Matìù MèngàꞋa
MèngàꞋa
Ntu̧ Ntsɔ̧̀ mbɨ̀Ꞌɨ̀ Matìù è shɨ la, wua ndàꞋà nê Yesò wu wòt wu Mbɔ̧ɔ̧mà li nkàꞋ nê taa kɨꞋɨ ghɨ̌ bòt aa peme la. Yesò wu wòt wu Mbɔ̧ɔ̧mà li ntsè ane tò ngɨ̀ àghɨa tà li nkàꞋ bòt bi àfɨꞋa mbì la. Ntu̧ Ntsɔ̧̀ yaa ntsě wuê abua Bèjuê bu bɔ bi a Yesò ayɔɔ ayɔb la. È wu abua bòt ngɔ̀ŋ bàgème.
Ye ndɨ ntu̧ Matìù è tsite mènəè Yesò la: A bùꞋu ane ndɨ bɔ li mbì a Yesò la, è shu ndɨ bɔ li ndzì atò a èdzî, Satàn mè nkɨ̀ke atò la. Shu ndɨ tà li ngɨ̀ àfàꞋ àzi a màntsɔta Ntu̧ Ntsɔ̧̀ Mbɔ̧ɔ̧mà, nyɨ̀Ꞌta bòt, mè mbəa awɔb a Galìlî la. Matìù lɔꞋɔ ane ayaa shɨ ànəa lèghȩ̀ȩ̀nè Yesò e lɔ̀Ꞌɔ a Galìlî e ghǎ Jèlusalèm, shɨ̀ èghɨ è li ngɨ̀ ane Yesò a mànga elìa la, mpàa shu ndɨ bɔ li ngù̧ù̧te atò, tà pfə mè njù̧ù̧me la.
Àkatè yaa aà nyɨ̀Ꞌta Yesò mbɨ̀Ꞌɨ̀ Nyɨ̀Ꞌtà nɨ̧, tà bɔ àtɔŋ a màshua ànəa mbɨ̧ Mbɔ̧ɔ̧mà shuà la, mè me làꞋa ànəa kèfɔ̧̀ Mbɔ̧ɔ̧mà. Bɔ fete èghɨ tà nyɨꞋte la ndzì a èbem ènəê betà̧â̧:
1. Èngǎ̧ Mbɔ̧ɔ̧mà a ègwet abȩ, è wua ndàꞋà ànəa mààlà, nè àfàꞋ, nè àbȩ̀ mè nè àghɨa àa li ghɨ̌ ane bòt a kèfɔ̧̀ Mbɔ̧ɔ̧mà a mèndìa la 5-7.
2. Nkɨ̀a abua bɔkatè Yesò bu ntsɔ̀b babe la 10.
3. Mèngà̧teme ane ànəa kèfɔ̧̀ Mbɔ̧ɔ̧mà 13.
4. Wòt wakatè Yesò wu wùà la 18.
5. Ndɨ ngɔ̀ŋ yaa àfɨ̀Ꞌ yaa la nàa li lìà la, mè nè ndɨ Kèfɔ̧̀ wu a ègwet la nàa kɨꞋɨ la 24-25.
Ndɨ bɔ ghàbtè ntu̧ yaa la
Bètǎt nyaꞋ Yesò nè ndɨ bɔ li mbi atò la 1:1-2:23
ÀfaꞋa Jɔ̌n ndzìà èdzî 3:1-12
Ndɨ bɔ li ndzìa a Yesò à èbem èdzî la, nè ndɨ Satàn li nkɨ̀ke atò la 3:13-4:11
ÀfaꞋa Yesò à èbem Galìlî 4:12-18:35
Lèghȩ̀ȩ̀nè Yesò a Galìlî e ghǎ wu a Jèlusalèm 19:1-20:34
Nkàb màndia Yesò a Jèlusalèm nè èdziꞋ bu a ngèt Jèlusalèm la 21:1-27:66
Ndɨ Yesò Lefɨ̀Ꞌ li njù̧ù̧me mè mpùùlà a mbì bòt ngò̧tsə nyaŋ la 28:1-20
Currently Selected:
Matìù MèngàꞋa: mnf
Highlight
Share
Copy
Want to have your highlights saved across all your devices? Sign up or sign in
© 2006, Cameroon Association for Bible Translation and Literacy