1 ฮู่ง โต้ว 7
7
เหธย ซาโลมอน เญย ฮู่ง ติ่น
1ซาโลมอน หล่ง เหฒียบ ฟาม หฮญัง เหธย นิ่น เญย ฮู่ง ติ่น หย่า เหธย เหฒียง เหฑ่ง. 2ม่าย บั๋ว เห่ว เลบานอน เก้ม วั้ว นอม เปย๊า นิ่น เหธย เหยียด แป๊ะ เดาะ ด๊าว, ฮม์ เหฒียบ เดาะ จั๊ง, ฟ่า เหฒียบ เดาะ ฮลัง. ม่าย เปยย เลี์ยว สีดา ฒ่ง เดี๋ยง เญย เดี้ยว. เดี้ยว เตว๊ย-เมว์ย แอ๋ง ม่าย สีดา ฒ่ง เดี๋ยง เญย แฮ่ง. 3แฮ่ง กู้ หงว่าย แหมง หย่า หล่ง สีดา ฒ่ง เดี๋ยง ก๊ม. ม่าย เฝย เหฒียบ ฮม์ ติ้ว แฮ่ง, เหยียด เลี์ยว ม่าย เหฒียบ ฮม์ ติ้ว. 4ม่าย ปัว เลี์ยว ฟง ม่วน เญย ชอง. น้าย ปูง เญย ฟง ม่วน ต๋อย วั้ว ปูง เญย ฟง ม่วน. 5นอมๆ แก้ง ชอง เหธา ฟง ม่วน เญย ชอง ม่าย เปยย เก๊าะ ฟี่ ฮนั้ง เหฑ่ง. น้าย ปูง เญย ปัว เลี์ยว ฟง ม่วน หย่า ต๋อย เหฒียง วั้ว ปูง เญย ปัว เลี์ยว ฟง ม่วน.
6นิ่น แอ๋ง โหฒว ‘ม่าย ต้ม เดี้ยว เญย เปย๊า,’ ด๊าว ฮม์ เหฒียบ เดาะ, จั๊ง ฟ่า เหฒียบ เดาะ. เยียม หฑะเฮมียน แหมง ก๊ม เจี๊ยน แอ๋ง ม่าย เดี้ยว แหธง เจี๊ยน. กู้ หงว่าย หย่า ก๊ม เจี๊ยน เฑีย ธ้วด ต้าย.
7นิ่น แอ๋ง โหฒว ฉง อัน นิ่น เญย เหว่ย, เป๋น เซี้ยม ฒุ์ย ต๋อง. นิ่น หล่ง สีดา ฒ่ง เดี๋ยง เว่ย กะญั์ว แหมง ก๋อม เหฑ่ง เยียม กะเดี๊ย เดา เถา กู้ หงว่าย แฮ่ง.#7:7 ฮิบลู หว่า ก๊อง เดา เถา เดา. 8เยียม น้าย ฉง ฆะฮ้า แหมง, กั้น นอม หลาด กะญั์ว, นิ่น เหธย นิ่น กั้น เยียม เญย ฮู่ง ติ่น หย่า เหธา วั้ว นอม โหฒว ฟี่ ฮนั้ง. ซาโลมอน หย่า เหว่ย นิ่น เญย เอ๊า, ฟาโล เญย เซียะ, เหธย นอม เปย๊า ฟี่ ฮนั้ง เญย.#1 ฮู่ง โต้ว 3:1
9น้าย เต๋ย เปย๊า เยียม กะเดี๊ย เดา เถา หฌ่ง-เตว๊ย, เยียม กะเหญี่ย แหมง แอ๋ง มี่ง เถา ต้ม หลาด, เหยียด ฒู้ง หล่ง จ๋าย ไห่ เญย หละเปย๊ย หฒุ ต้าย หฒิว นิ่น บัว เญย ธิ-หธุน, แอ๋ง หล่ง เหฌียว เหฌียว หละเปย๊ย กะญั์ว เหธา กะเหญี่ย แหมง. 10กอน-โด๊ะ หล่ง จ๋าย ไห่ เญย ต้ม หละเปย๊ย เหฮยียด เดาะ เถา เหฒียบ เดาะ ด๊าว โหฒว ต้าย. 11กอน-โด๊ะ กู้ หงว่าย หล่ง จ๋าย ไห่ เญย ต้ม หละเปย๊ย, เซ หฒิว ธิ-หธุน หฒุ ต้าย เญย หละเปย๊ย หย่า หล่ง สีดา ฒ่ง เดี๋ยง. 12เว่ย ก๋อม เญย ต้ม หลาด หล่ง ปัว เหยี่ยม หฒุ ต้าย เญย หละเปย๊ย เหธา เหยียด เหยี่ยม สีดา ฒ่ง เดี๋ยง. เว่ย หฒั่ง เฒี้ยว เญย เปย๊า เญย หลาด เหธา เปียะ หฒั่ง เฒี้ยว เญย เปย๊า วั้ว ฉง ฟี่ ฮนั้ง เญย.
