ทิน เต่ย โต้ว 20

อับลาฮัม เหธา อาบีเมเล้ก

1อับลาฮัม เยียม มัมเล เญย ต้ม บะอง เฒวย เดี๋ยง-หล่ม ซุ้ย มี่ง เถา เนเกบ, คาเดด ฒี่ง เหธา ซูวา เต่ย บุด๋ง, เยียม โต่ว เกลาอา มู้ง. 2เยียม หน่าย อับลาฮัม ก๊อง นิ่น เญย เอ๊า, ซาลา, โหฒว นิ่น เญย หมั่ว.#20:2 อับลาฮัม เหธา ซาลา จวั่ง เตีย, ไม้ จวั่ง มา. เป๊ย หมั่ง ทิน เต่ย โต้ว 20:12.#ทิน เต่ย โต้ว 12:13; 26:7 เกลาอา เญย ฮู่ง, อาบีเมเล้ก, ฯฒฯ พ้าย เมี่ยน ต้อ ซาลา มี่ง นิ่น วั้ว.

3ม่าย ม์วน อาบีเมเล้ก ฮู่ง เบ๋ย ปวัด ทิน-ฮู่ง ต้าย บั๋ว นิ่น, “เม่ย หฒะเก้ง อ๋อย หฒุ ไต่ อ๊ะ, เหว่ย หฒุ เม่ย ต้อ ต้าย น้าย เต้า มเซียะ ตอน ฒู้ง ม่าย โหฆ เญย.”

4มป่า อาบีเมเล้ก เลี่ยม ไม้ แก้ง ตุ๊ นิด ฟัด ซาลา. นิ่น ฯฒฯ ก๊อง บั๋ว ทิน-ฮู่ง, “เฒี้ยว อ้า! เลี่ยม ไม้ โหฒว ต่อง เญย แปะ ฝีง เม่ย อ๋อย เหมียด เหฑ่ง? 5อับลาฮัม กั้น ก๊อง, ‘ซาลา โหฒว เยีย เญย หมั่ว.’ วั้ว เต้า มเซียะ ตอน หย่า ก๊อง, ‘นิ่น โหฒว เยีย เญย ก๋อ.’ เยีย โหฒว เญย เซ เฮญี้ยว หฒีง เญย, ไม้ ต่อง หาย หญู่ง.”

6เบ๋ย ปวัด เญย เฒี่ยง โห่ ทิน-ฮู่ง แอ๋ง ก๊อง บั๋ว นิ่น, “เยีย ฮิ้ว เญย. เม่ย ฮนั้ง น้าย นอ โหฒว เม่ย เญย เฮญี้ยว หฒีง เญย. เยีย กั้น ตั๊ง เจี๊ยน, ไม้ ปุน เม่ย ป์าม ฒุ์ย ต่อง เยีย. เซ เหว่ย น้าย เยีย ไม้ ปุน เม่ย ฮลัว หฒุ นิ่น. 7เม่ย อ๋อย หฒุ ฝูง น้าย เต้า มเซียะ ตอน หฑวน ปุน นิ่น เญย โหฆ เหว่ย หฒุ นิ่น เญย โหฆ เซ โต่ว หว่า เมี่ยน. นิ่น ไฮ่ เถง เม่ย เต๋า เก๋า, เม่ย ฯฒฯ ตุ๊ เฒี่ยง เจี๊ยน. สี ก๊อง เม่ย ไม้ ฝูง น้าย เต้า มเซียะ ตอน หฑวน นอ, เลี่ยม เม่ย เหธา เม่ย เญย เหยียด ฒู้ง เมี่ยน, ด่ง หาย ฒู้ง หฒุ ไต่ เหฑ่ง.”

