kovb zob 2

sivj livb Fiag

1Jiaj Pen-Te-Kxtq zipq uaq Nxi Tauj, ninb Bua yetg zuvq#2:1 se “syenj ye-su Eei zwavj myenb” fai saib kxj Bua. kapq zunq yem nxm txvj.#le-wi 23:15-21; Ramg leib latg 16:9-11 2lyemb zeib yem luvb maaib Qiaj Bwi Navq pxvd tomb Ryaauj nx, Bwi pwavq ninb Bua zweid uaq nxm pyauq. 3ninb Bua pwatg hing Zwrtq taaib Navq trub Byetg nx, Raanj Fiag Tauj ninb Bua taub taub myenb. 4mrud taub tu'q sivj livb pwavq Hruq zyrug Jiad kxn kxvq Zwrtq kanb Euvg waag taaib, ei sivj livb txb ninb Bua kxvq.

5uaq zang maaib luvb Diaq nxmb nxm kua'q, kan lovj Tinb huvb Eei yiu-Tai myenb, taaib hitq ye-lu-saa-lem zivb. 6ninb Bua haid naaiq teij Qiaj Bwi, myenb Zamq zyrug kapq zunq taaib. ninb Bua Navq maiq mevb pc'g weig zu'g kx'g myenb haid uaq teij myenb kxvq kx'g myenb Eei Yaavb puv waag. 7zwavj myenb Namq maiq mevb pc'g yaag Bua'g hxvb haig, zyrug naaig kaaj, “aaq, kxvq Jyenq waag naaiq teij yetg zuvq myenb maiq zeid kaa-li-li myenb fai? 8ninb Bua Navq haiq nx haib kxvq yia Bua taub taub myenb Eei Yaavb puv waag ni? 9yia Bua se paan-Tia myenb, mi-Dia myenb, e-laam myenb, Zauj yem me-soj-po-te-mia teib puv taaib Eei myenb, yem yu-Dia, Kapq-paa-Do-sia, pxn-Tatq, e-sia, 10faa-li-Jia Zauj pam-fi-lia scvq taaib Eei myenb, yem i-yipq teib puv Zauj li-Bia kua'q nitq sai-lin muvq uaq teij txvj taaib Eei myenb, yaag maaib lo-maa zivb taaib Eei Kc'q myenb, lyemb yiu-Tai myenb cvj Zauj kan yiu-Tai myenb syenj Tinb huvb Eei Janj. 11maaib teij yem Ke-litq Kxib Rru taaib, Zauj yem aa-laa-Bia teib puv taaib Eei myenb. yia Bua kx'g myenb haid ninb Bua kxvq Zwrtq kx'g myenb Eei Yaavb puv waag Zev Tinb huvb zruj Bua'g hxvb Eei sig.” 12ninb Bua Bua'g hxvb haig, Namq maiq Tov. laanb naaig laanb, “eq! naaig zruj haiq Euvg lcb?”

13mq paag maaib teij Jyetq Jyenq kxvq, “aaq, naaiq teij myenb tiuq Gwin Navq.”

pi-te kxvq mevb naaiq teij sig

14pi-te Zauj Jyenq uaq teij zyepg yetq taub kovb zob zyrug sruq Jiad taaib lovg Qiaj Lo Eei kxvq Buaj zwavj myenb, “yiu-Tai myenb Eei zwavj kxb yrud Zauj yem ye-lu-saa-lem zivb Eei zwavj myenb aa'b! meib Bua pcv mnxmb mwavj lovj og. yia xij kxvq mevb naaiq teij sig. 15meib Bua laaig naaiq teij myenb hopq tiuq Gwin mq paag maiq zeid. ib zang luvb tomb Dxm Navq. 16naaiq teij sig Zwrtq taaib ei Jyenq trug waag myenb, yo-en, kxvq Eei waag. ninb kxvq,

17‘Tinb huvb kxvq, Ga'haaq laai Eei Nxi

yia xij toj yia Eei sivj livb Zeij pun maang myenb.

meib Bua Eei txn, meib Bua Eei sia'q xij Tevj yia trug waag.

meib Bua Eei myenb lunj myenb xij pwatg hing yaavb Eei sig.

meib Bua Eei myenb koj myenb xij Beij Beij.#yo-en 2:28-32

18yem uaq teij Nxi yia yaag xij toj yia Eei sivj livb

Zeij pun yia Eei mJavg pru, msia'q pru,

ninb Bua zyrug Tevj yia trug waag.