ฮีลาม เญย ปั์ว-เต้า
13ซาโลมอน ฮู่ง พ้าย เมี่ยน มี่ง ไทละ ฒี่ง ต้อ ฮีลาม#7:13 ฮีลาม ไฟ หุลาม. ต้าย. 14ฮีลาม เญย มา เป๋น นับทาลี ฝีง เญย เหยียด เต้า เอ๊า-กว๊า. ฮีลาม เญย เตีย โหฒว ต้ง ซิ หฒั่ง. ฮีลาม หฒะเก้ง! ม่าย ธง-เม่ง ไห่, ม่าย ปั้น เหฒ่ย, ม่าย ปั์ว-เต้า หล่ง ต้ง ซิ โหฒว หญู่งๆ กะน้าย. นิ่น ต้าย เถา ซาโลมอน ฮู่ง วั้ว หย่า เถง นิ่น โหฒว นิ่น เญย เหยียด ฒู้ง กง.
โหฒว ต้ง ซิ เดี้ยว
(เป๊ย หมั่ง 2 ฒุ่น ต่อย โต้ว 3:15-17)
15ฮีลาม โต๋ อี นอม ต้ม เดี้ยว, อี นอม ฒู้ง ฮลัง เหฒียบ เป๊ด เดาะ, โคว ก๋อม เหฒียบ เหญ่ย เดาะ.#7:15 ม่าย เต๋ย โซว ทิบ เจี๊ยน ก๊อง “เดี้ยว กะญั์ว ฌ์ง เญย, มป่า เปยย ปั์ว-โด๊ะ โฮ์”. 16นิ่น แอ๋ง โต๋ ต้ง ซิ เป๊าะ เดี้ยว เตว๊ย-เมว์ย ปยา เดาะ ฮลัง. ตะเหญ่ย นอม ฟี่ ฮนั้ง เญย, ปยา เดาะ. 17เดี้ยว เตว๊ย-เมว์ย หล่ง หลิ่ม ธิ ต้าย ฮนั้ง มู์ง นอ, แน้ด เจี๊ยน. เหยียด นอม เดี้ยว เตว๊ย-เมว์ย ม่าย เสี่ย นอม. 18น้าย เต๋ย ต้ง ซิ หลิ่ม ม่าย อี เลี์ยว หฒิ เลี่ยว เปี๊ยว#7:18 หฒิ เลี่ยว เปี๊ยว จั๋น-ไท้ หว่า เห่ว ทับทิม. ฮวีง ก๋อม เหว่ย ฒอง เดี้ยว กู้ หงว่าย. อี นอม เดี้ยว โหฒว ฟี่ ฮนั้ง เญย. 19แก้ง หฑะเฮมียน แหมง น้าย เต๋ย อี นอม เดี้ยว เตว๊ย-เมว์ย โหฒว ต้าย เป๋น แปะ เหาะ เปี้ยง เญย ฝัง, เปยย เดาะ ฮลัง. 20เดี้ยว เตว๊ย-เมว์ย โหฒว ฮนั้ง เปี้ยน วั้ว นอม ต๋อง กู้ หงว่าย, นิด ม่าย หลิ่ม โหฒว ต้าย เญย มู์ง. ม่าย หญี่ แป๊ะ นอม หฒิ เลี่ยว เปี๊ยว ฮวีง ก๋อม โหฒว อี เลี์ยว. วั้ว นอม เดี้ยว ฟี่ ฮนั้ง เญย. 21ฮีลาม เฒาะ น้าย เต๋ย อี นอม เดี้ยว เหลียบ เจี๊ยน หฒั่ง ทิน-ฮู่ง เญย เปย๊า เญย แก้ง ด่าง. น่าม ปูง เญย เดี้ยว นิ่น ธ้วด บั๋ว เห่ว ยาคีน.