1 โคลินโท 10
10
ขวิน เมี่ยน ไม้ ตู๋ง ป๋าย หมิ่ว-ฝัง
1หฒวัง ก๋อ-โย์ว อ่า, เยีย อ๋อย เม่ย บัว จั๋ง เจี๊ยน บัว เญย อง-ถาย กัน โมเซ วั้ว หฒั่น, นิ่น บัว เหยียด ฒู้ง เยียม วั้ว ต๊อ บ๋วน กะเดี๊ย, เหยียด ฒู้ง หย่า ยั่ง เจ๊า เจี๋ย วั้ว หง่าน หฒิ ค้อย-ซิ.#ธ้วด อียิบ 13:21-22; 14:22-29 2นิ่น บัว เหยียด ฒู้ง เยียม บ๋วน หย่า เยียม ค้อย เจี๋ย ววม เญย เล์ย เกวย โมเซ. 3เหยียด ฒู้ง หญั่น สีง ลี่ง ปุน เญย หฮนาง#ธ้วด อียิบ 16:35 4หย่า ฮบ สีง ลี่ง ปุน เญย ววม, เหว่ย หฒุ นิ่น บัว ฮบ กัน นิ่น บัว มี่ง วั้ว นอม เหล่ง เจ๊ย เญย หละเปย๊ย เหลี่ยว ธ้วด ต้าย เญย ววม. วั้ว นอม หละเปย๊ย เซ กีตู่.#ธ้วด อียิบ 17:6; ซ้าว เมี่ยน 20:11 5ฮนั้ง หาย หย่า ป่า, น้าย เต๋ย เมี่ยน เก้า ธั้ม เจี๋ย ไม้ หอบ ทิน-ฮู่ง เญย เฮญี้ยว. เหว่ย น้าย นิ่น บัว เญย เซย หฒุ กวั่ง เยียม ปวั๊ง เต่ย-ปูง-ฮวาง.#ซ้าว เมี่ยน 14:29-30
6น้าย เต๋ย สี่ เหยียด ฒู้ง โหฒว หญู่ง เฒ้ย ต๊น บัว, ไม้ ปุน บัว ม่าย เฮญี้ยว อ๋อย โหฒว หว่าย สี่ ฮนั้ง นิ่น บัว โหฒว นอ.#ซ้าว เมี่ยน 11:4 7ไม้ ตู๋ง ป๋าย หมิ่ว-ฝัง ฮนั้ง นิ่น บัว ม่าย เต๋ย เมี่ยน ป๋าย นอ. กีง-โซว เฟี้ย เจี๊ยน ก๊อง,
“แปะ ฝีง เฒว์ย เจี๊ยน หญั่น,
เฒว์ย เจี๊ยน ฮบ,
เจี์ย ซิน ต้าย เยียม วั้ว สาน.”#ธ้วด อียิบ 32:6
8บัว ไม้ ตู๋ง โหฒว เหฮยียน เญย สี่ ฮนั้ง นิ่น บัว ม่าย เต๋ย เมี่ยน โหฒว นอ, หธีง ต้าย เหยียด ฮนอย ฮนั้ง ม่าย อี หว่าน ปัว ธิน ล่าน เมี่ยน หฒุ ไต่.#ซ้าว เมี่ยน 25:1-18 9บัว ไม้ ตู๋ง เสย เฒี้ยว#10:9 เฒี้ยว ม่าย เต๋ย โล์-ฮนอย โซว ก๊อง กีตู่. ฮนั้ง นิ่น บัว ม่าย เต๋ย เมี่ยน เสย นอ, หธีง ต้าย หฒุ นาง ห่อย ไต่.#ซ้าว เมี่ยน 21:5-6 10บัว ไม้ ตู๋ง หละงบ ฮนั้ง นิ่น บัว ม่าย เต๋ย เมี่ยน หละงบ ฯฒฯ หฒุ เหมียด แหม่ง วั้ว เต้า ฟิน-เมี่ยน เหมียด หมี่ อ๊ะ.#ซ้าว เมี่ยน 16:41-49
11น้าย เต๋ย สี่ เหยียด ฒู้ง ธ้วด ต้าย โหฒว หญู่ง เฒ้ย หย่า เฟี้ย เจี๊ยน เหว่ย ต๊น บัว, เหว่ย หฒุ บัว เยียม เญย เซ กิ๊ดๆ ลู่ง เดี๊ย เซ้ด เมว์ย เญย ฮนอย-เหญียะ.
