kovb zob 13

sivj livb Paaiq Baa-naa-Batg Zauj sau-lo Zwrtq mivb zunb tod

1yem an-Ti-okg Jiub paav maaib teij trug waag myenb Zauj teij Faauj leid Eei finb scv. maaib Baa-naa-Batg, maaib si-me-on, si-me-on cvj maaib nxm Buaj heug ni-ke,#13:1 ni-ke uaq nxm Buaj Eei eij leid se Jia'q. maaib sai-lin myenb, lu-si-atg, maaib maa-naa-en, (maa-naa-en Zauj he-lotq huvb Jwavg pyauq Lo taaib), cvj maaib sau-lo. 2ninb Bua paaij zyruq yaag zei maiq Eang haiq Euvg uaq zang, sivj livb Buaj ninb Bua, “Paaiq Baa-naa-Batg Zauj sau-lo Zwrtq mivb weig zruj yia xij heug ninb Bua zruj Eei kov.”

3ninb Bua zei maiq Eang haiq Euvg yaag tauj kauj, cvj lovg puad maan liud Baa-naa-Batg Zauj sau-lo, zyrug Paaiq ninb Bua mivb mig a'q.

Baa-naa-Batg Zauj sau-lo yem sai-patg Kxib Rru

4Baa-naa-Batg Zauj sau-lo zyrug ei sivj livb Paaiq mivb Tauj se-lu-Kia, yem uaq pia'g Ravq mivb sai-patg Kxib Rru. 5ninb Bua mivb Tauj saa-laa-mitq muvq zyrug yem yiu-Tai myenb Eei nxmb nxm wig txvb zunb Tinb huvb Eei tod. yo-han maa-Ko yaag Zauj ninb Bua yem, Tevj ninb Bua.

6Jiaj Jomg Kxib Rru, Tauj paa-fotq tomb zivb pwavb zu'g taub yiu-Tai myenb, Buaj heug Baa-ye-su. ninb zruj faatq yaag zruj Jaaq trug waag myenb. 7Baa-ye-su Zauj kunq Kxib Rru uaq taub tomb Jyen, sej-Ji-atg pau-lo, yem. naaiq taub sej-Ji-atg pau-lo se kwai haig. ninb xij mwavj Tinb huvb Eei tod zyrug heug Baa-naa-Batg Zauj sau-lo taaib zunb pun ninb mwavj. 8mq paag zruj faatq uaq taub e-li-maatq, laanb Jyenq, maiq xij pun scvb zyruq syenj. e-li-maatq uaq nxm Buaj kxvq penj kikg waag se zruj faatq Eei myenb. 9sau-lo, tovb myenb yaag heug pau-lo uaq taub, tu'q sivj livb pwavq Hruq zyrug nu'g nu'q Eei mavg e-li-maatq. 10ninb kxvq, “myenq Eei txnb Jweiq aa'b! haiq Euvg lovj Eei, meib txij uaq Euvg zruj winb wavq. Kuvj kxvb pc'g Duaq myenb Navq. meib maiq tivb Fiag zanb zang zruj pun zyruq Eei Jaub za'g penj Jaub Fwrtq fai? 11ib zang zyruq Eei puad Fiag Tauj meib, xij pun meib Eei mziv Buaq yetg Zaamj, mavg maiq pwatg luvb Nxi Eei Fav.” e-li-maatq lyemb zeib haid Navq maaib mrug xmj Jyenq ninb Eei mziv mapq mcvb mapq Mwavj Eei. ninb Lua naaiq Lua uaq lxd myenb Ken.

