สีง ฑูง 12
12
สีง ฑูง 12
เต๋า เก๋า โท้ เฒี้ยว เถง ฮี่ง เจี๋ย เอ๊าะ เมี่ยน
จิว ปุน ต้อ ฑูง เญย เมี่ยน. หฒิว เซเมนิด. ดาวิด โหฒ่ เญย สีง ฑูง.
1โอ เฒี้ยว อ้า! โท้ เม่ย เถง เยีย บัว, เหว่ย หฒุ ไม้ ม่าย คู้ เมี่ยน อ๊ะ.
เยียม ป้าม เมี่ยน บุด๋ง เหฒียบ ฒัวะ เญย เมี่ยน หฒุด เหฑ่ง หมี่ อ๊ะ.
2เต้าๆ ก๊อง-แปะ ดั๊ว กั้น เญย จวั่ง ล์าง เมี่ยน.
นิ่น บัว เญย ฑุ่ย ก๊อง หว่า บย่าง เธง เมี่ยน,
หย่า ม่าย อี ติ่ว เฮญี้ยว.
3โท้ เฒี้ยว ก๊าด กวั่ง เธง เหว่ย ดั๊ว เมี่ยน อะเฮน้ย เญย เหยียด ฒู้ง ฑุ่ย เหมย
เหธา ปู๋ง หว่า-เหมา, เธง-โฮล วั้ว เต๋ย เมี่ยน เญย เบียด.
4นิ่น บัว ก๊อง, “เยีย บัว ไฮ่ ปั่ง เยีย บัว เญย เบียด ฮี่ง เจี๋ย.
เยีย บัว เญย ฑุ่ย เหมย เป๋น เยีย บัว กั้น เญย. หาย เต้า โหฒว เยีย บัว เญย เฒี้ยว?”
5 เฒี้ยว ก๊อง, “เยีย อี้ หฒั่น อ๋อย เจี์ย ต้าย
เหว่ย หฒุ จ่ม เญย เมี่ยน หฒุ เหฒย,
โต้ หน่าน เมี่ยน ฌุ่น เจี๊ยน เยียม.
เยีย อ๋อย ปุน นิ่น บัว แป้ง ออน เญย เยียม
ต้ง นิ่น บัว ม่าย ลั่ม ฮนั้ม อ๋อย ตุ๊ เยียม เญย ต๋อง.”
6 เฒี้ยว เญย หว่า#12:6 เฒี้ยว เญย หว่า ไฟ เฒี้ยว แล์ง เญย หว่า. เซ ธีง-เหฑ่ง เญย หว่า,
ฮนั้ง หล่ง โล่ว โต์ว สิน เจี๋ย เสี่ย หฑุ่น เฒียน ไห่ เญย ญ่าน นอ.
7โอ เฒี้ยว อ่า, เม่ย ฒู้ง เปว เจี๊ยน เยีย บัว,
เม่ย อ๋อย โก๋ว เจี๊ยน เยีย บัว, ปุน เยีย บัว เปย๋า ดุ๊ด น้าย ต่อย เมี่ยน.
8ป้าม เมี่ยน เธง เอ๊าะ เญย, หว่าย เญย เจ๊า วั้ว หฒั่น,
เอ๊าะ เมี่ยน โย่ว เจี๊ยน มี่ง ฟาม-ปูง เฝย โหล่ว.
Currently Selected:
สีง ฑูง 12: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
