Tin teig trub 25

apg-laa-ham Eei zeib fun

(peiq mavg 1 zunb txig trub 1:32-33)

1apg-laa-ham cvj lovg taub auq, Buaj heug Ke-Tu-laa. 2Ke-Tu-laa yuvd tu'q Zamb taub txn pun ninb. maaib simj-laan, yokq-saan, me-Daan, mi-Dyen, itg-Baakg Zauj Qu-waa. 3yokq-saan Eei txn Eei Buaj heug Qe-Baa Zauj De-Daan. De-Daan Eei txn pun Fiag penj atg-su-lim, le-Tu-sim Zauj le-um-mim myenb. 4mi-Dyen Eei txn heug e-faa, e-fe, haa-nokq, aa-Bi-Daa Zauj en-Daa-aa. naaiq teij yetg zuvq zruj Ke-Tu-laa Eei zeib fun.

5apg-laa-ham Jiu ninb Eei Jaab tivb yetg zuvq ka'naaiq pun ninb Eei txn, i-sakg, Ripg Revg. 6mq paag apg-laa-ham maiq kcvb kwei seij uaq zang ninb pun zivb Eeig ninb Eei aub txn Eei txn Bua. Ga'haaq zyrug heug ninb Bua leib Gxi i-sakg mivb yem tov puv mcvj Eei teib puv,

apg-laa-ham kwei seij

7apg-laa-ham Eei Havb Jeiq zyavb tu'q yetg pc'q Zyetq zyepg Mmd Havj. 8ninb zyavb tu'q syrug Ewrnb Daauq, penj myenb koj myenb zyrug tavj Qiaj, kwei seij mig a'q.#25:8 faan za'g hipq-lu waag kxvq “kwei seij, mivb Zauj ninb Eei myenb yem.” eij leid se taig mig a'q. 9ninb Eei txn, i-sakg Zauj i-saa-maa-en, txb ninb mivb zavj nitq mam-le uaq nxm makq-pe-laa Bcvb Kwrtq. naaiq nxm Bcvb Kwrtq yem hitq-Tai myenb, soj-haaj Eei txn, e-fo-lon, Eei Deig. 10se apg-laa-ham Tevj hitq-Tai myenb maaid Eei Deig.#Tin teig trub 23:3-16 apg-laa-ham Zauj ninb Eei auq, saa-laa, zyrug zavj Jyenq uaq a'q. 11apg-laa-ham kwei seij liud, Tinb huvb Zeij fu'q pun ninb Eei txn, i-sakg. i-sakg yem nitq Be-e-laa-hai-lxi.#25:11 peiq mavg Tin teig trub 16:14.

i-saa-maa-en Eei zeib fun

(peiq mavg 1 zunb txig trub 1:28-31)

12ib zang kxvq apg-laa-ham Eei txn, i-saa-maa-en, Eei zeib fun, tovb saa-laa Eei nrub peid, i-yipq myenb, haa-kaa, yuvd pun apg-laa-ham uaq taub txn Eei zeib fun.

13yem naaiq mivb kxvq i-saa-maa-en Eei txn Eei Buaj zweib Lo Tauj faij. txnb Lo heug ne-Baa-yotq. cvj maaib Ke-Daa, atg-Be-en, mipq-samj,#1 zunb txig trub 1:29-31 14mitq-maa, Du-maa, matq-saa, 15haa-Datg, Te-maa, ye-Tu, naa-fitq, Zauj Ke-De-maa. 16naaiq se i-saa-maa-en Eei txn Eei Buaj. ninb pun Fiag zruj zyepg Eeig fivj Eei pyeiq zeiq. ninb Bua lyepg Eei laavd Zauj Zxv Dopg liub Eei txvj kan ninb Bua kanb Eei Buaj heug. 17i-saa-maa-en Eei Havb Jeiq zyavb tu'q yetg pc'q faab zyepg Zyetq Havj, ninb tavj Qiaj, kwei seij mig a'q.#25:17 peiq mavg Tin teig trub 25:8. 18i-saa-maa-en Eei zeib fun Bua yem haa-wi-laa Zauj su-waa Bu'Dovj, yaag yem nitq i-yipq teib puv Eei kapg Jaaij,#25:18 maaib teij sru kxvq “yem i-yipq teib puv Eei txib vaang.” maaib teij kxvq “yem i-yipq teib puv Eei tov puv mcvj”. mivb atg-si-lia teib puv#25:18 maaib teij sru kxvq atg-su. uaq tiub Jauq. ninb Bua Eei zeib fun maiq Zauj apg-laa-ham Eei kanb teij zeib fun yem.#25:18 fai “zanb zang Zauj apg-laa-ham Eei uaq teij zeib fun maiq hxpg”.

e-saau Zauj yaa-Kopq Zwrtq seij

19yem naaiq mivb kxvq apg-laa-ham Eei txn, i-sakg, Eei Jaub lrug.#25:19 hipq-lu waag kxvq zeib fun.

apg-laa-ham zruj i-sakg Eei tia. 20i-sakg lovg le-Be-Kaa zruj auq uaq zang ninb tu'q feij zyepg Havj. le-Be-Kaa zruj Be-Tu-en Eei sia'q. Be-Tu-en se aa-lam myenb, yem patg-Daan-aa-lam.#25:20 patg-Daan-aa-lam se me-soj-po-te-mia teib puv Eei pa'q puv Zauj fai puv Bu'Dovj. le-Be-Kaa yaag zruj aa-lam myenb, laa-Baan Eei muag.