12หาย เต้า ฮนั้ม กั้น โซ้ว ตุ๊ ว้วน, อ๋อย หฒุ ไฝ ฟิม. เหฑีย ไฮ่ ดอบ. 13เม่ย บัว ปวั้ง หฒุ หญู่งๆ เสย เฮญี้ยว เญย สี่ เซ ป้าม เมี่ยน อ้าโหล่ ปวั้ง เญย สี่. มป่า ทิน-ฮู่ง เขา ตุ๊ ว้วน เญย. นิ่น ไม้ ปุน เม่ย บัว หฒุ เสย เจี๋ย ด่าง เม่ย บัว เญย ชะ. หฒุ เสย วั้ว หฒั่น, ทิน-ฮู่ง อ๋อย ปุน เม่ย บัว ม่าย เจ๊า เหธีย ตุ๊ ธ้วด ฯฒฯ ม่าย ชะ เตี๊ย ตุ๊ ฮี่ง.
ซิ้ม ฆอย, ไม้ ตู๋ง ป๋าย หมิ่ว-ฝัง
14เยีย ฮนั้ม เญย ก๋อ-โย์ว อ่า, เหว่ย น้าย เม่ย บัว อ๋อย หฒุ ซิ้ม ฆอย, ไม้ ตู๋ง ป๋าย หมิ่ว-ฝัง. 15เยีย ฝุน เม่ย บัว ม่าย ธง-เม่ง ฯฒฯ เหธา เม่ย บัว ก๊อง. เม่ย บัว กั้น ฮนั้ม หมั่ง ก๋า เยีย ก๊อง เญย หว่า. 16บัว เหว่ย วั้ว นอม แล์ง ฒี่ง เญย ฒ้าน แล์ง ฒี่ง ทิน-ฮู่ง ลิ์ว ฯฒฯ ฮบ, บัว ม่าย ป่วน จวั่ง กีตู่ เญย ฑย้าม ไม้ เฒ์ย? แมะ ฆอย ฌั้ว หญั่น วั้ว หฒั่น, บัว ม่าย ป่วน จวั่ง กีตู่ เญย ซิน ไม้ เฒ์ย?#มัดทาย 26:26-28; มาโค 14:22-24; ลูกา 22:19-20 17เหว่ย หฒุ ม่าย ดุ นอม ฌั้ว ฮนั้ง หธีง ต้าย ไม้ กุ๊น ม่าย เมี่ยน ธั้ม, บัว เป๋น เหยียด นอม ซิน, เหว่ย หฒุ บัว จวั่ง วั้ว นอม ฌั้ว หญั่น.
18ฮนั้ม หมั่ง ก๋า อิสะลาเอน เมี่ยน! หญั่น เหฒี่ย เญย กะน้าย วั้ว เต๋ย ฯฒฯ เหธา เหฒี่ย-ต้อง ม่าย นิ่น บัว เญย ป่วน, ไม้ เฒ์ย?#เลวี 7:6 19วั้ว หญู่ง, เยีย ก๊อง เญย เอ๋ย เล์ย ฮนั้ง หาย นอ? เหฒี่ย ปุน หมิ่ว-ฝัง เญย กะน้าย ม่าย หาย หญู่ง ม่าย ลั่ม หล่ง? หมิ่ว-ฝัง ม่าย หาย หญู่ง ม่าย ลั่ม หล่ง? 20ฒู้ง ไม้ ม่าย. เยีย ก๊อง เญย เซ, จั๋น เหฒี่ย ปุน หมิ่ว-ฝัง เญย หญั่น ฮบ เซ เหฒี่ย ปุน เมี้ยน ฮนั้ง, ไม้ เฒ์ย เหฒี่ย ปุน ทิน-ฮู่ง. เยีย หย่า ไม้ อ๋อย เม่ย บัว เหธา เมี้ยน จวั่ง เจี๊ยน ม่าย เม่ย บัว เญย ป่วน.#หฑั่ม เล์ย-หลัด 32:17 21เม่ย บัว ฮบ เฒี้ยว เญย ฒ้าน, ไม้ ไฮ่ ฮบ เมี้ยน เญย ฒ้าน. เม่ย บัว จวั่ง เฒี้ยว เญย เตี้ย หญั่น, ไม้ ไฮ่ จวั่ง เมี้ยน เญย เตี้ย. 22บัว อ๋อย โหฒว ปุน เฒี้ยว เหมว่ย เจี๊ยะ ไฟ? บัว เก้า เฮ้น นิ่น ไฟ?#หฑั่ม เล์ย-หลัด 32:21
บัว อ๋อย หฒุ โหฒว หญู่งๆ เหว่ย ปุน เมี่ยน ท่าย ทิน-ฮู่ง
23ม่าย เต๋ย เมี่ยน ก๊อง, “บัว หญู่งๆ โหฒว ตุ๊ เญย.” เฒ์ย เญย, มป่า ไม้ เฒ์ย หญู่งๆ ม่าย ลั่ม หล่ง. “บัว หญู่งๆ โหฒว ตุ๊ เญย,” มป่า ไม้ เฒ์ย หญู่งๆ ไฮ่ เหธย บัว.#1 โคลินโท 6:12 24หาย เต้า ไม้ ตู๋ง โต้ว กั้น ตุ๊ หลง. อ๋อย หฒุ โหฒว ปุน กะเหญี่ย เญย เมี่ยน ตุ๊ หลง.
