Zwrtq i-yipq 5

mo-se Zauj aa-lon mivb faa-lo huvb uaq

1Ga'haaq mo-se Zauj aa-lon mivb Tauj faa-lo huvb uaq kxvq Buaj ninb, “zyruq, i-saa-laa-en myenb Eei Tinb huvb, Navq naaiq kxvq, ‘puvj yia Eei myenb mivb a'q, weig pun ninb Bua mivb uaq teib puvb Waav zruj nxm yinb hrug yia.’+”

2faa-lo kxvq, “zyruq tovb haiq taub lcb? yia zruj haiq Euvg xij zu'g mwavj ninb Eei waag, puvj i-saa- laa-en myenb mivb? yia maiq hiuq tu'q zyruq. yia zuvq maiq pun i-saa-laa-en myenb mivb.”

3mo-se Zauj aa-lon cvj kxvq, “hipq-lu myenb Eei Tinb huvb Fiag taaib lxd yia Bua. ib zang Toq meib pun yia Bua Eei zwavj myenb mivb uaq teib puvb Waav pua Nxi Eei Jaub tivb weig ziag pun zyruq, yia Bua Eei Tinb huvb. maiq zei c'q, Riaj ninb xij pun yia Bua putq tomb wrnb pcvg fai zu'g Bx'q Jaaj Eei sig#5:3 hipq-lu waag kxvq zu'g Ru'g Daauq. hxig yia Bua Eei mcvg.”

4i-yipq teib puv Eei huvb kxvq, “mo-se Zauj aa-lon aa'b! meib Bua weig haiq tiug xij Duaq naaiq teij myenb kwavg ninb Bua Eei kov? Rwrnj mivb zruj meib Bua Eei kov a'q maa'b!” 5faa-lo cvj kxvq, “mavg maa'b! naaiq nxm teib puv Eei i-saa-laa-en myenb za'kevb Zamq haig. meib Bua i taub Kuvj Duaq ninb Bua kwavg kov Navq.”

6tovb uaq Nxi faa-lo hatg kunq i-saa-laa-en myenb Eei kunq nrub myenb Zauj kovb prub pyeiq, 7“yem naaiq mivb maiq tuvq pun Byaub Gaauq naaiq teij myenb zruj niab zun. heug ninb Bua kanb mivb lxd. 8mq paag xij zu'g aapq ninb Bua zruj Tauj Bua'g ta'Navq Nxi Eei sruj mrug. maiq tuvq pun ninb Bua zo'g yetg nxm. ninb Bua lweig haig Zivj taaib Zeuq, ‘pun yia Bua mivb ziag yia Bua Eei Tinb huvb maa'b!’ 9xij zu'g hxig ninb Bua zruj kov kaub Kruq zinb Daavg uaq. pun ninb Bua maiq tivb maiq hitq Eei zruj Jyenq kov mivb, ninb Bua Zivj taaib maiq maaib Qavj mwavj myenb kxvb pc'g Eei waag.”

10uaq teij kunq nrub myenb Zauj kovb prub pyeiq zyrug Zwrtq mivb Buaj i-saa-laa-en myenb, “faa-lo huvb Navq naaiq nx kxvq, ‘yem naaiq mivb yia maiq pun Byaub Gaauq meib Bua a'q. 11mivb haaij lxd, sweib meib Bua kanb mivb lxd. mq paag meib Bua zruj Eei kov maiq pun zo'g Fiag yetg teij.’+”

12i-saa-laa-en myenb zyrug Raanj mivb kxmj i-yipq teib puv, kaatq Byaub Gaauq kxn taaib lovg tiq Byaub Gaauq. 13kunq nrub myenb pe'q ninb Bua, “meib Bua yetg Nxi xij zu'g zruj Tauj tu'q Bua'g zinb Daavg meib Bua maaib Byaub Gaauq uaq.” 14faa-lo Eei kunq nrub myenb Qa'q Bx'q ninb Bua Paaiq zruj kovb prub pyeiq Eei i-saa-laa-en myenb yaag naaig ninb Bua, “a'Nxi Zauj ib Nxi meib Bua fuvg zruj maiq tu'q ziuj tivg taaib Eei sruj mrug Navq zinb Daavg nx?”

15i-saa-laa-en myenb Eei kovb prub pyeiq zyrug mivb lxd faa-lo huvb. ninb Bua kxvq, “meib weig haiq tiug Navq naaiq nx zruj pun meib Eei pru? 16kunq nrub myenb maiq pun yetg teij Byaub Gaauq meib Eei pru mq paag ninb Bua Zxg kxvq ‘zruj niab zun a'q maa'b!’ yia Bua, meib Eei pru, zu'g ninb Bua Bx'q mq paag se meib kanb Eei myenb zruj txvg.”

17faa-lo kxvq, “meib Bua lweig haig, za'kevb! lweig haig. weig naaiq meib Bua Zivj taaib kxvq, ‘pun yia Bua mivb ziag pun zyruq maa'b!’ 18kaanq mivb zruj kov a'q. ninb Bua maiq pun Byaub Gaauq meib Bua, mq paag meib Bua Zxg xij zu'g zruj Tauj tu'q kauj tivg taaib Eei sruj mrug.”

19i-saa-laa-en myenb Eei kovb prub pyeiq haid huvb tiaj kxvq, “meib Bua xij zu'g Nxib Nxi zruj niab zun kauj tivg taaib Eei sruj mrug,” ninb Bua zyrug hiuq tu'q ninb Bua za'kevb! zu'g Kruq a'q. 20ninb Bua mivb faa-lo uaq Zwrtq taaib, ninb Bua pwatg mo-se Zauj aa-lon zuaq Jyenq ninb Bua. 21kovb prub pyeiq kxvq, “Toq zyruq samj mavg meib Bua zruj Eei sig, yaag syemq meib Bua Eei zwid. meib Bua zruj pun faa-lo Zauj ninb Eei zwavj Jyen Rxv yia Bua, Navq zx'q Ru'g Daauq pun ninb Bua nanq Jyenq taij yia Bua nx.”

mo-se kwaij zyruq

22mo-se cvj Rwrnj mivb Buaj zyruq, “zyruq aa'b! meib weig haiq tiug pun naaiq teij pc'g fivj zu'g hxig Dovg naaig Kruq? meib weig haiq tiug Paaiq yia taaib? 23yem yia mivb faa-lo huvb uaq tevq meib Eei Buaj kxvq waag, ninb Kuvj zruj to'g naaiq teij myenb Navq. meib yaag maiq Fruj yetg teij meib Eei myenb.”

Currently Selected:

Zwrtq i-yipq 5: IuMiNOR

Highlight

Copy