Лука 17

ЯПШӀЫКӀУБЛЭНЭРЭШЪХЬ

ЦӀыфхэм псэкӀод ашӀэнэу дэзыхьыхырэ Ӏофхэм, псэкӀод гъэгъуным, шӀошъхъуныгъэм, ӀорышӀэным яхьылӀагъ

(Маттэ 18:6-7, 21-22; Марк 9:42)

1– ЦӀыфхэм псэкӀод ашӀэнэу дэзыхьыхырэ Ӏофхэр къэхъунхэ фае, ау а Ӏофхэр къызпкъырыкӀырэ цӀыфыр гъогу мыгъо теуцуагъ, – ариӀуагъ Исус игъогу рыкӀохэрэм. 2– А цӀыфым мы цӀыкӀухэм ащыщэу зыгорэм псэкӀод ышӀэнэу дихьыхыным нахьи, мыжъошъхьал ежь ыпшъэ рашӀэу хым хадзагъэмэ, ежьыркӀэ нахьышӀущтыгъ. 3Арышъ, шъузфэсакъыжь. О пшы псэкӀод ышӀэмэ, ар зэрэпсэкӀодыр еӀожь, кӀэгъожьмэ, фэгъэгъу. 4Зы мафэм къыкӀоцӀ гъогогъуиблэ оркӀэ псэкӀод ышӀэмэ, къыгъэзэжьэу, «СыкӀэгъожьыгъ» ыӀомэ, фэгъэгъужь.

5– ШӀошъхъуныгъэу тиӀэм къытфыхэгъахъу! – къыраӀуагъ апостолхэм Зиусхьаным.

6– Андэгурацэм фэдизэу шӀошъхъуныгъэ шъуиӀэу, мы ынджыр чъыгым «Зыкъыхэтхъыжьи, хым зыщыхэшӀэжь» ешъуӀомэ, къышъодэӀущт, – къыӀуагъ Зиусхьаным.

7– Шъуащыщэу зыгорэм унэӀутэу иӀэр жъоу е мэлхэр ыгъэхъухэу тӀон. А унэӀутыр губгъом къызикӀыжькӀэ, «ПсынкӀэу къакӀуи, Ӏанэм къыпэтӀысхь» риӀона? 8Ар хэгъэкӀи, риӀощтыр мыры: «Пчыхьэшъхьашхэ къысфэгъэхьазыри, уицыякӀэ дэупкӀи, сэшхэфэ, сешъофэ, къысшъхьащыт. Ащ нэужым о ушхэни уешъони уфит». 9УнэӀутым унашъоу фэпшӀыгъэр зэригъэцэкӀагъэм пае, щытхъу фэпшӀыщта? Сыгугъэрэп. 10Ащ фэдэу шъори унашъоу Тхьэм къышъуфишӀыгъэр зыжъугъэцэкӀэрэ ужым, моущтэу шъуӀон фае: «Тэ тыунэӀут ныӀэп. Тэ тшӀагъэр тшӀэн фаер ары ныӀэп».

Исус шъоджэ уз Ӏаер зиӀэ лӀы нэбгырипшӀ зэригъэхъужьыгъэр

11Исус Ерусалим кӀозэ, Самарие хэкумрэ Галилей хэкумрэ азыфагу пхырыкӀыщтыгъ. 12Къуаджэ горэм дахьэ пэтзэ, шъоджэ уз Ӏаер зиӀэ лӀы нэбгырипшӀ къыӀукӀагъ. Чыжьэу къэуцухи, 13мэкъэшхокӀэ къэджагъэх: – Исус, тхьэматэ, гукӀэгъу къытфэшӀ!

14Ахэр зелъэгъум, Исус къыӀуагъ: – ШъукӀуи, дин пащэхэм зяжъугъэлъэгъу. Ахэр гъогум рыкӀохэзэ, къабзэ хъужьыгъэх. 15Ахэмэ ащыщэу зым зэрэхъужьыгъэр зелъэгъум, мэкъэшхокӀэ Тхьэм щытхъу фишӀэзэ къыгъэзэжьыгъ. 16Исус ылъакъохэм адэжь бгъэгукӀэ зыщыридзыхи, щытхъу фишӀыгъ. А лӀыр Самарие хэкум#17:16 Самарие хэкур – еплъ 9:52. щыщыгъ.

17– НэбгырипшӀыр къабзэу хъужьыгъэба? – къыӀуагъ Исус. – Адрэ нэбгырибгъур тыдэ хъугъэха? 18Мы лӀы хымэ закъом нэмыкӀ къыгъэзэжьэу, Тхьэм щытхъу фишӀынэу зи къахэкӀыгъэп, ара?

19ЕтӀанэ Исус а лӀым риӀуагъ: – Тэджи кӀожь, уишӀошъхъуныгъэ уигъэхъужьыгъ.