12tomb Jyen pwatg naaiq teij sig Zwrtq, ninb zyrug syenj a'q. ninb Bua'g hxvb haig zyruq Eei tod.

pau-lo Zauj Baa-naa-Batg mivb pi-si-Dia teib puv

13pau-lo Zauj ninb Eei txig yem paa-fotq pia'g Ravq mivb pam-fi-lia teib puv, pe-kaa zivb. yem uaq ninb Bua pun Gxi txig, yo-han maa-Ko Rwrnj ye-lu-saa-lem zivb. 14pau-lo Bua cvj yavb Jauq mivb Tauj pi-si-Dia teib puv Eei an-Ti-okg zivb. Tauj tivb kov Nxi ninb Bua pia'g wig txvb zweid Jyenq. 15txb leib paaij Eei myenb to'g leib latg sru Zauj Tinb huvb Eei trug waag myenb Eei sru. to'g liud, wig txvb Eei kunq sig myenb Paaiq myenb mivb Buaj pau-lo Bua, “kxb yrud aag, sij kxvq meib Bua maaib haiq Euvg waag xij Kwinj yia Bua, kunq kxvq og.”

16pau-lo zyrug sruq Jiad taaib Wavj puad kxvq, “i-saa-laa-en myenb Zauj yetg zuvq zavg Tinb huvb Eei myenb aa'b! mwavj maa'b! 17i-saa-laa-en myenb Eei Tinb huvb kinq Bua Eei ovb Taaij. ninb Bua yem Jyenq i-yipq teib puv uaq zang, Tinb huvb pun ninb Bua Yaavj, yaag lovg tomb Qa'q txb ninb Bua Zwrtq i-yipq teib puv,#Zwrtq i-yipq 1:7; 12:51 18zyrug yem teib puv Waav Eyend Jyenq#13:18 maaib teij lob sru maiq kxvq Eyend Jyenq. ninb Bua kxvq kruj ninb Bua. ninb Bua zruj Eei sig leib maiq ko feij zyepg Havj.#saauq myenb 14:34; Ramg leib latg 1:31 19Tinb huvb myetg Revg yem Kaa-naa-an teib puv Eei siag fivj Janj, yaag zx'q uaq nxm teib puv pun ninb Eei pc'g fivj, i-saa-laa-en myenb Ripg.#Ramg leib latg 7:1; yo-su-waa 14:1 20naaiq teij Jaub lrug lovg zyavb hog leib maiq ko feij pc'q Mmd zyepg Havj.

“Ga'haaq Tinb huvb pun ninb Bua maaib Beng sig myenb kunq ninb Bua Tauj trug waag myenb, saa-mu-en, Eei seij zeiq.#tomb Jyen 2:16; 1 saa-mu-en 3:20 21naaiq teij myenb Toq saa-mu-en pun ninb Bua maaib huvb kunq ninb Bua. Tinb huvb zyrug pun Ben-yaa-min fivj, Kitq Eei txn, sau-lo, zruj huvb kunq feij zyepg Havj.#1 saa-mu-en 8:5; 10:21 22Tinb huvb Twij sau-lo Zwrtq mivb, Ga'haaq xn Daa-witq zruj ninb Bua Eei huvb. Tinb huvb kxvq Tauj Daa-witq. ninb kxvq, ‘yia pwatg Jyetg-si Eei txn, Daa-witq, hxpg yia Eei Hruq haig. ninb yaag xij yem maang sig ei Jyenq yia Eei za'eij zruj.’#1 saa-mu-en 13:14; 16:12; sivj Ruv 89:20

23“Tinb huvb ei lcvd Eei waag pun taub Daa-witq Eei zeib fun, Buaj heug ye-su, Zwrtq taaib zruj i-saa-laa-en myenb Eei Fruj zyruq. 24ye-su maiq kcvb Zwrtq taaib zunb tod uaq zang, yo-han zunb Buaj i-saa-laa-en Eei zwavj myenb ninb Bua xij zu'g kxiq Hruq kwavg zwid, Jiaj uam Eei leid.#maa-Ko 1:4; lu-kaa 3:3 25yo-han zruj ninb Eei kov aaq lamb zyavj, ninb Buaj zwavj myenb, ‘meib Bua laaig yia tovb haiq taub? yia maiq zeid meib Bua zuaq uaq taub og. yia taaib Daavg, ninb Ga'haaq taaib, yia lyemb maiq Pwij Tevj ninb Jaiq heb Laav.’#matq-Taai 3:11; maa-Ko 1:7; lu-kaa 3:16; yo-han 1:20,27