#7:21 ยาคีน ไฮ์ ฮนั้ง ฮิบลู หว่า ก๊อง “นิ่น (ทิน-ฮู่ง) เหลียบ ต้าย”. ป๊ะ ปูง วั้ว นอม เดี้ยว นิ่น เห่ว โบอาด.#7:21 โบอาด ไฮ์ ฮนั้ง ฮิบลู หว่า ก๊อง “ปั่ง นิ่น (ทิน-ฮู่ง) เญย ชะ โหฒว”. 22เดี้ยว เตว๊ย-เมว์ย เป๋น แปะ เหาะ เปี้ยง เญย ฝัง. ฮนั้ง หน่าย, โหฒว ต้ม เดี้ยว เญย กง โหฒว เหฒียง เหฑ่ง อ๊ะ.
ต้ม ต้ง ซิ ปุ้น
(เป๊ย หมั่ง 2 ฒุ่น ต่อย โต้ว 4:2-5)
23ฮีลาม แอ๋ง หล่ง ต้ง ซิ โต๋ นอม ต้ม ปุ้น#7:23-27 ฮิบลู หว่า ขูง ก๊อง โหฒว นอม ค้อย. เซ ฮนั้ง เหยียด นอม ต้ม! ปุ้น นอ, เหว่ย ตั๊บ ววม ปุน ไซ เมี่ยน บัว ดั๊ม หล่ง หฑาว ปั์ว-เหฒา หธีง โหฒว ไซ เมี่ยน เญย กง. จุ้น เญย. ปุ้น ฑุ่ย กู้ หงว่าย น้าย ปูง เถา วั้ว ปูง จั๊ง เหฒียบ เดาะ. ปุ้น หย่า ฮลัง ปยา เดาะ. เดาะ ฮวีง ก๋อม ฟ่า เหฒียบ เดาะ. 24เยียม ปุ้น ฑุ่ย กะเดี๊ย ม่าย หะโล่ว เญย ฝัง, เหยียด เดาะ ม่าย เหฒียบ นอม. โต๋ วั้ว หฒั่น, โต๋ เป๋น อี เลี์ยว หย่า เหธา ต้ม ปุ้น เป๋น เหยียด ดุ้น.
25ต้ม ปุ้น ตน เจี๊ยน เหฒียบ เหญ่ย เต้า ง่ง โก๊ว. ปัว เต้า ง่ง โก๊ว ฮวิน ป๊ะ ปูง, ปัว เต้า ฮวิน ไฟ ปูง, ปัว เต้า ฮวิน น่าม ปูง, ปัว เต้า ฮวิน ตง ปูง. ต้ม ปุ้น ตน ง่ง กู้ หงว่าย. ง่ง เญย กู้ ค้วด เหยียด ฒู้ง เยียม กะญั์ว แหมง. 26ต้ม ปุ้น เหยียด ปั์ว-ฒ้าง โฮ์. ปุ้น ฑุ่ย หย่า ฮนั้ง ฒ้าน เญย ฑุ่ย นอ, ฝัง เฒ้ย หย่า ฮนั้ง แปะ เหาะ เปี้ยง หย่า ไฮ่ ฒ่าง ตุ๊ อี ธิน หญี่ แป๊ะ ท้ง#7:26 ฮิบลู หว่า ก๊อง 2,000 บัด. เซ เล่ย ไม้ โก 44,000 ลิด. ววม.