Тхьэм и Тетыгъошхо къызэрэкӀощтыр

(Маттэ 24:23-28, 37-41)

20– Тхьэм и Тетыгъошхо сыдигъо къэкӀощта? – аӀуи, фарисейхэр Исус къызеупчӀыхэм, ариӀожьыгъ: – Тхьэм и Тетыгъошхо нэрылъэгъоу къэкӀощтэп, 21цӀыфхэми, «Мары, ар мыщ дэжьым щыӀ» е «Муары, модэ щыӀ» аӀощтэп. Сыда пӀомэ, Тхьэм и Тетыгъошхо шъо къышъухэт#17:21 Тхьэм и Тетыгъошхо шъо къышъухэт – е шъо шъугухэм арылъ. Еплъ 6:20..

22ЕтӀанэ Исус игъогу рыкӀохэрэм ариӀуагъ: – ЦӀыф Лъэпкъым ы Къо имафэхэм ащыщэу мэфэ закъу нэмыӀэми шъулъэгъу зышъушӀоигъо мафэхэр къэкӀощтых, ау ар шъулъэгъущтэп. 23«Мары, ЦӀыф Лъэпкъым ы Къо мыщ дэжьым щыӀ» е «Муары, модэ щыӀ» къышъуаӀощт, ау ащ дэжьым шъумыкӀу, а цӀыфхэми шъуакӀэлъымычъ; 24сыда пӀомэ, зы ошъо къуапэм къыщегъэжьагъэу адрэ ошъо къуапэм нэс пчыкӀэм дунаир зэригъэнэфырэм фэдэу, ежь къызыкӀожьыщт мафэм дэжь ЦӀыф Лъэпкъым ы Къо къэлъэгъожьыщт. 25Ау ыпэ рапшӀэу къиныбэ ыщэчын фаеу, джырэ цӀыфхэми ежь зэрамыпэсын фаеуи къыпыщылъ.

26– Пегъымбар Нухьэ имафэхэм адэжь Ӏофхэр зыфэдагъэхэм фэдэу, ЦӀыф Лъэпкъым ы Къо дунаим къызщыкӀожьыщтым ыпэрэ мафэхэм Ӏофхэр афэдэщтых. 27ЦӀыфхэр шхэщтыгъэх, ешъощтыгъэх, къащэщтыгъ, дакӀощтыгъэх, Нухьэ къухьэм зитӀысхьэгъэ мафэм нэсыфэкӀэ. ЕтӀанэ псы къиугъэшхор#17:27 псы къиугъэшхор – еплъ Пегъымбар Мусэ апэрэ тхылъэу ытхыгъэм (УблапӀэм) 7:6-23. къакӀуи, ахэр зэкӀэ ыгъэкӀодыгъэх.

28– Пегъымбар Лут#17:28-29 пегъымбар Лут – еплъ УблапӀэм 19:15-25. имафэхэм адэжь Ӏофхэри ащ фэдагъэх: цӀыфхэр шхэщтыгъэх, ешъощтыгъэх, щэщтыгъэх, щафэщтыгъэх, чылапхъэр апхъыщтыгъ, унэхэри ашӀыщтыгъ. 29Ау Лут къалэу Содом зыдэкӀыгъэ мафэм машӀорэ тхъомзашхъорэ уашъом къикӀэу къещхыхи, ахэр зэкӀэ ыгъэкӀодыгъэх.

30– ЦӀыф Лъэпкъым ы Къо къызылъэгъожьыщт мафэм Ӏофхэр ащ фэдэ къэбзэщтых. 31А мафэм унашъхьэм тетыр ихьапщыпхэу унэм илъхэр зыдихьынхэу унэм ерэмыхьажь. Губгъом итыми унэм къерэмыгъэзэжь. 32Лут ишъуз къехъулӀагъэр#17:32 Лут ишъуз къехъулӀагъэр – еплъ УблапӀэм 19:26. шъугу къэжъугъэкӀыжь. 33Хэтми зыпсэ мыкӀодэу къызэригъэнэжьыщтым ыуж итым ыпсэ шӀокӀодыщт, ау хэти зыпсэ зышӀокӀодырэм ыпсэ мыкӀодэу къыгъэнэжьыщт. 34Сэ шъосэӀо, а чэщым нэбгыритӀу зы пӀэм хэлъыщт. Язырэр мэлэӀичхэм уашъом дахьыещт, адрэр къагъэнэщт. 35БзылъфыгъитӀу зэдэхьаджэщт, язырэр мэлэӀичхэм уашъом дахьыещт, адрэр къагъэнэщт. 36НэбгыритӀури губгъом итыщт, язырэр мэлэӀичхэм уашъом дахьыещт, адрэр къагъэнэщт.

37– Тыда ар зыщыхъущтыр, Зиусхьан? – къыраӀуагъ Исус. – Хьайуан псэхалӀэр зыдэщыӀэм бгъэжъхэри щызэрэугъоищтых, – ариӀожьыгъ Исус.

Currently Selected:

Лука 17: AdgNT14

Highlight

Copy