26“zwavj kxb yrud, apg-laa-ham Eei zeib fun Zauj yem meib Bua Bu'Dovj paaij Tinb huvb Eei myenb aa'b! naaiq Fruj en Eei tod se zunb taaib pun Bua a'q. 27yem ye-lu-saa-lem zivb Eei zwavj myenb Zauj zruj Lo Eei uaq teij maiq hiuq tu'q ye-su zruj Fruj zyruq. nxmb nxm tivb kov Nxi ninb Bua mwavj myenb to'g zwavj trug waag myenb Eei sru yaag maiq pia'g Hruq. mq paag ninb Bua tivg ye-su Eei zwid uaq zang, ninb Bua zruj zyavj txij Revg uaq teij trug waag myenb kxvq Eei waag. 28ninb Bua zaab maiq Zwrtq haiq Euvg kxn zig tu'q taij ninb, mq paag ninb Bua Toq pi-laatq pun ninb zu'g taig.#matq-Taai 27:22-23; maa-Ko 15:13-14; lu-kaa 23:21-23; yo-han 19:15 29ninb Bua ei kivb sru fiaq Jyenq kxvq ye-su Eei yetg zuvq Jaub lrug zruj zyavj, zyrug zx'q ye-su Eei sei Fiag zyepg Ravg Jaaj#13:29 zyepg Ravg Jaaj kikg waag kxvq Dyavj. taaib, zavj Jyenq zruq.#matq-Taai 27:57-61; maa-Ko 15:42-47; lu-kaa 23:50-56; yo-han 19:38-42 30mq paag Tinb huvb pun ninb navb taaib. 31ninb hing Zwrtq pun yem kaa-li-li kan ninb mivb ye-lu-saa-lem zivb uaq teij myenb pwatg Zamb Nxi Eei. naaiq teij myenb ib zang zruj zxvb zevj pun i-saa-laa-en myenb mwavj.#kovb zob 1:3

32“yia Bua txb naaiq Kuq fyenj taaib Buaj meib Bua. zinb Daavg Tinb huvb lcvd pun Bua Eei ovb Taaij uaq teij waag, 33ib zang ninb weig Bua, ovb Taaij Eei zeib fun zruj zyavj, se tovb ninb pun ye-su cvj navb taaib. Navq fiaq Jyenq ta'Eeig tiub sivj Ruv kxvq nx,

‘meib zruj yia Eei txn,

ib Nxi yia penj meib Eei tia.’#sivj Ruv 2:7

34cvj maaib waag kxvq Tauj ye-su taig mq paag Tinb huvb pun ninb navb taaib, yetg liud maiq pun ninb Eei sei huq. Tinb huvb kxvq,

‘yia lcvd pun Daa-witq uaq teij Zivb Revg,

Kauj tu'q wrnq Eei en,

yia xij Zeij pun meib Bua.’#i-saa-yaa 55:3

35cvj maaib kanb nxm txvj kxvq,

‘meib maiq pun meib Eei Zivb Revg pru Eei sei huq.’#sivj Ruv 16:10

36“Daa-witq huvb Eei seij zeiq ei Tinb huvb Eei za'eij zruj zyavj, zyrug kwei seij mig a'q, yaag Zauj ninb Eei ovb Taaij zavj Jyenq. ninb Eei sei yaag huq mig a'q. 37mq paag Tinb huvb pun navb taaib uaq taub Eei sei maiq huq.

