Hilassi Ergaano Af furnaan
Af furnaan
Buugga Hilassi Ergaano Tuhum, buuggi Wori Haaggane Luuka Chiire iche orey ileesohta. Ayti busugenye us kaayyeedo a tan, saggi ꞌdooꞌdi oraate Kiriisto rummeeste Rubeyti Munyee iwoyte, icho Wori Haaggane Yeesso miinsan itaaꞌhicheene, icho “Ilkerengeetti weene Yeerusaleem ichoow boroofenneti Yaꞌhuudiya ichoow ti Saamariya ichoow harra tuumman” (1:8) woraas ieleelicheen. Ayti addane Luuka kaayyeedo, a saggi wora Yeesso miinsan dakhi Rooma jiti dagsan ka iꞌdiiꞌddaneynan. Wihi addane Luuka essi, kakhuufnaanki ꞌdooꞌd Kiriisto kakhuufo, saggi goorat yaafohi Yaꞌhuud Waakh iwahteen iche buuhicha.
Buugga Hilassi Ergaano, meel seyyahe seley igaanyahe. Goonannetaas la wihi icho tusaan, a ilassi ballaaddane Wori Haaggane Yeesso miinsan lakacheeke ichoow saggi ururre Kiriisto liisooumhe.
1. Inkoo Yeesso serey ikore, ꞌdooꞌd Kiriisto ilkerengeetti weene Yeerusaleem ka kulme.
2. Wori Haaggan lataaꞌhiche ichoowka boroofenneti Yeerusaleem idow leeleeliche.
3. Wori Haaggan a lataaꞌhiche ichoowka ilassi beyti Buurenye Meditereeniya ichoow ilkerengeetti Rooma leeleeliche.
Wihi kach ka buugga lakaargo a hili Rubeyti Munyeenye, ibeenki Daawti Bentekoos ka, miigti buure ka rubeyohi ꞌdooꞌd Kiriisto buuhisse. Toro la wihi addane laargo, Rubeyta Munyee oreye isohatta urur Kiriisto ichoow weynaantichoti woyto miig siissa. Wor Kiriistoki orey abatti cheekte ichoow wahanyeyyohi urur Kiriisto kayitah buugga ka a chiiranyahiin. Saggi miigti wora jiroti ꞌdooꞌd Kiriisto ichoow ururre Kiriisto imiigoosse iche tusaan.
Wihi buugga goya kijiro
(1) Wori Haaggane lacheeko liitannabta 1:1-26
(a) Amur ichoow ayyin Yeessoti ꞌdaꞌddaboot 1:1-14
(b) Eti meel Yuuda gele 1:15-26
(2) Wori Haaggan ilkerengeetti weene Yeerusaleem ka lacheeka 2:1-8:3
(3) Wori Haaggan boroofenneti Yaꞌhuudiya ichoow Saamariya ka lacheeka 8:4-12:25
(4) Hil Baawulo 13:1-28:31
(a) Sulhaassi oraate Baawulo wor Yeesso kacheeke 13:1-14:28
(b) Toli ilkerengeetti weene Yeerusaleem ka urur Kiriisto liiwahe 15:1-35
(ch) Sulhaassi lammaatteete Baawulo wor Yeesso kacheeke 15:36-18:22
(d) Sulhaassi seyyahnaatteete Baawulo wor Yeesso kacheeke 18:23-21:16
(e) Baawulo ilkerengeetti weene Yeerusaleem ichoow ti Kaaysareya ichoow ti Rooma ka lahida 21:17-28:31.
Currently Selected:
Hilassi Ergaano Af furnaan: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.