โหฒว ต้ง ซิ เตี้ย ล์ง
27ฮีลาม แอ๋ง หล่ง ต้ง ซิ โหฒว เหฒียบ นอม ตน ปุ้น เญย เตี้ย ล์ง. นอมๆ เตี้ย ล์ง จั๊ง เปยย เดาะ, ด๊าว เปยย เดาะ, ฮลัง ปัว เดาะ. 28นิ่น ฮนั้ง น้าย นอ โหฒว น้าย เต๋ย เตี้ย ล์ง กะเฮลน เป๋น เหยียด คว้าย เหยียด คว้าย, ปั่ง ฒู่ง หฒะ เญย ชอง แน้ด เจี๊ยน. 29น้าย เต๋ย เหยียด คว้าย, เหยียด คว้าย, เลี่ยม ฒู่ง หฒะ เญย ชอง, ม่าย เซี่ยน เหธา ง่ง โก๊ว เหธา เคลูบิม เญย ฝัง. เยียม น้าย เต๋ย เซี่ยน เหธา ง่ง โก๊ว กู้ หงว่าย เหธา กะเดี๊ย ม่าย ดี้ง ต้าย เญย เปี้ยง เว่ย ก๋อม. 30โม์ว นอม เตี้ย ล์ง ม่าย เปยย นอม ต้ง ซิ เยี่ยน เหธา แหฒง เยี่ยน เญย แกว๊ง. นอมๆ เก๊าะ ม่าย ต๋อง เซ่ง ปุ้น. น้าย เต๋ย ต๋อง หย่า ม่าย เปี้ยง ดี้ง กะเฮลน. 31เตี้ย ล์ง กู้ หงว่าย แหมง โหฒว นอม ค้วด-ฑุ่ย จุ้น เญย หย่า ม่าย เหยียด เดาะ โด. น้าย นอม ค้วด จุ้น เญย, เหยียด เดาะ เปี๋ยน โด. ค้วด ฯฒฯ เดาะ เปี๋ยน โด. เว่ย ค้วด-ฑุ่ย กะเฮลน หย่า ดี้ง เจี๊ยน เปี้ยง เญย. เตี้ย ล์ง กะเฮลน เญย เหยียด คว้าย, เหยียด คว้าย ม่าย เปยย เก๊าะ, ไม้ จุ้น. 32เปยย นอม เยี่ยน เยียม วั้ว เต๋ย เหยียด คว้าย, เหยียด คว้าย กะเดี๊ย แหมง. แหฒง เยี่ยน เญย แกว๊ง เฒี่ยง เจี๊ยน เตี้ย ล์ง. นอมๆ เยี่ยน ฮลัง เดาะ เปี๋ยน. 33เยี่ยน หย่า โหฒว ต้าย ฮนั้ง เบ๊าะ จ๋า เญย เธีย-เยี่ยน. แหฒง เยี่ยน เญย แกว๊ง เหธา เยี่ยน เญย ควีง, เหธา แหธง เยี่ยน เญย ติ้วๆ กะน้าย เหธา เยี่ยน เญย ฟิม เหยียด ฒู้ง โต๋ ต้าย.
