kovb zob 7

saa-Te-fen tau tomb sai myenb

1tomb sai myenb naaig kaaj saa-Te-fen, “naaiq teij sig za'kevb maaib Eei fai?”

2saa-Te-fen tau, “zwavj myenb koj Zauj zwavj kxb yrud aag, mwavj yia kxvq og. Bua Eei ovb Taaij, apg-laa-ham, yem me-soj-po-te-mia maiq kcvb mivb haa-laan uaq zang, Favb laavg Eei Tinb huvb hing Zwrtq taaib 3kxvq Buaj ninb, ‘xij zu'g kwavg Jyenq meib Eei teib puv Zauj meib Eei Zyenb Ze'q mivb yem tovb yia xij pun meib hiuq uaq nxm teib puv.’#Tin teig trub 12:1

4“apg-laa-ham zyrug Zwrtq Ken-Dia myenb Eei teib puv mivb yem haa-laan teib puv. ninb Eei tia taig mivb, Tinb huvb Paaiq apg-laa-ham taaib yem ib zang meib Bua yem naaiq nxm teib puv.#Tin teig trub 11:31; 12:4 5uaq zang Tinb huvb lyemb yetg nxm zaub penq Zaaiq Eei Dau yaag maiq pun zruj ninb Eei pwrng. mq paag apg-laa-ham maiq kcvb maaib fu'Jweiq uaq zang Tinb huvb lcvd pun naaiq nxm teib puv ninb Zauj ninb Eei zeib fun.#Tin teig trub 12:7; 13:15; 15:18; 17:8 6Tinb huvb Navq naaiq nx kxvq Buaj ninb, ‘meib Eei zeib fun xij zu'g yem kanb nxm kua'q, zu'g uaq nxm kua'q Eei myenb hxig ninb Bua zruj nrub, zeij ninb Bua feij pc'q Havj.#Tin teig trub 15:13-14 7mq paag yia xij tivg hxig ninb Bua zruj nrub uaq teij myenb Eei zwid. Ga'haaq ninb Bua xij Zwrtq uaq nxm teib puv taaib yem naaiq nxm txvj zavg yia.’#Zwrtq i-yipq 3:12 8Tinb huvb zyrug pun Jiaj kaatq Eei leid zruj lcvd vcvg waag Eei Javb hog.#Tin teig trub 17:10-14 Navq naaig apg-laa-ham Eei txn, i-sakg, Zwrtq seij pwavq Yetg Nxi, apg-laa-ham Tevj ninb Jiaj kaatq Eei leid. i-sakg zruj yaa-Kopq Eei tia, yaa-Kopq yaag zruj Bua Eei zyepg Eeig taub ovb Taaij Eei tia.#Tin teig trub 21:2-4; 25:26; 29:31-35; 30:1-24; 35:16-18; 35:23-26

9“naaiq teij ovb Taaij mweig Jia'q ninb Bua Eei yrud, yo-sepq, zyrug maaig ninb mivb i-yipq teib puv zruj nrub. mq paag Tinb huvb Zauj ninb yem,#Tin teig trub 37:11,28; 39:2,21 10Fruj ninb pyauj Dutq naang zivb. Tinb huvb pun yo-sepq maaib Zovb mevb yaag zruj tu'q hxpg i-yipq teib puv Eei faa-lo huvb. faa-lo huvb zyrug pun ninb zruj zuvj kunq i-yipq teib puv yaag kunq Revg huvb ting.#Tin teig trub 41:39-41

11“Ga'haaq i-yipq teib puv Zauj Kaa-naa-an teib puv pwavb zu'g tomb vxg hxig ninb Bua Kruq. Bua Eei ovb Taaij lxd maiq tu'q haiq Euvg Eang a'q.#Tin teig trub 42:1-2 12mq paag yaa-Kopq haid kxvq i-yipq teib puv maaib laavb zi'g, ninb zyrug Paaiq Bua Eei ovb Taaij mivb ta'yetq Rung. 13ta'Eeig Rung yo-sepq pun ninb Eei kxj Zauj yrud hiuq tu'q ninb. faa-lo huvb zyrug hiuq tu'q yo-sepq Eei Mwavq txig Eei Jaub lrug.#Tin teig trub 45:1,16 14yo-sepq zyrug pun waag mivb Buaj ninb Eei tia, yaa-Kopq, Zauj ninb Eei yetg zuvq Mwavq txig taaib. (yetg zuvq maaib Zyetq zyepg Mmd laanb myenb.)#7:14 peiq mavg Ramg leib latg 10:22.#Tin teig trub 45:9-10,17-18; 46:27 15yaa-Kopq Zauj Bua Eei ovb Taaij zyrug swiq mivb i-yipq teib puv yaag yem uaq kwei seij.#Tin teig trub 46:1-7; 49:33 16ninb Bua Eei sei txb Rwrnj se-Kem, zavj Jyenq apg-laa-ham lovg Eaanb Tevj haa-mo Eei txn maaid uaq nxm zruq.#Tin teig trub 23:3-16; 33:19; 50:7-13; yo-su-waa 24:32