21le-Be-Kaa maiq maaib fu'Jweiq, i-sakg zyrug weig ninb Eei auq tauj kauj Toq zyruq pun ninb Eei auq maaib fu'Jweiq. zyruq ei i-sakg Toq Eei waag zruj, le-Be-Kaa zyrug maaib kub vwaad a'q. 22maaib suvb kub vwaad. kub vwaad yem maa Eei ka'sia pxvd Jaaj. le-Be-Kaa kxvq, “yia weig haiq tiug Dovg naaiq Kruq?”#25:22 hipq-lu waag se maiq navg mevb. maaib teij sru faan taaib kxvq “sij kxvq Navq naaiq yia weig haiq tiug zyavb Jyenq?” ninb zyrug mivb naaig zyruq.

23 zyruq kxvq Buaj ninb,

“maaib i fivj myenb yem meib Eei ka'sia ka'Euad.

meib yuvd Zwrtq naaiq teij i fivj,

yetg fivj Zauj yetg fivj xij pun Gxi.

naaiq fivj xij kaub henq uaq fivj.

kxj yaag xij zu'g fub suj yrud.”#lo-maa 9:12

24Tauj yuvd Eei zyavb hog ninb zyrug yuvd tu'q suvb kub vwaab txn. 25yuvd Zwrtq Daavg uaq taub, sin si'q Eei, zyavb sin Zwrtq pyei su'g su'q uaq, Navq maaib pyei Eei Dopg lwi nx. ninb Bua zyrug Zwrtq Buaj heug e-saau.#25:25 e-saau Eei eij leid se pyei su'q. ninb cvj maaib kanb nxm Buaj heug e-Dom.eij leid se si'q. 26Ga'haaq yuvd uaq taub nanq Jyenq ninb Eei kxj, e-saau, Eei zaub Go Zwrtq.#ho-se-yaa 12:3 ninb Bua zyrug Zwrtq Buaj heug yaa-Kopq.#25:26 yaa-Kopq Eei eij leid se nanq zaub Go fai ninb Duaq. le-Be-Kaa yuvd naaiq teij i taub txn uaq zang, i-sakg tu'q lua'g zyepg Havj.

e-saau maaig ninb zruj kx tu'q suvb kruq Eei leid

27naaiq teij i taub txn Lo taaib. e-saau zruj taub pwrnq xq henq haig Eei myenb. haiq zang yaag xij mivb kemb pwrnq xq. yaa-Kopq c'q, waag zo'g, Hruq Do Eei myenb. ninb xij yem pyauq kaub Zamq. 28i-sakg kaub Namq e-saau, weig zu'g ninb tu'q Eang e-saau pwrnq taaib Eei xq. mq paag le-Be-Kaa kaub Namq yaa-Kopq.

29maaib Nxi nx, yaa-Kopq wrnb Jyenq topg si'q, e-saau mivb kemb Rwrnj taaib, Hruq za'kevb! sia haig. 30ninb kxvq Buaj yaa-Kopq, “yia Hruq sia, xij taig haig a'q. pun teij uaq Euvg ka'naaib si'q yia na'q kaaj.” (weig naaiq myenb Zwrtq Buaj heug ninb zruj e-Dom.)#25:30 e-Dom Eei eij leid se si'q.

31yaa-Kopq kxvq, “maaig meib zruj txnb Lo tu'q suvb kruq Eei leid pun yia Daavg maa'b!”

32e-saau tau, “mavg maa'b! yia xij taig haig a'q. zruj kxj tu'q suvb kruq Eei leid weig yia maaib haiq Euvg maaib lamb lovg?”

33yaa-Kopq kxvq, “mq paag meib xij zu'g hruq maaig pun yia Daavg.”#hipq-lu 12:16

e-saau hruq liud zyrug maaig ninb zruj txnb Lo tu'q suvb kruq Eei leid pun yaa-Kopq mig a'q. 34yaa-Kopq zyrug zx'q teij Fuaq Zauj topg pun e-saau Eang. Eang liud hopq liud, e-saau zyrug Jiad sin mivb mig a'q. maiq Kxb fi'q#25:34 fai mavg Piaj. ninb zruj txnb Lo tu'q suvb kruq Eei leid.

Currently Selected:

Tin teig trub 25: IuMiNOR

Highlight

Copy