MGA BINUHATAN 1

Ang Ginsaad nga Espiritu Santo

1Sa nahaunang tolon-an, O Teofilo,#Luc. 1:1-4. ginsugid ko ang tanan nga ginsugdan ni Jesus sa paghimo kag pagpanudlo, 2tubtub sa adlaw nga ginbayaw sia, sa tapus nga nakahatag sia sing sogo paagi sa Espiritu Santo sa mga pinadala nga iya napili. 3Sa ila sia nagpakita sang iya kaugalingon nga buhi sa tapus ang iya pag-antus paagi sa madamung pagpamatuud, nga nagapakita sa ila sa sulud sang kap-atan ka adlaw, kag nagapamolong sang ginharian sang Dios. 4Kag sang nagapabilin upud sa ila nagsogo sia sa ila nga dili maghalin sa Jerusalem, kondi maghulat sang saad sang Amay,#Luc. 24:49. nga, siling niya, “inyo nabatian sa akon, 5kay si Juan nagbautiso sa tubig, apang bautisohan kamo sa Espiritu Santo#Mat. 3:11; Mar. 1:8; Luc. 3:16; Juan 1:33. sa indi madugay nga mga adlaw kutub karon.”

Ang Pagkayab ni Jesus

(Mar. 16:19-20; Luc. 24:50-53)

6Gani sila sang nagtingub, nagpamangkot sa iya, “Ginoo, pasag-ulion mo bala ang ginharian sa Israel sa sining tion?” 7Nagsabat sia sa ila, “Indi inyo ang paghibalo sang mga tion ukon mga dag-on nga ginpat-ud sang Amay sa iya kaugalingon nga pagbulut-an. 8Apang magabaton kamo sing gahum kon ang Espiritu Santo mag-abut sa inyo; kag manginsaksi ko kamo sa Jerusalem kag sa bug-os nga Judea kag Samaria kag tubtub sa ukbung sang duta.#Mat. 28:19; Mar. 16:15; Luc. 24:47-48.” 9Kag sang nakasiling sia sini, sa nagatolok sila, ginbayaw sia, kag ang panganud nagbaton sa iya gikan sa ila itololok. 10Kag sang nagatolok sila sa langit sang nagpaibabaw sia, yari karon, may duha ka tawo nga napanaptan sing maputi nga nagtindug sa luyo nila, 11kag nagsiling, “Mga tawo sa Galilea, ngaa bala nagatindug kamo nga nagatolok sa langit? Ining Jesus, nga ginbayaw pa langit gikan sa inyo, magabalik sa amo nga bagay subong nga nakita ninyo sia nga nagapalangit.”

Ang mga Gintoton-an sa Naibabaw nga Hulut

12Niyan nagbalik sila sa Jerusalem gikan sa bukid nga gintawag Olivo, nga malapit sa Jerusalem, nga lalakton sing isa ka adlaw nga inugpahuway; 13kag sang nakasulud sila, nagsaka sila sa hulut nga naibabaw, diin sila nagadayon, sanday Pedro kag Juan kag Santiago kag Andres, Felipe kag Tomas, Bartolome kag Mateo, Santiago nga anak ni Alfeo kag Simon Zelotes kag Judas, nga anak ni Santiago.#Mat. 10:2-4; Mar. 3:16-19; Luc. 6:14-16. 14Ini sila tanan nga nagahiliusa nagpadayon sing makugi sa pangamuyo, kaupud sa mga babayi kag ni Maria nga iloy ni Jesus, kag sang iya mga utud.

Ang Tal-us ni Judas Ginapili

15Sa sadtong mga adlaw si Pedro nagtindug sa tunga sang mga kauturan (may guban sang mga tawo nga nagtingub nga mga isa ka gatus kag duha ka pulo), kag nagsiling, 16“Mga kauturan, kinahanglan nga matuman ang kasulatan, nga ginpamolong anay sang Espiritu Santo paagi sa baba ni David, nahanungud kay Judas nga manugtuytuy sang nagdakup kay Jesus. 17Kay naisipan sia kaupud naton, kag nagbaton sang iya bahin sa sining pag-alagdan. 18(Karon ining tawo nakataba sing latagon sa balus sang iya pagkamalaut; kag sang pagkaholog niya sing suli nawasak ang iya tiyan kag ang bug-os niyang kasudlan naggowa. 19Kag nabantugan ini sa tanan nga pumuluyo sa Jerusalem, sa bagay nga yadtong latagon gintawag sa ila hambal Aceldama, nga amo, Latagon sang Dugo.)#Mat. 27:3-8. 20Kay nasulat sa tolon-an sang mga Salmo,

‘Pamingawa ang iya puluy-an,

kag dili pagpapuy-i sing tawo’;#Sal. 69:25.

kag

‘Ipakuha sa isa ang iya pagkamanugtatap.’#Sal. 109:8.

21Gani isa sang mga tawo nga nakig-upud sa aton sa bug-os nga tion nga ang Ginoong Jesus nagsulud kag naggowa sa tunga naton, 22sumugud sa bautismo ni Juan#Mat. 3:16; Mar. 1:9; Luc. 3:21. tubtub sa adlaw nga ginbayaw sia gikan sa aton#Mar. 16:19; Luc. 24:51.—sa sining mga tawo kinahanglan nga ang isa manginsaksi kaupud naton sang iya pagkabanhaw.” 23Kag ginbutang nila sa atubangan ang duha, si Jose nga gintawag Barsabas, nga ginhayoan Justo, kag si Matias. 24Kag nagpangamuyo sila kag nagsiling, “Ginoo, nga nakakilala sang mga tagiposoon sang tanan nga tawo, ipakita kon sin-o sining duha ang imo ginpili 25sa pagtal-us sa sining pag-alagdan kag pagkapinadala nga ginbayaan ni Judas, agud nga magkadto sia sa iya kaugalingon nga duug.” 26Kag ginpapalaran nila sila, kag ang kapalaran naholog kay Matias; kag naisipan sia kaupud sang napulog isa ka pinadala.

Currently Selected:

MGA BINUHATAN 1: ABHIL82

Highlight

Copy