17“aaq lamb teij Tauj Tinb huvb xij zruj ei ninb lcvd pun apg-laa-ham Eei waag, i-saa-laa-en myenb yem i-yipq teib puv Yaavj tu'q Zamq haig.#Zwrtq i-yipq 1:7-8 18zruj kau, cvj maaib taub syavb huvb kunq i-yipq teib puv. ninb yaag maiq hiuq tu'q yetg teij yo-sepq. 19ninb Duaq Bua naaiq fivj myenb yaag zruj to'g pun Bua Eei ovb Taaij, aapq ninb Bua zx'q ninb Bua Eei kub vwaad kwavg, pun kub vwaad maiq maaib mcvg zyavb.#Zwrtq i-yipq 1:10-11,22

20“txij zu'g uaq zang mo-se Zwrtq seij taaib, yaag ei Tinb huvb pwatg, ninb zyavb tu'q Rweig haig. ninb Eei tiaj maag zyrug txb ninb yem pyauq pwavq pua Laaj Eia'g.#Zwrtq i-yipq 2:2 21Tauj zu'g kwavg ka'Eiag uaq zang, huvb Eei sia'q zyrug Lxpq taaib txb Lo zruj ninb kanb Eei txn.#Zwrtq i-yipq 2:3-10 22mo-se tu'q ho'g Revg i-yipq myenb Eei Zovb mevb Eei Jauq. ninb kxvq Eei waag, zruj Eei sig, za'kevb zruj tu'q kwai haig.

23“mo-se tu'q feij zyepg Havj uaq zang, ninb Jiad Hruq mivb mavg Zauj ninb Jwavg fivj uaq teij i-saa-laa-en myenb.#Zwrtq i-yipq 2:11-15 24mivb kau, pwatg taub i-yipq myenb hxig taub i-saa-laa-en myenb. mo-se mivb Tevj zu'g hxig uaq taub Jaauq syrub zyrug taij uaq taub i-yipq myenb. 25(mo-se laaig Zauj ninb Jwavg fivj Eei myenb haib hiuq tu'q Tinb huvb xij lovg ninb Fruj ninb Bua, mq paag ninb Bua maiq pia'g Hruq.) 26ta'Eeig Nxi ninb cvj pwatg i taub i-saa-laa-en myenb Bx'q Jaaj, ninb zyrug mivb paaq ninb Bua. ninb kxvq, ‘kxb yrud aa'b! meib Bua lomb Rxib i-saa-laa-en myenb, weig haiq tiug laanb xij hxig laanb?’

27“mq paag tovb txvg uaq taub fovq mo-se pyauj Gxi. ninb kxvq, ‘haiq taub xn meib taaib kunq yia Bua, Tevj yia Bua tunj sig? 28meib xij taij yia Navq a'Nxi meib taij uaq taub i-yipq myenb nxb?’ 29mo-se haid naaiq teij waag ninb zyrug pyauj Zwrtq i-yipq teib puv mivb yem mi-Dyen teib puv. yem uaq ninb tu'q i taub txn taaib a'q.#Zwrtq i-yipq 18:3-4

30“Jiaj liud feij zyepg Havj, mo-se yem uaq teib puvb Waav, leib si-naai Bov maiq navg ko, maaib taub finb myenb yem zia'g Jyenq Dyavb txnb fomq Eei trub Byetg ka'Euad hing pun mo-se pwatg.#Zwrtq i-yipq 3:1-10 31mo-se pwatg zyrug Bua'g hxvb haig. mivb fatq teij mavg zyrug haid zyruq Eei Qiaj kxvq, 32‘yia se meib Eei ovb Taaij Eei Tinb huvb, apg-laa-ham, i-sakg Zauj yaa-Kopq Eei Tinb huvb.’ mo-se kamb Riaj haig, sin zinj, lyemb maiq kaamq mavg.

