1 ฒุ่น ต่อย โต้ว 5
5
ลูเบน เญย เฒ้ย-ฟุน
1น้าย เซ อิสะลาเอน เญย ตอน-โฮล, ลูเบน, เญย เฒ้ย-ฟุน. (ลูเบน โหฒว ตอน-โฮล มป่า หลาย นิ่น ปุน นิ่น เญย เตีย เญย โหธว ม่าย หวุย,#5:1 เป๊ย หมั่ง ทิน เต่ย โต้ว 35:22. นิ่น ไม้ ตุ๊ ตอน-โฮล เญย เล์ย. ตอน-โฮล เญย เล์ย จิว ปุน อิสะลาเอน เญย ตอน, โยเซ้บ, เญย ตอน หมี่ อ๊ะ. ลูเบน ฯฒฯ ไม้ ตุ๊ หฒิว ตอน-โฮล เญย เล์ย ฝาว บั๋ว เยียม เมี่ยน โฮ์ว ตาน.#ทิน เต่ย โต้ว 35:22; 49:3-4 2ไม้ กุ๊น ยูดา เก้า เฮ้น เจี๋ย นิ่น เญย หฒวัง มั์ว-ต่อย, เยียม นิ่น หย่า ธ้วด เต้า โหฒว โฮล เญย เมี่ยน,#ทิน เต่ย โต้ว 49:8-10 มป่า ตอน-โฮล เญย เล์ย เป๋น โยเซ้บ เญย หมี่ อ๊ะ.)
3อิสะลาเอน เญย ตอน-โฮล, ลูเบน, เญย ตอน ม่าย ฮาโน้ก, ปันลู, เฮ้ดโลน เหธา คานมี.
4โยเอน เญย เฒ้ย-ฟุน ม่าย นิ่น เญย ตอน, เซไมอา, เซไมอา เญย ตอน, โกก, โกก เญย ตอน, ซิเมอี, 5ซิเมอี เญย ตอน, มีคา, มีคา เญย ตอน, เลอายา, เลอายา เญย ตอน, บาอัน, 6เหธา บาอัน เญย ตอน, เบเอลา, ต้ง อัดซีเลีย เญย ฮู่ง, ทิกลัดปิเลเส, ธ้าง มี่ง วั้ว เต้า. เบเอลา เป๋น ลูเบน ฝีง เญย เหยียด เต้า เปย๊ย เฒ้ย.#2 ฮู่ง โต้ว 15:29
7ลูเบน เญย เธียน-เธะ หฒิว นิ่น บัว เญย ปู้ง ป่วน ฝาว บั๋ว. เยียม เมี่ยน โฮ์ว ตาน ม่าย โหฒว เปย๊ย วั้ว เต้า เยอีเอน, เสคาลิยา, 8เหธา อาซ้าด เญย ตอน, เบลา. อาซ้าด เซ เซมา เญย ตอน, เซมา เซ โยเอน เญย ตอน. โยเอน เยียม เญย เต่ย-ปูง เซ เยียม อาโลเอ ฒี่ง ธ้วด มี่ง เถา เนโบ เหธา บาอันเมโอน. 9นิ่น บัว เยียม ตง ปูง แหมง มี่ง เถา น้าย ปูง ยูเฟติด ด้าย เญย เต่ย-ปูง-ฮวาง เหว่ย หฒุ นิ่น บัว เยียม กิเลอาด วั้ว หฒั่น นิ่น บัว เญย แซง-คู้ หฮยาง ตุ๊ ธั้ม.
10เยียม เซาโล โหฒว ฮู่ง เญย เฒี่ยง โห่ นิ่น บัว มี่ง เหธา ฮากา เมี่ยน เบ๊าะ จ๋า ฯฒฯ เบ๊าะ ฮี่ง ฮากา เมี่ยน. นิ่น บัว ฯฒฯ เยียม เจี๊ยน ฮากา เมี่ยน เญย ด๊บ-ลิ่ว ปวั๊ง กิเลอาด เญย ตง ปูง แหมง.
กาด เญย เฒ้ย-ฟุน
11กาด เญย เฒ้ย-ฟุน เยียม นิด ลูเบน ฝีง, เซ เยียม บาซาน เต่ย มี่ง เถา สาเลคา. 12เยียม บาซาน, โยเอน โหฒว โฮล เจี๋ย, ซาฟาม โหฒว ตะเหญ่ย, หย่า ม่าย ยาไน เหธา ซาฟัด.
13นิ่น บัว เญย เธียน-เธะ หฒิว นิ่น บัว เญย ปู้ง ป่วน ม่าย มีคาเอน, เมซุนลาม, เชบา, โยไล, ยาคาน, ฒีอา, เอเบ. เหยียด ฒู้ง ม่าย เสี่ย เต้า. 14น้าย เซ หุลี เญย ตอน, อาบีฮาอิน, เญย ตอน บัว. หุลี เซ ยาโลอา เญย ตอน, ยาโลอา เซ กิเลอาด เญย ตอน, กิเลอาด เซ มีคาเอน เญย ตอน, มีคาเอน เซ เยซิไซ เญย ตอน, เยซิไซ เซ ยาโด เญย ตอน, ยาโด เซ บุด เญย ตอน. 15กุนี เญย ฟุน, อับดีเอน เญย ตอน, อาหิ, เซ โหฒว นิ่น บัว เญย ปู้ง ป่วน เปย๊ย เฒ้ย.
