สีง ฑูง 4
4
สีง ฑูง 4
ลู่ง ม์าน-หฮมวัง เต๋า เก๋า โจ้ว เฒี้ยว
จิว ปุน ต้อ ฑูง เญย เมี่ยน. อ๋อย หฒุ หล่ง พัด เญย จา-สี่. ดาวิด โหฒ่ เญย สีง ฑูง.
1โอ เยีย เญย แป้ง ฟิม เญย ทิน-ฮู่ง อ้า!
เยีย เห่ว เญย เฒี่ยง โห่ โท้ เม่ย เตา เยีย.
เยีย ปวั้ง หฒุ ขวน น่าน เญย เฒี่ยง โห่,
เม่ย ปุน เยีย ม่าย เจ๊า ธ้วด.
โท้ ค้อ-เลี่ยน เยีย, หมวัง เยีย เต๋า เก๋า เญย หว่า.
2โอ เม่ย บัว น้าย เต๋ย เมี่ยน อ้า!
เม่ย บัว อ๋อย หมั่ง เผีย ปุน เยีย หฒุ ไญ้ เถา หาย หฒั่น?
เม่ย บัว อ๋อย หล่ง ไม้ ลั่ม หล่ง เญย หว่า
หย่า ล์อ ก๊อง-แปะ เญย เจ๊า เถา หาย หฒั่น? เซลา
3อ๋อย หฒุ ฮิ้ว ตุ๊ เฒี้ยว กิ๊น ธ้วด กัน หลง ทิน-ฮู่ง เญย เมี่ยน เหว่ย นิ่น กั้น.
เยีย เห่ว เฒี้ยว เญย เฒี่ยง โห่, นิ่น หย่า หมวัง เยีย.
4เฉีย เจี์ย#4:4 ไฟ กั้ม เหฑีย. เญย เฒี่ยง โห่ ไม้ ตู๋ง ป์าม ฒุ์ย.#เอเฟโซ 4:26
เปว๋ย เจี๊ยน โหธว เซ้ก เหฑียะ เญย, เยียม เฮญี้ยว หลงๆ เญย ฮนั้ม. เซลา
5อ๋อย หฒุ ฝ่ง ห่อ ต้ง หอบ หฒุ ฝ่ง ห่อ เหฒี่ย เญย กะน้าย,
หย่า เสียน เขา เฒี้ยว.
6ม่าย เมี่ยน ธั้ม ก๊อง, “หาย เต้า ไฮ่ ปุน เยีย บัว ปวัด หาย หญู่ง หลง?”
โอ เฒี้ยว, โท้ ปุน เม่ย เญย เฮมียน เญย ฌัง หฒิว เยีย บัว.
7เม่ย ปุน เยีย เญย เฮญี้ยว ออน-เหลาะ เก้า ธั้ม
ตุ๊ เบย้า เหธา เซียง-อะหงุ่น ติ๊ว ธั้ม เญย เมี่ยน.
8เยีย อ๋อย แป้ง ออน เญย เปว๋ย เหฌี่ย มฌ่อม
เหว่ย หฒุ เฒี้ยว อ่า, ขูง เม่ย กั้น ปุน เยีย ตุ๊ เยียม หลง.
Currently Selected:
สีง ฑูง 4: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