33“zyruq cvj kxvq Buaj ninb, ‘Tutq Gxi heb maa'b! meib ib zang sruq Jyenq naaiq nxm txvj se Zivb Revg Eei Dau. 34yia pwatg yia Eei myenb yem i-yipq teib puv syrug Kruq, yaag haid ninb Bua Funb Jyenq yem. yia zyrug Fiag taaib xij Fruj ninb Bua. taaib maa'b! yia xij Paaiq meib mivb i-yipq teib puv.’

35“naaiq taub mo-se tovb zinb Daavg i-saa-laa-en myenb Gemb uaq taub. ninb Bua kxvq, ‘haiq taub xn meib taaib kunq yia Bua, Tevj yia Bua tunj sig?’ Tinb huvb kanb lovg yem Dyavb txnb fomq hing Zwrtq uaq taub finb myenb Paaiq mo-se kunq ninb Bua yaag Fruj ninb Bua.#Zwrtq i-yipq 2:14 36ninb txb pc'g fivj Zwrtq i-yipq teib puv yaag yem i-yipq teib puv, yem Kxib si'q, yaag yem feij zyepg Havj teib puvb Waav zruj Bua'g hxvb Eei sig Zauj Javb hog.#Zwrtq i-yipq 7:3; 14:21; saauq myenb 14:33

37“tovb naaiq taub mo-se kxvq Buaj i-saa-laa-en myenb, ‘Tinb huvb xij weig meib Bua Paaiq taub trug waag myenb Navq yia nx,#7:37 Navq yia nx fai “Navq ninb Paaiq yia nx”. yem meib Bua Eei kxb yrud Bu'Dovj Zwrtq taaib.’#Ramg leib latg 18:15,18 38tovb naaiq taub Zauj i-saa-laa-en myenb kapq zunq yem teib puvb Waav. ninb Zauj Bua Eei ovb Taaij yaag Zauj yem si-naai Bov Zauj ninb kxvq waag uaq taub finb myenb yem, yaag zipq zyavb Jyenq Eei tod Jiu pun Bua.#Zwrtq i-yipq 19:1—20:17; Ramg leib latg 5:1-33

39“mq paag Bua Eei ovb Taaij Gemb mo-se, maiq Kavq mwavj ninb Eei waag. Hruq Kuvj Namq taauj sin Rwrnj uaq i-yipq teib puv Navq. 40ninb Bua zyrug Buaj aa-lon, ‘Toq meib zeij teij zyenb Eei favj yend yia Bua Eei Jauq maa'b! txb yia Bua Zwrtq i-yipq teib puv uaq taub mo-se ov Jiaj haaij mig a'q, yia Bua yaag maiq hiuq.’#Zwrtq i-yipq 32:1 41tovb uaq Rung ninb Bua zruj taub vovb kruq txn Eei favj, txb ka'naaiq mivb ziag, yaag Beng Eang hopq hrug ninb Bua kanb Eei puad zeij taaib Eei ka'naaiq.#Zwrtq i-yipq 32:2-6 42Tinb huvb zyrug maiq mavg ninb Bua a'q. sweib ninb Bua zavg kub vwaaig luvb Eei Leij, Navq fiaq Jyenq trug waag myenb Eei sru nx. sru kxvq,#aa-motq 5:25-27

‘i-saa-laa-en myenb aa'b!

meib Bua yem feij zyepg Havj teib puvb Waav,

meib Bua maiq zeid taij scvb Kuq ziag yia.

43meib Bua kcv mo-lekq zyenb Eei Dopg liub,

yaag kcv le-faan zyenb Eei Leij,#7:43 ninb Bua zruj penj favj taaib zavg.

se meib Bua kanb zeij taaib zavg Eei miub favj.

weig naaiq yia xij kwaatq meib Bua mivb Baa-Bi-lon Eei uaq Daavg mcvj.’