16กาด เมี่ยน เยียม กิเลอาด เหธา บาซาน เหธา เว่ย ก๋อม เญย ฟิ้ว-ล์าง, เลี่ยม ก๋อม ซาโลน เญย เมี้ย-เธี้ยง มี่ง เถา จ่ม น้าย เต๋ย เมี้ย-เธี้ยง.
17น้าย เต๋ย เมี่ยน เญย บั๋ว เหยียด ฒู้ง เฟี้ย เจี๊ยน เยียม โต้ว ฒง ตาน ต๋อย โยทาม โหฒว ยูดา เญย ฮู่ง เหธา เยโลโบอัม โหฒว อิสะลาเอน เญย ฮู่ง เญย เฒี่ยง โห่.
18ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน ม่าย เปยย หว่าน เปยย ธิน เธี้ยด แป๊ะ หลัวะ เหฒียบ เต้า ม่าย ปั้น เหฒ่ย โหฒว ตุ๊ แปง เญย เมี่ยน. นิ่น บัว โหะ หลิ่น หล่ง ท้อง-ป้าย, หฑุ ด๊าว เหธา จวัง-หฒิน เบ๊าะ จ๋า. 19นิ่น บัว ธ้วด มี่ง เหธา ฮากา เมี่ยน, เยทู เมี่ยน, นาฟิด เมี่ยน เหธา โนดับ เมี่ยน เบ๊าะ จ๋า. 20ทิน-ฮู่ง เถง นิ่น บัว, แอ๋ง เฒาะ ฮากา เมี่ยน เหธา กัน ฮากา เมี่ยน โหฒว กวั้น วั้ว เต๋ย จิว ปุน เยียม นิ่น บัว เญย ปั์ว-เดี๊ย. ทิน-ฮู่ง เถง เหว่ย หฒุ นิ่น บัว เบ๊าะ จ๋า เญย เฒี่ยง โห่ นิ่น บัว เห่ว เจี๊ยน โท้ นิ่น เถง. นิ่น เตา นิ่น บัว เต๋า เก๋า เญย หว่า เหว่ย หฒุ นิ่น บัว เขา นิ่น. 21นิ่น บัว ฯฒฯ ธ้าง ฮากา เมี่ยน เญย แซง-คู้. ม่าย ล่อ ท่อ ปยา หว่าน เต้า, ปะกี ยู่ง อี หว่าน ปยา ธิน เต้า, ล่อ อี ธิน เต้า. นิ่น บัว หย่า เฒาะ ตุ๊ เหฒียบ หว่าน เต้า เมี่ยน. 22วิน-วั้ง ธั้ม หย่า หฒุ ไต๋ เหว่ย หฒุ น้าย หฑุ่น เบ๊าะ เญย จ๋า เซ ทิน-ฮู่ง เญย หฒะเอ๋ย. นิ่น บัว ฯฒฯ เยียม เจี๊ยน น้าย เต๋ย ต๋อง เถา หฒุ กว๊าด มี่ง เญย เฒี่ยง โห่.
มะนัดเส ด๊าม-ฝีง เมี่ยน
23มะนัดเส เญย ด๊าม-ฝีง เมี่ยน เยียม วั้ว นอม เต่ย-ปูง. นิ่น บัว เมี่ยน ธั้ม เญย เยียม บาซาน มี่ง เถา บาอันเฮโมน, เซ เถา เสนี เหธา เฮโมน บง.
24น้าย เซ นิ่น บัว เญย ปู้ง ป่วน เปย๊ย เฒ้ย. ม่าย เอเฟ, อิดอี, เอลีเอน, อัดลีเอน, เยเลมี, โฮดาวิยา เหธา ยาดีเอน. นิ่น บัว โหฒว เฮ้น ไห่ เญย แปง, ม่าย เม่ง เต้า เญย เมี่ยน, หย่า โหฒว หฒิว ปู้ง ป่วน เญย เปย๊ย เฒ้ย. 25มป่า นิ่น บัว ป์าม ฒุ์ย ต่อง นิ่น บัว เญย อง-ถาย เญย ทิน-ฮู่ง. นิ่น บัว ม่าย เฮยี่ย เฮญี้ยว#5:25 เป๊ย หมั่ง ธ้วด อียิบ 34:15. ฯฒฯ มี่ง หฒั่ง เยียม วั้ว นอม เต่ย-ปูง เญย เหฒีย ฝีง เมี่ยน เญย เฒี่ยน, ต้ง ทิน-ฮู่ง เยียม นิ่น บัว เญย วั้ว ด่าง แหมง เหมียด เญย เมี่ยน. 26เหว่ย น้าย อิสะลาเอน เญย ทิน-ฮู่ง ต์ง หฒุ อัดซีเลีย เญย ฮู่ง, ปุนเล, เซ อัดซีเลีย เญย ฮู่ง, ทิกลัดปิเลเส, มี่ง เปียะ นิ่น บัว เญย เต่ย-ปูง. นิ่น ฯฒฯ เฒาะ ลูเบน, กาด เหธา มะนัดเส เญย ด๊าม-ฝีง เมี่ยน กว๊าด นิ่น บัว มี่ง เถา ฮาลาอา, ฮาโบ, ฮาลา, เหธา โกซาน ด้าย เฮลน. นิ่น บัว หธ่อ เยียม หน่าย เถา อี้ จ๋า ฮนอย.#2 ฮู่ง โต้ว 15:19,29; 2 ฮู่ง โต้ว 17:6
Currently Selected:
1 ฒุ่น ต่อย โต้ว 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007