19yem kub vwaaig luvb yia xij zruj Zwrtq Bua'g hxvb Eei sig.

yem ka'Diaq Dau xij zruj Zwrtq Javb hog,

maaib Ryaamq, maaib trud, maaib trub syrub ton.

20zyruq lovg Jyenq Jiaj Eei tomb Nxi maiq kcvb Tauj,

Ba'Nxi xij Jia'q mivb,

Laaj yaag xij si'q mivb Navq Ryaamq nx.

21uaq zang haiq taub heug zyruq Eei Buaj,

uaq taub zyrug tu'q Fruj.’

22“i-saa-laa-en kxb yrud aa'b! mwavj yia kxvq Eei waag og. naa-saa-letq muvq Eei ye-su, Tinb huvb pun yem meib Bua naaiq zruj Zwrtq Bua'g hxvb, Namq maiq mevb pc'g Eei sig, yaag zruj Javb hog pun meib Bua hiuq tivg ninb se yem Tinb huvb taaib. 23Tinb huvb ei ninb kanb Eei za'eij Jaab Daavg tivg zyavj pun ye-su zu'g zx'q Jiu pun meib Bua. meib Bua yaag pun x'q myenb zx'q ninb tiv Jyenq zyepg Ravg Jaaj taij ninb.#matq-Taai 27:35; maa-Ko 15:24; lu-kaa 23:33; yo-han 19:18 24mq paag Tinb huvb pun ninb cvj navb taaib, pyauj Dutq haib taig Eei Kruq naang, weig zu'g haib taig Eei Qa'q kunq maiq Jyenq ninb.#matq-Taai 28:5-6; maa-Ko 16:6; lu-kaa 24:5-6 25Navq Daa-witq huvb kxvq Tauj ninb nx, ninb kxvq,

‘yia pwatg zyruq zanb zang yem yia Eei Ra'Myen.

ninb yem yia Eei Byaaug mcvj puv,#2:25 “pun myenb yem Byaaug mcvj puv,” Eei eij leid se Taaib myenb.

zyrug maiq maaib haiq Euvg haib Dang zu'g yia.#sivj Ruv 16:8-11

26weig naaiq yia a'Neiq haig,

yaag kxvq Zwrtq Fyenb yrub Eei waag.

yia Eei sin xij tu'q zyavb Jyenq maaib lamb Namq txvj,

27weig zu'g meib maiq kwavg yia Eei livb wrnb yem yemb ken,#2:27 maaib teij sru faan taaib kxvq teig Eua'g. yem 2:31 fib Navq Eei.

yaag maiq pun meib Eei Zivb Revg pru Eei sei huq.

28meib pun yia hiuq tu'q zyavb mcvg Eei Jauq.

meib Zauj yia yem zyrug pun yia Fyenb yrub xnb lx'g Tauj taaub.’

29“zwavj kxb yrud aa'b! yia xij puvj laavg Eei kxvq Tauj Bua Eei ovb Taaib vc'q, Daa-witq huvb, Eei Jaub lrug. ninb kwei seij yaag pyopq Jyenq. ninb Eei zruq Zxg yem Bua naaiq Tauj ib Jaaj Nxi. 30ninb zruj taub trug waag myenb yaag hiuq tu'q Tinb huvb Zauj ninb lcvd vcvg waag xij pun taub ninb Eei zeib fun zruj huvb Navq Daa-witq kanb zruj huvb nx.#2:30 kikg waag kxvq “zweid Daa-witq huvb Eei weig”.#2 saa-mu-en 7:12-13; sivj Ruv 132:11 31Daa-witq Jaab Daavg hiuq zyavj Ga'haaq hivq xij Zwrtq Eei sig zyrug kxvq ki-tug xij navb taaib Eei Jaub lrug. Daa-witq kxvq, ‘ninb maiq zu'g kwavg yem yemb ken. ninb Eei sei yaag maiq huq.’#sivj Ruv 16:10 32tovb naaiq taub ye-su taig mivb, Tinb huvb pun ninb cvj navb taaib. yia Bua yetg zuvq hiuq tu'q ninb za'kevb navb taaib zyrug weig naaiq teij sig zruj zxvb zevj. 33Tinb huvb txb ye-su faauj mivb yem ninb Eei Byaaug mcvj, yaag ei ninb lcvd Eei waag Zeij sivj livb pun ye-su. ye-su zyrug toj sivj livb Fiag pun yia Bua, se tovb ib zang meib Bua pwatg Eei Zauj haid Eei. 34maiq zeid Daa-witq kanb faauj Tinb txvb mq paag ninb kxvq,

