โยนา 3
3
โยนา มี่ง นินะเว ฒี่ง
1โยนา แอ๋ง ตุ๊ ฒิบ เฒี้ยว เญย หว่า ตะเหญ่ย หฑุ่น, 2“เม่ย มี่ง นินะเว วั้ว นอม ต้ม ฒี่ง เอย เจี๊ยน เยีย พ้าย เญย หว่า ฒุ่น บั๋ว นิ่น บัว.”
3โยนา ฯฒฯ หมวัง เฒี้ยว เญย หว่า, มี่ง นินะเว ฒี่ง อ๊ะ. นินะเว เป๋น นอม โฮล ไห่ เญย ต้ม ฒี่ง. ยั่ง เจ๊า เจี๋ย นอ, อ๋อย หฒุ หล่ง ปัว ฮนอย. 4โยนา เปียะ วั้ว นอม ฒี่ง แอ๋ง มี่ง เหยียด ฮนอย ลิ์ว, นิ่น ฯฒฯ ฒุ่น บั๋ว เมี่ยน, “แอ๋ง ม่าย เฝย เหฒียบ ฮนอย นินะเว ฒี่ง อ๋อย หฒุ เหมียด เหฑ่ง อ๊ะ.” 5นินะเว ฒี่ง เญย เมี่ยน เสียน เฒี้ยว เญย หว่า. นิ่น บัว เหยียด ฒู้ง ฯฒฯ ต้ง เฮญี้ยว เฒย ไม้ หญั่น หาย หญู่ง. เยียม โหฒว โฮล เจี๋ย เถา โหฒว ไฝ เจี๋ย เญย เมี่ยน ฒุ เจี๊ยน ล่าม่า เดีย-โธว.#มัดทาย 11:21; 12:41; ลูกา 11:32
6นินะเว ฒี่ง เญย ฮู่ง ไฮ์ น้าย เต๋ย หว่า, นิ่น เหฌี่ย ฮู่ง เหว่ย, ไจ๊ ฆอย นิ่น เญย ฮู่ง ลุย, ฒุ เจี๊ยน ล่าม่า เดีย-โธว เญย ลุย-โหว, เฒว์ย เจี๊ยน ซ้าย-ดุย. 7นิ่น หย่า ปุน หว่า เถา ฒี่ง เญย นอมๆ ต๋อง บั๋ว แปะ ฝีง, “เยีย, ฮู่ง เตี๋ย, เหธา เยีย เญย เจียน, เหฌี่ย น้าย ติ้ว หลี่ง.
เยีย บัว ไม้ ปุน หาย เต้า หญั่น หาย หญู่ง, ไม้ ปุน หาย เต้า ฮบ หาย หญู่ง. เลี่ยม แซง-คู้, ง่ง, ปะกี ยู่ง ไม้ ตุ๊ หญั่น, ไม้ ตุ๊ ฮบ. 8เลี่ยม เมี่ยน เลี่ยม แซง-คู้ อ๋อย หฒุ ปุ๋ย เจี๊ยน ล่าม่า เดีย-โธว. เต้าๆ อ๋อย หฒุ จอม เฮญี้ยว เต๋า เก๋า โจ้ว ทิน-ฮู่ง. บัว โหฒว หว่าย เญย เจ๊า เหยียด ฒู้ง อ๋อย หฒุ กวั่ง เหฑ่ง. 9เหฑีย ทิน-ฮู่ง อ๋อย ทิ้ว นิ่น เญย หฒะเอ๋ย, ไม้ เฉีย เจี์ย บัว, บัว หธีง ต้าย ไม้ หฒุ ไต่ มเปย.”
10ทิน-ฮู่ง ปวัด น้าย เต๋ย เมี่ยน ก๊อย เฮญี้ยว กวั่ง นิ่น บัว โหฒว หว่าย เญย เจ๊า, นิ่น ฯฒฯ ทิ้ว นิ่น เญย หฒะเอ๋ย. ฒิ่น ด่าง นิ่น ก๊อง อ๋อย เหมียด น้าย นอม ฒี่ง เญย เมี่ยน, มป่า อี้ หฒั่น นิ่น ไม้ เหมียด อ๊ะ.
Currently Selected:
โยนา 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