25เยียม เฮย หม่าย เญย หญู่งๆ อ๊อ เซว่ย ปิ่น ม์าย หญั่น. เฮญี้ยว หย่า ไม้ ตู๋ง จั๋ง หฒุ กั้ม เหฑีย ต่อง ฯฒฯ หน่าย หาย หญู่ง, 26เหว่ย หฒุ ฮนั้ง กีง-โซว ก๊อง นอ,
“เดา-เป้ย เหธา เยียม เดา-เป้ย เญย หม่าน หมวด เป๋น เฒี้ยว เญย.”#สีง ฑูง 24:1
27สี ก๊อง ม่าย เต้า ไม้ เสียน เญย เมี่ยน ธี้ง เม่ย บัว มี่ง หญั่น หฮนาง, เม่ย บัว หย่า ม่าย เฮญี้ยว มี่ง นอ, กุ๊น หญั่น นิ่น เบ่น เญย หญั่น ฮบ. เฮญี้ยว หย่า ไม้ ตู๋ง จั๋ง หฒุ กั้ม เหฑีย ต่อง ฯฒฯ หน่าย หาย หญู่ง. 28มป่า สี ก๊อง ม่าย เต้า บั๋ว เม่ย, “น้าย เต๋ย หญั่น ฮบ เซ เหฒี่ย เจี๋ย หมิ่ว-ฝัง เญย,” เม่ย ไม้ ตู๋ง หญั่น อ๊ะ, เหว่ย เถง บั๋ว เม่ย วั้ว เต้า เมี่ยน ไม้ หฒุ เยียม เฮญี้ยว กั้ม เหฑีย นิ่น หญั่น ต่อง. 29น้าย เยีย ไม้ เฒ์ย ก๊อง เม่ย กั้น เยียม เฮญี้ยว กั้ม เหฑีย หญั่น ต่อง, เซ วั้ว เต้า เมี่ยน กั้ม เหฑีย นิ่น หญั่น ต่อง.
วั้ว หญู่ง, สี ก๊อง วั้ว ล่าน เมี่ยน กั้น เยียม เฮญี้ยว ไฮ์ นิ่น หญั่น นอ, นิ่น ต่อง หมี่ อ๊ะ, ฝู่ง ปุน เยีย ไม้ ไฮ่ เซว่ย ปิ่น หญั่น? 30สี ก๊อง เยีย แล์ง ฒี่ง ลิ์ว ทิน-ฮู่ง หธีง หญั่น, เมี่ยน เหว่ย หาย ติ่ว ต้าน เยีย เหว่ย แล์ง ฒี่ง ลิ์ว หญั่น เญย กะน้าย?
31เหว่ย น้าย, ไม้ กุ๊น เม่ย บัว หญั่น ไฟ ฮบ ไฟ โหฒว หาย หญู่ง, เหยียด ฒู้ง อ๋อย หฒุ โหฒว เหว่ย ปุน เมี่ยน ท่าย ทิน-ฮู่ง. 32ไม้ ตู๋ง โหฒว หาย หญู่ง ปุน ยิวไท เมี่ยน ไฟ จั๋น ไฟ ทิน-ฮู่ง เญย จิว-ปาง ไฮ่ ป์าม ฒุ์ย. 33อ๋อย หฒุ ฮนั้ง เยีย นอ, โหฒว หาย หญู่ง เยีย โหฒว เหว่ย ปุน หฒวัง เมี่ยน อะเฮน้ย. เยีย ไม้ โต้ว เยีย กั้น ตุ๊ หลง, เยีย โหฒว ปุน หฒวัง เมี่ยน ตุ๊ หลง, เหว่ย ปุน นิ่น บัว ตุ๊ เหฌียว.
Currently Selected:
1 โคลินโท 10: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