‘zyruq kxvq Buaj yia Eei zyruq,

zweid Jyenq yia Eei Byaaug mcvj puv,#sivj Ruv 110:1

35zuaq yia pun meib Eei winb wavq

zruj meib lxvj zauj Eei txvj.’

36“Navq naaig, i-saa-laa-en Eei zwavj myenb xij zu'g hiuq tivg, tovb meib Bua tiv zyepg Ravg Jaaj naaiq taub ye-su, Tinb huvb xn zruj zyruq yaag zruj ki-tug.”

37zwavj myenb haid liud naaiq teij waag, zyrug haid Hruq mun haig, Navq ka'naaiq pa'q Jyenq Ba'Riu nx. ninb Bua naaig kaaj pi-te Zauj yetg zuvq kovb zob, “kxb yrud aa'b! yia Bua xij zu'g Navq haiq nx zruj?”

38pi-te tau, “meib Bua taub taub xij zu'g kxiq Hruq kwavg zwid, tevq ye-su ki-tug Eei Buaj Jiaj uam Eei leid, weig tu'q Tinb huvb kwavg meib Bua Eei zwid. meib Bua zyrug tu'q zipq Tinb huvb Zeij pun Eei sivj livb. 39Tinb huvb lcvd naaiq teij vcvg waag se weig meib Bua Zauj meib Bua Eei funb fa'q, yaag weig yetg zuvq yem ko Eei myenb, tovb zyruq, Bua Eei Tinb huvb, heug taaib penj ninb Eei pc'g fivj uaq teij.”

40pi-te cvj kxvq waag Zamq Eei zruj zxvb zevj Kwinj ninb Bua. ninb kxvq, “meib Bua xij zu'g Fruj meib Bua kanb pyauj Dutq naaiq txig Hruq waaig Eei myenb xij zu'g tivg Eei zwid.” 41myenb Zamq Eei syenj pi-te Eei waag zyrug Jiaj uam Eei leid. tovb uaq Nxi maaib leib maiq ko pua Zin taub myenb Tim pia'g kovb zob Bua Eei kwanb. 42ninb Bua lovg Hruq mwavj kovb zob Bua Faauj leid yaag lomb Rxib Jiu Tov, Jwavg Jyenq mc'q Fuaq#2:42 ninb Bua mc'q Fuaq weig Jiu Tov yaag weig zruj Navq ye-su Faauj ninb Eei saib kxj Bua zruj nx. peiq mavg matq-Taai 26:26-29. yaag tauj kauj.

syenj ye-su Eei myenb Navq haiq nx yem

43kovb zob Bua zruj Zamb Euvg Javb hog Zauj Bua'g hxvb Eei sig, zwavj myenb yaag kamb Riaj haig. 44syenj ye-su Eei myenb kapq zunq yem.#2:44 fai “yetg zei maaib Jiu Tov Zamq Jyenq faauj”. maaib haiq Euvg ninb Bua Jwavg Jyenq lovg.#kovb zob 4:32-35 45ninb Bua yaag maaig ninb Bua Eei livb teig Jaab tivb ka'naaiq, zx'q uaq teij Eaanb ziuj kx'g myenb Qyemj lovg Eei pun Gxi lovg. 46ninb Bua Nxib Nxi kapq zunq yem zavg Tinb huvb Eei pyauq yaag yem ninb Bua Eei pyauq mc'q Fuaq.#2:46 peiq mavg 2:42 uaq yemg. ninb Bua Jwavg Eang Jwavg hopq, lomb Rxib a'Neiq, lovg Revg Hruq zruj, 47yaag Zev Tinb huvb. zwavj myenb yaag Taaib ninb Bua. zyruq Nxib Nxi pun tu'q Fruj Eei myenb Tim pia'g ninb Bua Eei kwanb.

Currently Selected:

kovb zob 2: IuMiNOR

Highlight

Copy