, “tia maiq zu'g pun haiq Euvg yia. sij kxvq tia xij Navq naaiq nx Tevj yia, yia cvj kruj Jyenq meib Eei pa'ki yuvb Zauj yuvb kwanb mivb. 32ib Nxi yia xij mivb timq mavg meib Eei yetg zuvq pa'ki yuvb Zauj yuvb kwanb. ta'faanb pa'ki yuvb maaib tyemq Zru, tyemq mwrng Eei, Zauj pa'ki yuvb txn Jia'q, Zauj taub taub yuvb maaib tyemq Zru fai tyemq mwrng Eei, yia lovg zruj yia Eei kovb zinb. 33Navq naaiq nx, Ga'haaq hivq yia zruj Hruq za'g fai maiq za'g, tia zyrug hiuq Eei. haiq zang mivb mavg yia Eei kovb zinb, pwatg haiq taub yuvb maiq pen yaag maiq maaib tyemq, fai pwatg haiq taub pa'ki yuvb txn maiq Jia'q nx, zyrug hiuq tu'q yia Pinj taaib a'q.”

34laa-Baan tau, “lovj a'q. Navq meib kxvq nx zruj.” 35tovb uaq Nxi laa-Baan mivb timq mavg ninb Eei yuvb. yuvb kruq pen Eei, maaib tyemq Eei, ninb kinq Zwrtq. yuvb Eeid maaib tyemq Zru tyemq mwrng Zauj taub taub maaib pc'g zxpg Jyenq, Zauj yetg zuvq pa'ki yuvb txn Jia'q ninb yaag kinq Zwrtq. naaiq teij yetg zuvq ninb Jiu pun ninb kanb Eei txn Bua kruj, 36yaag hxvb Jyenq mivb leib yaa-Kopq pua Nxi Eei Jauq. yaa-Kopq c'q, Zxg kruj Jyenq laa-Baan zevg Fiag Eei pa'ki yuvb Zauj yuvb kwanb.

37yaa-Kopq mivb Jamq pxpg-laab, an-man Zauj Pa'len Dyavb Gwaab Eyemd taaib Genj Qovj Gc'q Qovj Dyavb Dopq kwavg, pun Dyavb xq Zwrtq taaib pc'g Eei, pen Eei. 38ninb zyrug txb naaiq teij zruj pen Eei Dyavb Gwaab an Jyenq scvb Kuq Eei Ra'Myen, uamb zob ka'Euad. scvb Kuq scv Eei zyavb hog taaib hopq uam, 39ninb Bua zyrug yem naaiq teij Dyavj Eei Ra'Myen mcvj taapq zwavq. ninb Bua yaag Fiag txn pen Eei, maaib tyemq Zru fai tyemq mwrng Eei. 40yaa-Kopq zx'q yuvb Zauj pa'ki yuvb txn pun Gxi kanb Za'levg an nxm txvj. pa'ki yuvb Zauj yuvb ninb pun huvj mivb laa-Baan Eei pa'ki yuvb Jia'q Zauj pen uaq puv. ninb Navq naaiq nx zruj pun kanb Eei pa'ki yuvb Yaavj. ninb Eei pwrng yuvb Zauj pa'ki yuvb kanb Za'levg an nxm txvj, maiq pun zxpg laa-Baan Eei. 41haiq zang henq Eei uaq teij scvb Kuq taapq zwavq ninb zx'q uaq teij Dyavb Gwaab ton Jyenq Ra'Myen mcvj, uamb zob ka'Euad. ninb Bua yem naaiq teij Dyavj Eei ka'Len taapq zwavq, 42mq paag maiq henq uaq teij taapq zwavq ninb maiq zx'q naaiq teij Dyavb Gwaab ton Ra'Myen mcvj. Navq naaig, maiq henq uaq teij penj laa-Baan Eei. henq uaq teij penj Revg yaa-Kopq Eei. 43yaa-Kopq kunq zruj kunq putq zxib. maaib yuvb, maaib pa'ki yuvb, maaib nrub kauq nrub peid, maaib lxb Txb, maaib lxb. Euvb Euvg zuvq maaib Zamq.

Currently Selected:

Tin teig trub 30: IuMiNOR

Highlight

Copy