Malaki 1
1
1Sɛ gbi nɛ Yawɛ ngɔ kɛ ha Malaki,#1.1 Malaki: Biɛ nɛ ɔ sisi ji “ye tsɔlɔ.” nɛ e ya de Israel bi ɔmɛ ji nɛ ɔ nɛ.
Yawɛ suɔ Israel
2 #
Rom 9.13
Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.”
Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?”
Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina, #Yes 34.5-17; 63.1-6; Yer 49.7-22; Ezek 25.12-14; 35.1-15; Amos 1.11-12; Oba 1.14 3nɛ Esau kɛ e nina lɛɛ i nyɛ mɛ. I kpata Esau yo nɔ zugba a hɛ mi, nɛ i ngɔ e weto ní ɔ kɛ ha nga mi gbehi.”
4Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”
5Nyɛ maa na nɔ́ nɛ ɔ kɛ nyɛ nitsɛmɛ nyɛ hɛngmɛ, nɛ nyɛ ma de ke, “Yawɛ kle, nɛ zugbahi nɛ ngɛ Israel huzu ɔmɛ a se po, e ngɛ he wami ngɛ a nɔ!”
Yawɛ ka osɔfo ɔmɛ a hɛ mi
6Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’ 7Nɔ́ nɛ nyɛ pee ji kaa nyɛ ngɔ niye ní nɛ he tsɔ we kɛ ba ye bɔ sami la tɛ ɔ he. Nɛ nyɛ biɔ mi ke, ‘Mɛni be wa pee nɔ́ ko kaa kikɛ nɛ ɔ?’ Ma de nyɛ! Nyɛ ble ye bɔ sami la tɛ ɔ. 8#Mose V, 15.21 Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”
9Lɔ ɔ he ɔ, nyɛ osɔfohi, nyɛɛ ka kaa nyɛ maa fa kue ha Mawu, konɛ e na wɔ mɔbɔ. Ke nyɛ hɛɛ nike ní kaa kikɛ nɛ ɔ kɛ ba a, anɛ Mawu maa bu nyɛ kue fami ɔ tue lo? 10Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe. 11Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami. 12Se nyɛɛ lɛɛ nyɛ deɔ ke ye bɔ sami la tɛ ɔ he be se nami ko. Jehanɛ hu, nyɛ ngɔɔ niye ní nɛ a hiee kɛ ba sãã bɔ ngɛ nɔ. 13Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo? 14Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.
Currently Selected:
Malaki 1: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
