Ɨ̀fàʼà 9:17-18

Lenəla, Ananias a lə̀ kwuunə̀ amwuə ndâ nɨ Saul a lə̀ pənə amwuə la, nnùŋə̀ mbô ɨ̀me àtwuə̀ ze nshwəŋə̀ lo, “Ndyimə mə̀ Saul, Ndòʼnə̀mbyə̂ Yěsû nɨ wə̀ lə̀ tsirə̀nə e a àlàŋə ndwuumə̀ mmə ntô la, a tsàa mə̀ lo ntô ngɨ̀rə̀ wə̀ kẅirə̀ ndzəənə̀ ɨlyiʼə nkɨ ngɨ̀rə̀ Àzhwùə̀ Nẅùə̀ a lẅenə̀ ntɨŋmə̀ o.” Tyìʼə̀ nkwùə̀ ghu, ɨ̀pwuumə̀ pɨ̀tse tsaʼa ɨ̀kòbə̀ mbɨ̀ŋmə̀ ɨ̀swuə̀ furə̀ a ɨ̀myə̂ ze nkuntə̀ a ɨ̀shyə̂, a zùŋə̀ ndzəənə̀ ɨlyiʼə, ndòo a ɨ̀shyə̂ pɨ ŋâ e nɨ àkẅiirə̀ nchyə. Tsaʼnə pɨ lə̀ ŋânə e nɨ àkẅiirə̀ nchyə la, à lə̀ zɨghə̀ mɨ̀zɨghə̀, mɨ̀tɨ̀ŋnə̀ ɨ̀me kẅirə̀ nkwə̂.