34โม์ว นอม เตี้ย ล์ง ม่าย เปยย นอม เซ่ง เตี้ย เญย กะน้าย, เหยียด นอม เก๊าะ ม่าย นอม หย่า เฒี่ยง เจี๊ยน เตี้ย ล์ง. 35เยียม เตี้ย ล์ง กู้ หงว่าย ม่าย นอม ควีง ด๊าม-เดาะ ฮลัง. ฒู่ง หฒะ เญย ชอง เหธา กะเฮลน เญย เหยียด คว้าย เหยียด คว้าย แน้ด เจี๊ยน เตี้ย กู้ หงว่าย. 36เตี้ย ชอง เหธา กะเฮลน เญย วั้ว เต๋ย เหยียด คว้าย เหยียด คว้าย ดี้ง เจี๊ยน เคลูบิม เหธา เซี่ยน เหธา ตาว เญย เดี๋ยง หฒิว ม่าย ต๋อง ดี้ง เญย, หย่า ดี้ง เจี๊ยน เปี้ยง เว่ย ก๋อม. 37ฮีลาม ฮนั้ง น้าย นอ โหฒว น้าย เต๋ย เหฒียบ นอม เตี้ย ล์ง. นอมๆ นิ่น บัว โต๋ ต้าย ฟี่ ฮนั้ง เหฑ่ง, ฟี่ ล่ม, ฟี่ ด่ง. 38นิ่น แอ๋ง หล่ง ต้ง ซิ โหฒว เหฒียบ นอม ต้ง ซิ ปุ้น, นอมๆ ตั๊บ ตุ๊ เฝย เหฒียบ เฝย ท้ง ววม.#7:38 ฮิบลู หว่า ก๊อง 40 บัด. เซ เล่ย ไม้ โก 880 ลิด. ปุ้น น้าย ปูง เถา วั้ว ปูง เปยย เดาะ. นิ่น โหฒว เหฒียบ นอม ปุ้น เหว่ย วั้ว เต๋ย เหฒียบ นอม เตี้ย ล์ง, เหยียด นอม อัน นอม ปุ้น.#ธ้วด อียิบ 30:17-21 39น้าย เต๋ย เตี้ย ล์ง นิ่น เฒาะ ปยา นอม อัน เจี๊ยน หฒั่ง เฒี้ยว เญย เปย๊า น่าม ปูง แหมง, ปยา นอม อัน ป๊ะ ปูง แหมง. วั้ว นอม ต้ม ปุ้น#7:39 เป๊ย หมั่ง 1 ฮู่ง โต้ว 7:23. นิ่น อัน น่าม ปูง แหมง, หฒั่ง เฒี้ยว เญย เปย๊า ตง ปูง เหธา น่าม ปูง บุด๋ง เญย เก๊าะ.
หฒั่ง เฒี้ยว เญย เปย๊า เญย จา-สี่
(เป๊ย หมั่ง 2 ฒุ่น ต่อย โต้ว 4:11—5:1)
40ฮีลาม หย่า โหฒว แธง เหธา กะน้าย-เธ้น เหธา หฑ่อม เยี้ยน.
ฮนั้ง หน่าย ฮีลาม เถง ซาโลมอน ฮู่ง เหว่ย หฒั่ง เฒี้ยว เญย เปย๊า โหฒว เหฒียง นิ่น เญย เหยียด ฒู้ง กง. นิ่น โหฒว
41อี นอม ต้ม เดี้ยว,
ต้ม เดี้ยว เตว๊ย-เมว์ย, ฝัง เฒ้ย ฮนั้ง หฑ่อม วั้ว เต๋ย อี นอม กะน้าย,
อี คว้าย ต้ง ซิ มู์ง เหว่ย ฒอง เยียม ต้ม เดี้ยว เตว๊ย-เมว์ย ฮนั้ง หฑ่อม เญย ฝัง วั้ว เต๋ย กะน้าย,
42เฝย แป๊ะ นอม หฒิ เลี่ยว เปี๊ยว เหว่ย ฒอง วั้ว เต๋ย อี คว้าย มู์ง, (เหยียด คว้าย มู์ง หล่ง อี เลี์ยว หฒิ เลี่ยว เปี๊ยว ฒอง เยียม ต้ม เดี้ยว เตว๊ย-เมว์ย ฮนั้ง หฑ่อม เญย ฝัง วั้ว เต๋ย อี นอม กะน้าย,)
43เหฒียบ นอม เตี้ย ล์ง เหธา เตี้ย ล์ง เญย เหฒียบ นอม ปุ้น,
44ต้ม ปุ้น#7:44 เป๊ย หมั่ง 1 ฮู่ง โต้ว 7:23. เหธา เยียม ต้ม ปุ้น กะเดี๊ย วั้ว เต๋ย เหฒียบ เหญ่ย เต้า ง่ง โก๊ว,
45แธง เหธา กะน้าย-เธ้น เหธา หฑ่อม.
