kovb zob 23

1pau-lo nu'g nu'q Eei mavg kunq sig wig Eei myenb yaag kxvq, “yia Eei kxb yrud aag, yia yem naaiq seij zavg Tauj ib Nxi, Tinb huvb pwatg yia Navq haiq nx yem, ei yia Eei Kuq laavb fim yia zruj tu'q hxpg.” 2aa-naa-nia tomb sai myenb heug sruq Jyenq pau-lo Eei ka'Len uaq teij myenb Baij pau-lo Eei Rwib. 3pau-lo kxvq, “Myen Rweig Hruq Zyruq Eei myenb aa'b! #23:3 kikg waag kxvq “Raatq Wib pc'g Eei Fovg aa'b!” Tinb huvb yaag xij Baij meib a'q. meib zweid naaig lovg leib latg tunj yia Eei sig, mq paag meib kanb yaag zruj txvg leib latg Buaj myenb Baij yia.” #matq-Taai 23:27-28

4sruq pau-lo Eei ka'Len uaq teij myenb kxvq, “meib Navq naaiq nx kxvq to'g Tinb huvb Eei tomb sai myenb?”

5pau-lo cvj kxvq, “kxb yrud aa'b! yia maiq hiuq tu'q ninb zruj tomb sai myenb. kivb sru fiaq Jyenq kxvq, ‘maiq tuvq kxvq to'g kunq pc'g fivj Eei Jyen.’+” #Zwrtq i-yipq 22:28

6pau-lo pwatg yem uaq Eei zwavj myenb maaib teij se saa-Du-sij myenb, maaib teij faa-li-sij myenb. ninb zyrug heug Bwi Eei Buaj kunq sig wig Eei myenb, “kxb yrud aa'b! yia yaag faa-li-sij myenb, yaag zruj faa-li-sij myenb Eei txn. yia yem naaiq zu'g syemq se weig zu'g yia maaib lamb Namq. yia syenj myenb taig mivb cvj haib navb taaib.” #kovb zob 26:5; fi-lipq-Pxi 3:5

7pau-lo Navq naaiq nx kxvq, faa-li-sij myenb Zauj saa-Du-sij myenb Rcv Jiad Jaaj taaib. wig Eei zwavj myenb zyrug pun Gxi zruj i kwanb mig a'q. 8weig zu'g saa-Du-sij myenb maiq syenj myenb taig mivb cvj haib navb taaib, maiq syenj maaib finb myenb, yaag maiq syenj maaib myenq, mq paag faa-li-sij myenb syenj naaiq teij pua Euvg zuvq maaib Eei. #matq-Taai 22:23; maa-Ko 12:18; lu-kaa 20:27

9zwavj myenb zyrug Rcv Jiad tomb Jaaj. maaib teij faa-li-sij myenb yaag zruj Faauj leid Eei finb scv sruq Jiad taaib Zovb Qiaj kxvq, “yia Bua maiq pwatg naaiq laanb myenb zruj txvg haiq Euvg. sij kxvq myenq fai finb myenb taaib Zauj ninb kxvq waag Navq haiq nx?” 10kunq Rcv kau Qiaj Jiad, tomb pcvb pyeiq kamb Riaj ninb Bua haib petq Revg pau-lo. ninb zyrug Paaiq pcv Fiag zwavj myenb Bu'Dovj mivb zx'q pau-lo Zwrtq taaib cvj txb mivb pcv yem Eei txvj.

11uaq mwrnd zyruq taaib sruq Jyenq pau-lo Eei ka'Len kxvq, “kunq puvj Hruq og. meib yem naaiq ye-lu-saa-lem zivb Tevj yia zruj zxvb zevj, meib yaag xij zu'g fib Navq Eei mivb lo-maa zivb zruj zxvb zevj.”

yiu-Tai myenb taaq za'eij taij pau-lo

12ta'Eeig Dxm Ryruq Eei, maaib teij yiu-Tai myenb peig Diaq Zaavb laavb. ninb Bua lomb Rxib Druq Jiad zyruj kxvq ninb Bua maiq Eang haiq Euvg maiq hopq haiq Euvg Tauj tu'q taij liud pau-lo. 13tovb Hruq zruj Eei myenb maaib feij zyepg levb laanb. 14ninb Bua mivb sai myenb pyeiq Zauj myenb koj Bua uaq kxvq Buaj ninb Bua, “yia Bua lomb Rxib Druq Jiad zyruj Lo Eei. yia Bua maiq Eang haiq Euvg Tauj tu'q taij kwavg pau-lo. 15Navq naaig, meib Bua Zauj kunq sig wig Eei myenb xij zu'g Toq tomb pcvb pyeiq txb pau-lo taaib meib Bua naaiq zruj Navq meib Bua za'kevb xij hiuq mwrng ninb Eei Jaub lrug. mq paag ninb maiq kcvb Tauj meib Bua naaiq, yia Bua xij tavq Jyenq Daamb Jauq taij ninb.”

