I SAMUEL 3
3
Ti naminpat a panangayab ti Dios ken Samuel. Naipacdaar ti dusa ni Eli. Ni Samuel nabigbig a mammadto ti Apo iti amin nga Israel.
1Ket ni ubing a Samuel nagannong idi ken Jehova iti sango ni Eli. Ket ti #Sal. 74:9. Amos 8:11.sao ni Jehova napated idi cadagidi nga al-aldaw; awan idi ti masansan a sirmata.
2Ket naaramid iti daydi a tiempo, idi a ni Eli adda a nagidda idi lugarna (ket dagiti matana nangrugida a cumudrep, iti casta a dina mabalin idi ti cumita).
3Ket ti #Ex. 27:20, 21. Lev. 24:3.pagsilawan ti Dios saan pay a naiddep, ket ni Samuel nagidda idi a maturog, idi #1 Sam. 2:27.templo ni Jehova, isu nga yan idi ti lacasa ti Dios;
4A ni Jehova inayabanna ni Samuel; ket isu simmungbat, Adtoyac.
5Ket isu timmaray agingga ken Eli, ket kinunana, Adtoyac; ta sica inayabannac. Ket isu kinunana, Diac immayab; agiddaca manen. Ket isu napan ket nagidda.
6Ket ni Jehova immayab pay manen, Samuel. Ket ni Samuel bimmangon ket napan ken Eli, ket kinunana, Adtoyac; ta sica inayabannac. Ket isu simmungbat, Diac immayab, anacco; agiddaca manen.
7Ngem ni Samuel dina pay laeng ammo idi ni Jehova, awan pay met laeng idi ti sao ni Jehova a naipaltiing kencuana.
8Ket ni Jehova inayabanna manen ni Samuel iti maicatlo a daras. Ket isu bimmangon ket napan ken Eli, ket kinunana, Adtoyac; ta sica inayabannac. Ket ni Eli naawatanna a ni Jehova ti nangayab idi ubing.
9Gapuna a ni Eli kinunana ken Samuel, Inca, agiddaca; ket no cas isu ayabannaca, a sica cunamto, Agsaoca, Jehova; ta ti adipenmo denggenna. Iti casta ni Samuel napan ket nagidda idi lugarna.
10Ket ni Jehova immay ket nagintec, ket immayab a cas cadagidi sabali a daras, Samuel, Samuel. Idin ni Samuel simmungbat, Agsaoca; ta ti adipenmo denggenna.
11Ket ni Jehova kinunana ken Samuel, Adtoy, siac mangaramidacto iti maysa a banag iti Israel, nga dagiti dua a #2 Ar. 21:12. Jer. 19:3.lapayag ti uray siasinoman a macangeg agbibinegdanto.
12Iti daydiay nga aldaw aramidecto a maibusor ken Eli #1 Sam. 2:27-36.amin nga insaoc a maipapan iti balayna, manipud iti pangrugian agingga met laeng iti pagtungpalan.
13Ta imbagac kencuana nga #Eze. 7:3, 8.ocomecto ti balayna a maipaay iti agnanayon, gapu iti kinadangkes nga naammoanna; #1 Sam. 2:12, 17, 22.agsipud ta dagiti annacna a lallaki inyegda ti maysa a lunod cadacuada met laeng, ket isu dina ida #Jos. 12:18.tinubngar.
14Ket iti casta insapatac iti balay ni Eli, a ti kinadangkes ti balay ni Eli saanto a #Isa. 22:14.maguroran iti sacrificio wenno daton iti agnanayon.
15Ket ni Samuel nagidda agingga iti bigat, ket linuctanna dagiti ruruangan ti balay ni Jehova. Ket ni Samuel nagbuteng a nangibatad ken Eli idi sirmata.
16Idin ni Eli inayabanna ni Samuel, ta kinunana, Samuel, anacco. Ket isu simmungbat, Adtoyac.
17Ket isu kinunana, Ania a banag daydiay a ni Jehova insaona kenca? Dawatec kenca a dica ilimed caniac: ti Dios #Rut. 1:17.aramidenna kenca ti casta, ken ad-adda pay met coma, no sica ilimedmo coma caniac ti uray aniaman cadagiti amin a banag nga insaona kenca.
18Ket ni Samuel imbagana kencuana a sinaggaysa, ket awan a pulos ti inlimedna kencuana. Ket isu kinunana, Isu ni #Job 1:21; 2:10. Sal. 39:9. Isa. 39:8.Jehova: aramidenna coma ti inanamaenna a naimbag.
19Ket ni Samuel dimmackel, ket ni #Gen. 39:2. Jos. 6:27.Jehova adda idi kencuana, ket #1 Sam. 9:6.dina impalubos a matnag iti daga ti uray no maysa cadagiti saona.
20Ket amin nga Israel manipud #2 Sam. 3:10.Dan agingga met laeng iti Beer-seba, binibigna a ni Samuel #1 Sam. 2:25.napasingkedan a mammadto ni Jehova.
21Ket ni Jehova nagparang manen kencuana idiay #Jos. 18:1.Silo: ta ni Jehova nagpalgac ken Samuel idiay Silo iti pannacaaramat ti #bil. 1, 4.sao ni Jehova.
Currently Selected:
I SAMUEL 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