น้าย เต๋ย เหยียด ฒู้ง กะน้าย ฮีลาม หล่ง ฑ้าด ต้าย ฌัง เญย ต้ง ซิ เถง ซาโลมอน ฮู่ง เหว่ย หฒั่ง เฒี้ยว เญย เปย๊า โหฒว ต้าย. 46ฮู่ง เตี๋ย พ้าย เมี่ยน เยียม จอแดน ด้าย เญย เดา-แป้ง, เซ เยียม สุกโค้ด เหธา สาเลทาน บุด๋ง ม่าย ปะไน่ เนีย เญย ต๋อง, โต๋ น้าย เต๋ย กะน้าย. 47ซาโลมอน ไม้ เห่ว เมี่ยน เฑียง น้าย เต๋ย หาย หญู่ง กะน้าย เหว่ย หฒุ ม่าย ธั้ม ไห่. ฮนั้ง หน่าย ฯฒฯ ไม้ ฝุน ต้ง ซิ เญย เฮนี้ย-ต้าว อ๊ะ.
48ซาโลมอน แอ๋ง โหฒว เยียม หฒั่ง เฒี้ยว เญย เปย๊า กะญั์ว เญย เหยียด ฒู้ง จา-ต๋อง. นิ่น โหฒว
ปั๊ว ฮูง เญย เจียม-เตี้ย,#ธ้วด อียิบ 30:1-3
อัน ฌั้ว เก๋ง ทิน-ฮู่ง เญย เจียม-เตี้ย,#ธ้วด อียิบ 25:23-30
49แอ๋ง หล่ง เฒียน เจียม โหฒว ตัง-จ๋า,#ธ้วด อียิบ 25:31-40 (ตัง-จ๋า เยียม สีง ติ่น กะญั์ว เจี๋ย วั้ว ฉง เญย หฑะเฮมียน. ม่าย ปยา นอม เยียม บย่าว แหมง, ปยา นอม เยียม หฒาย แหมง),
หย่า หล่ง เจียม โหฒว เปี้ยง เหธา ตัง-จ๋า เหธา กะน้าย-ฌับ,
50เจียม-เปี้ยน, จั๊บ ตัง-โธ้ เญย ฌิ้ว, หฑ่อม, ต้ม ปะเกน#7:50 ไฟ เซียว โต์ว เญย เจย. เหธา ฮูง-โล่ว,
หย่า โหฒว วั้ว ด่าง แหมง วั้ว ฉง, เซ เก้า ธีง-เหฑ่ง เจี๋ย วั้ว ฉง เญย เจียม-แก้ง ซอน.#7:50 แก้ง ซอน ไฟ แก้ง หนาบ. เปียะ หฒั่ง เฒี้ยว เญย เปย๊า เญย แก้ง ซอน หย่า หล่ง เจียม โหฒว ต้าย.
51ซาโลมอน ฮู่ง โหฒว เหฒียง หฒั่ง เฒี้ยว เญย เปย๊า เญย เหยียด ฒู้ง กง, นิ่น ฯฒฯ ต้อ นิ่น เญย เตีย, ดาวิด, ฝูง ปุน เฒี้ยว เญย กะน้าย เปียะ ต้าย, เซ เจียม, ญ่าน เหธา จา-ต๋อง. นิ่น หย่า อัน เจี๊ยน หฒั่ง เฒี้ยว เญย เปย๊า เซียว จ๋าย เญย กะน้าย เญย ต๋อง.#2 ซามูเอน 8:11; 1 ฒุ่น ต่อย โต้ว 18:11
Currently Selected:
1 ฮู่ง โต้ว 7: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