8ตะเหญ่ย ดอม เฑี้ยว เญย, อาบีเมเล้ก เห่ว นิ่น เญย หฒวัง เจียน ต้าย ฒุ้น ก๊อง น้าย เต๋ย สี่ ปุน นิ่น บัว หมวัง. นิ่น บัว เก้ง! กั้ม เหฑีย ไห่ อ๊ะ. 9อาบีเมเล้ก เห่ว อับลาฮัม ต้าย ฯฒฯ ก๊อง, “เม่ย ฝู่ง ฮนั้ง น้าย นอ โหฒว ปุน เยีย? เยีย ต่อง หาย หญู่ง เม่ย, เม่ย หธีง ต้าย ต้อ ฒุ์ย ต้าย ห่อย เยีย เหธา เยีย เญย กั๊วะ ด่ง น้าย ธั้ม? เม่ย ฮนั้ง น้าย นอ โหฒว ปุน เยีย เซ ไม้ หอบ เหยียด เต๋ย.” 10อาบีเมเล้ก แอ๋ง หน่าย อับลาฮัม, “เม่ย เหว่ย หาย ติ่ว ฮนั้ง น้าย นอ โหฒว?”

11อับลาฮัม เตา, “เยีย หล่าย เยียม น้าย ไม้ ม่าย หาย เต้า กั้ม เหฑีย ทิน-ฮู่ง. เหฑีย นิ่น บัว อ๋อย ไต๋ เยีย เหว่ย ตุ๊ เยีย เญย เอ๊า. 12ธ้วด ลิ์ว น้าย, นิ่น หฒะเก้ง โหฒว เยีย เญย หมั่ว, เหธา เยีย จวั่ง เตีย ไม้ จวั่ง มา. เยีย หย่า หล่ง นิ่น โหฒว เอ๊า. 13ทิน-ฮู่ง พ้าย เยีย เล่ย เยีย เญย เตีย เญย เปย๊า วั้ว หฒั่น เยีย บั๋ว เหฒียง เยีย เญย เอ๊า, ‘เม่ย อ๋อย หฒุ ฮนั้ง น้าย ปุน ธีง เม่ย ฮนั้ม เยีย. ไม้ กุ๊น มี่ง เถา หาย เดา, เม่ย อ๋อย หฒุ ก๊อง, “นิ่น โหฒว เยีย เญย ก๋อ.”’”

14อาบีเมเล้ก ฯฒฯ ฝูง ง่ง, ปะกี ยู่ง, โน่ว เก๊า โน่ว เป์ย มี่ง ปุน อับลาฮัม, หย่า ฝูง อับลาฮัม เญย เอ๊า, ซาลา, หฑวน ปุน นิ่น. 15อาบีเมเล้ก บั๋ว อับลาฮัม, “หมั่ง ก๋า! เยีย เญย เต่ย-ปูง เยียม เม่ย เญย หฑะเฮมียน. เม่ย อ๋อย เยียม หาย, กุ๊น เยียม อ๊ะ.”

16นิ่น แอ๋ง ก๊อง บั๋ว ซาลา, “เยีย เฒาะ เสี่ย จ้อย ญ่าน#20:16 7 จ้อย ฮิบลู หว่า ก๊อง 1,000 เซเขน. เซ เล่ย ไม้ โก 11.5 กีโล เญย ต๋อง. ต้าย ปุน เม่ย เญย ก๋อ โหฒว หฑาว เฮมียน ญ่าน, ปุน เหธา เม่ย เยียม เญย เมี่ยน ฮิ้ว ตุ๊ เม่ย หฒะเก้ง ไม้ ต่อง. หาย เต้า ฯฒฯ ฮิ้ว ตุ๊ เม่ย ไม้ โหฒว ต่อง หาย หญู่ง.”

17อับลาฮัม ฯฒฯ เถง อาบีเมเล้ก เต๋า เก๋า, ทิน-ฮู่ง ฯฒฯ หฒ่อ หลง อาบีเมเล้ก เหธา นิ่น เญย เอ๊า, เลี่ยม นิ่น เญย เหยียด ฒู้ง โน่ว เป์ย, ปุน นิ่น บัว แอ๋ง ไฮ่ ม่าย กู้งว์า. 18เหว่ย หฒุ หลาย อับลาฮัม เญย เอ๊า, ซาลา, เญย สี่, ทิน-ฮู่ง โหฒว ปุน อาบีเมเล้ก ฮู่ง เญย เปย๊า ฒง มเซียะ ตอน เหยียด ฒู้ง ไม้ ไฮ่ ม่าย กู้งว์า.

Currently Selected:

ทิน เต่ย โต้ว 20: IuMiTH

Highlight

Copy