Luke 3:4-6

Katchi matungpaɏan chi liigili si libluʼn Isaiah un propeta si awi, un kalala, “Inggew chi osaʼn tagu si lugeɏʼn lappun ummili un langibyegbyega kan cha tagu, ‘Allaʼn gumatong chi Apu. Pabiɏuwonyu somsomokyu ya mansagala kayu un isun chi ileɏamyu chaɏan un ayon chi Ari. Masapuɏʼn abyabonyu cha losan un uɏuk ta matalap losan un tagudtud ya bilig. Palinchongonyu cha pikkupikku un kesa ya taliptipanyu, ta losan un tagu itullongcha malaguwan Apudyus kan chicha.’ ”