38“yia Eei kxb yrud aa'b! meib Bua xij zu'g hiuq tu'q, weig naaiq taub ye-su yia Bua Zivj tu'q zunb Buaj meib Bua, Tinb huvb Navq haiq nx kwavg myenb Eei zwid. 39meib Bua yaag xij zu'g hiuq tu'q kan mo-se Eei leib latg maiq haib pun myenb leib Dutq zwid. mq paag haiq taub syenj Kauj ye-su, uaq taub leib Dutq yetg zuvq zwid. 40faij fim og. Raub heij meib Bua haib zu'g trug waag myenb kxvq Eei waag. ninb Bua kxvq,

41‘mavg maa'b! meib Bua mavg Piaj myenb Eei myenb aa'b!

xij zu'g Bua'g hxvb yaag zu'g myetg,

weig zu'g yem meib Bua Eei Nxib Eia'g

yia zruj Zwrtq yetg Euvg sig.

maiq kunq myenb kxvq Buaj meib Bua,

meib Bua zuvq maiq syenj.’+”#haa-Baa-kukg 1:5

42pau-lo Zauj Baa-naa-Batg Zwrtq wig txvb uaq zang, zwavj myenb Toq ninb Bua Tauj ta'Eeig nxm tivb kov Nxi cvj taaib kxvq naaiq teij waag pun ninb Bua mwavj.

43zwavj myenb pun Raanj uaq zang, maaib yiu-Tai myenb Zauj kan yiu-Tai myenb syenj Eei Janj Zamq Eei kan pau-lo Zauj Baa-naa-Batg mivb. kovb zob Bua Zauj ninb Bua kxvq yaag Kwinj ninb Bua xij zu'g zanb zang Kauj wrnq Tinb huvb Eei en.

44Tauj ta'Eeig nxm tivb kov Nxi zyavb muvq Eei myenb aaq lamb taub taub mivb kapq zunq mwavj Tinb huvb Eei tod. 45mq paag yiu-Tai myenb pwatg myenb taaib tu'q Dovg naaig Zamq, ninb Bua zyrug hang haig, mivb Rcv pau-lo kxvq Eei waag, yaag kxvq to'g ninb.

46pau-lo Zauj Baa-naa-Batg zyrug puvj laavg Eei kxvq, “yia Bua Dovg haaij xij zu'g taaib zunb Tinb huvb Eei waag pun meib Bua mwavj Daavg. mq paag meib Bua Gemb, maiq funj meib Bua kanb Pwij tu'q zipq yetg liud Eei mcvg, yia Bua zyrug kwavg meib Bua mivb zunb pun Janj mwavj. 47weig zu'g zyruq Navq naaiq nx Paaiq yia Bua,

‘yia pun meib zruj nxm Fav ziuj pun Janj,

weig pun meib txb Fruj en mivb Tauj Jomg luvb Diaq.’+”#i-saa-yaa 42:6; 49:6

48Janj haid naaiq teij waag zyrug a'Neiq haig, Zev zyruq Eei tod. Tinb huvb kinq taaib weig tu'q yetg liud Eei mcvg uaq teij zyrug syenj ye-su a'q.

49zyruq Eei tod zyrug siv pwavq uaq nxm teib puv. 50mq paag yiu-Tai myenb Zo'g huq uaq nxm muvq zruj Lo Eei mJavg txn Zauj kan lovj Tinb huvb zavg tavq Eei msia'q txn zruj to'g pau-lo Zauj Baa-naa-Batg, yaag zung ninb Bua Zwrtq ninb Bua Eei teib Jaaij. 51kovb zob Bua zyrug fevj kua'q zauj Eei niab Buv weig zruj Javb hog kwaij ninb Bua,#matq-Taai 10:14; maa-Ko 6:11; lu-kaa 9:5; 10:11 Ga'haaq cvj mivb i-Ko-ni-yum zivb. 52yem an-Ti-okg zivb Eei syenj ye-su Eei myenb Fyenb yrub haig yaag maaib sivj livb pwavq Revg ninb Bua Eei Hruq.

Currently Selected:

kovb zob 13: IuMiNOR

Highlight

Copy