44“Bua Eei ovb Taaij yem teib puvb Waav uaq zang, ninb Bua maaib uaq nxm lcvd vcvg waag Eei Dopg liub. naaiq nxm Dopg liub ninb Bua ei Tinb huvb Paaiq mo-se yaag pun mo-se pwatg Jiaj Eei Euvg zeiq zruj taaib.#Zwrtq i-yipq 25:9,40 45Ga'haaq Bua Eei ovb Taaij tu'q Ripg uaq nxm zavg Tinb huvb Eei Dopg liub yaag pyenb kan Jyenq yo-su-waa mivb. Tauj ninb Bua taaib Rcv teib puv, tovb Tinb huvb zung yem Daavg uaq teij myenb Twij Zwrtq naaiq nxm teib puv, ninb Bua pyenb Jyenq uaq nxm Dopg liub pia'g. Dopg liub yaag yem naaig Tauj Daa-witq huvb Eei luvb Diaq.#yo-su-waa 3:14-17 46Daa-witq huvb tu'q Tinb huvb a'Neiq ninb, zyrug Toq Tinb huvb pun ninb liud leid nxm txvj pun yaa-Kopq Eei Tinb huvb yem.#2 saa-mu-en 7:1-16; 1 zunb txig trub 17:1-14 47mq paag tovb saa-lo-mxn weig Tinb huvb tu'q zruj uaq nxm pyauq.#1 huvb trub 6:1-38; 2 zunb txig trub 3:1-17

48“mq paag yem Lav Jiaj Eei Tinb huvb maiq zeid yem myenb zruj taaib Eei pyauq. Navq trug waag myenb kxvq,

49“luvb se yia Eei weig,

Dau se yia lxvj zauj Eei txvj.

meib Bua weig yia Zeij Eei ting xij Navq haiq nx?#7:49 maaib teij sru faan taaib kxvq xij yem haaij?

yia tu'q hitq Kwrnj Eei txvj xij yem haaij?#i-saa-yaa 66:1-2

50naaiq teij ka'naaiq yetg zuvq

se yia kanb Eei puad zeij taaib maiq zeid?”+’

51“meib Bua Hruq vcvg Eei myenb aa'b! meib Bua mnxmb hod, maiq mwavj Tinb huvb. meib Bua Zauj meib Bua Eei ovb Taaij fib Navq Eei, haiq zang yaag vcvg Jyenq sivj livb.#i-saa-yaa 63:10 52maaib haiq taub trug waag myenb maiq zu'g meib Bua Eei ovb Taaij zruj to'g Jiaj? lyemb taaib trug waag kxvq pcvb fim uaq taub xij taaib, Bua Eei ovb Taaij zuvq taij ninb Bua kwavg mig a'q. ib zang pcvb fim uaq taub meib Bua maaig yaag taij ninb kwavg. 53finb myenb Jiu Tinb huvb Eei leib latg pun meib Bua, meib Bua yaag tu'q zipq mig a'q, mq paag maiq ei Jyenq zruj.”

myenb zov saa-Te-fen taig

54kunq sig uaq kwanb myenb haid saa-Te-fen kxvq naaiq teij waag, ninb Bua Qiaj Jiad! haig, zyrug tapg Eaab tapg Zeiq Eei. 55mq paag saa-Te-fen maaib sivj livb yem pwavq Hruq. ninb mavg kub vwaaig luvb, pwatg Tinb huvb Eei Favb laavg yaag pwatg ye-su sruq Jyenq Tinb huvb Eei Byaaug mcvj puv. 56ninb kxvq, “meib Bua mavg kaaj maa'b! yia pwatg luvb kcvb Gxi, yaag pwatg paamb myenb Eei txn sruq Jyenq Tinb huvb Eei Byaaug mcvj puv.”

57zwavj myenb cvj haid ninb Navq naaiq nx kxvq, ninb Bua zyrug Fib Fuvj Futg Eei heug, yaag lovg puad zotq Jyenq mnxmb Kwrtq Tiuj mivb Zaa saa-Te-fen, 58lang ninb Zwrtq ka'Eiag zi'g zivb, zx'q la'pyeiq zov taig ninb. txij zevj uaq teij myenb Jaiq ninb Bua Eei tomb lwi an Jyenq taub myenb lunj myenb, Buaj heug sau-lo, Eei zaub Len.

59myenb lovg la'pyeiq zov kau saa-Te-fen, saa-Te-fen heug Jyenq Tinb huvb kxvq, “zyruq ye-su aa'b! Toq meib zipq yia Eei livb wrnb!” 60ninb kweig Fiag Dau heug Qiaj Lo Eei kxvq, “zyruq aa'b! Toq meib kwavg Gxi maiq tuvq lovg ninb Bua zruj naaiq teij zwid.” kxvq setq waag ninb zyrug tavj Qiaj mig a'q.

Currently Selected:

kovb zob 7: IuMiNOR

Highlight

Copy