16mq paag pau-lo Eei muag Eei txn haid kxvq naaiq teij myenb Navq naaiq nx zruj, ninb zyrug mivb pcv yem Eei txvj uaq Buaj pau-lo.

17pau-lo zyrug heug taub pcvb pyeiq taaib Buaj ninb, “Toq meib txb naaiq taub hrub scv mivb tomb pcvb pyeiq uaq. naaiq taub txn maaib Jruj waag xij kxvq Buaj ninb.”

18pcvb pyeiq zyrug txb ninb mivb pwavb tomb pcvb pyeiq zyrug kxvq, “wrnj lob uaq taub pau-lo Toq yia txb naaiq taub hrub scv taaib. ninb maaib Jruj waag xij taaib Buaj meib.”

19tomb pcvb pyeiq zyrug Ken uaq taub hrub scv mivb levb teij naaig ninb, “meib maaib haiq Euvg xij Buaj yia?”

20uaq taub hrub scv kxvq, “zruj Lo uaq teij yiu-Tai myenb tovb Hruq Toq meib Fav Nxi txb yia Eei tomb naud pau-lo mivb ninb Bua Eei kunq sig wig uaq. ninb Bua xij zruj Navq xij hiuq ninb Eei Jauq kaub mwrng teij. 21mq paag Toq meib maiq tuvq mwavj ninb Bua Eei waag weig zu'g maaib feij zyepg levb taub zuaq Jyenq Daamb Jauq. ninb Bua Druq Jiad zyruj kxvq ninb Bua maiq Eang yaag maiq hopq haiq Euvg Tauj tu'q taij pau-lo kwavg. ninb Bua Beng zyavj a'q, Kuvj zuaq Jyenq meib Gxi Rwib pun pau-lo mivb Eei waag Navq.”

22tomb pcvb pyeiq Buaj uaq taub txn Rwrnj a'q. cvj Jaa waag kxvq, “Zinb maang maiq tuvq pun haiq taub hiuq meib taaib Buaj naaiq Jruj waag yia.”

pcv cvj txb pau-lo mivb fe-likq uaq

23tomb pcvb pyeiq zyrug heug i taub pcvb pyeiq taaib Buaj ninb Bua, “meib Bua xij zu'g liug leid zyavj Eig pc'q taub yavb Jauq Eei pcv, Zyetq zyepg taub keb maad Eei pcv, Zauj Eig pc'q taub Daam Zav Eei pcv. ib mwrnd Duab nxm zyavb hog xij zu'g Zwrtq Jauq mivb si-saa-li-yaa zivb. 24yaag xij zu'g liug leid maad pun pau-lo keb, kruj Jyenq ninb Jauq zavg pcvb xn Eei mivb fe-likq zuvj uaq.”

25tomb pcvb pyeiq yaag fiaq zeiq fyenj. fyenj Navq naaiq kxvq.

26“zyen xij Eei fe-likq zuvj aa'b!

yia Kaa-laau-Di-atg li-syetq fiaq fyenj pun meib. yia Javj Tauj meib.

27yiu-Tai myenb zx'q naaiq laanb myenb yaag Kaaq teij taij ninb mig a'q. mq paag yia haid kxvq ninb zruj lo-maa myenb, yia Zauj pcv zyrug mivb Zaavq ninb Zwrtq taaib. 28yia xij hiuq tu'q ninb Bua weig haiq tiug koj ninb zyrug txb ninb mivb Tauj ninb Bua Eei kunq sig wig uaq. 29yia zyrug hiuq tu'q ninb maiq txvg haiq Euvg zig tu'q taij fai zig tu'q wrnj lob. ninb Bua koj Eei se Rcv yiu-Tai myenb Eei leid Navq. 30yia hiuq tu'q maaib teij myenb taaq za'eij xij zx'q ninb Eei mcvg, yia zyrug lyemb zeib fuvj ninb mivb meib naaig. yia yaag heug koj ninb uaq teij myenb mivb meib uaq koj.”

31pcv zyrug ei Jyenq tomb pcvb pyeiq Eei waag zruj. uaq mwrnd ninb Bua fuvj mivb an-Ti-paa-ti muvq uaq. 32ta'Eeig Nxi yavb Jauq Eei pcv taauj sin Rwrnj. Kuvj keb maad Eei pcv kanb fuvj ninb mivb Navq. 33mivb Tauj si-saa-li-yaa zivb, ninb Bua zx'q fyenj pun zuvj yaag Jiu pau-lo pun ninb mig a'q. 34zuvj to'g liud fyenj, ninb naaig kaaj pau-lo ninb yem haiq nxm scvq taaib Eei myenb. hiuq tu'q pau-lo yem si-li-sia taaib ninb zyrug Buaj pau-lo, 35“zuaq koj meib uaq teij myenb taaib Tauj, yia zyrug mwavj meib Eei kxnb pcvj.” kxvq liud, zuvj zyrug Paaiq pcv txb mivb yem he-lotq Eei huvb ting kruj Jyenq.

Currently Selected:

kovb zob 23: IuMiNOR

Highlight

Copy