Cɑ̈gø 6

Rɑ̈ji Dhɑnhø

1 # Ayub 1.6; 2.1 Keny-ɑ ɑ́ngënyi ji kɑ ge tɑɑy-ɑ kömi piny, kɑ ge onywølø ki womɑ̈nn, 2kwï wɑ̈ddi mɑl nyigi ji ɑ́lidh yi gen ge myëër, kɑ ge ókɑ̈bbø ki møg-ɑ ɑ́dwɑddi yi gen gɑ mɑ̈nn. 3Codhe, ɑkööb Jwøng-ɑ Ácwɑ̈ɑ̈j kinni, “Wëyɑ pɑ bëëdø kì ri ji gïti ɑtheer, mɑ́ ge nyøødh, ge bɑ møg thøw. Cɑg ɑnɑn ceth, ge pɑ cuggi bëëdø kì kömi piny ki runn mø pöödh miyø kí pyɑ̈r ɑ́ryew.” 4#Kwɑn 13.33 Kì yethi cyɑ̈nggɑni cɑgg ɑ́ kì bɑng gen ki kɑɑm megø, ɑ́dɑ ji mø bɑ jödd mø pëddi döng kì kömi piny, gen ɑ bɑ nyigi ji-ɑ bɑ mɑ̈nn møg-ɑ ɑ́kwɑny yi wɑ̈ddi mɑl gɑ mɑ̈nni gen. Gen ɑ ɑ́bëëd gɑ tyëngteg mø kɑ̈ge dööng.

5 # Mt 24.37; Lk 17.26; 1 Pït 3.20 Keny-ɑ ɑ́liidh rɑ̈ji ji yi Jwøng-ɑ Ácwɑ̈ɑ̈j, ki rɑ̈ji rummi gen kì bøli kenyɑni, 6ɑpɑ̈dde kipe kɑ ɑ́cwɑ̈je dhɑnhø kɑ gø cïbe kömi piny. Ápɑ̈di ki mendwøng, 7kɑ ceg-ɑ kwøb kinni, “Ji-ɑ ɑ́cwɑ̈j yi yɑn ek, ge ópuujɑ wɑ̈g kì kömi piny, kí lɑ̈yy thyew geki winy, mɑ́ yɑ ɑ́pɑ̈di kipe kɑ ɑ́cwɑ̈jɑ gen.” 8De Jwøng-ɑ Ácwɑ̈ɑ̈j pyëwe ɑ́bëëd e med ki Nöö.

Nöö

9-10 # 2 Pït 2.5 Bene wɑ́ji Nöö ek: Nöö yïe ɑ́dɑ wɑ̈dd ɑ́dɑ̈g: Cem kí Kɑm kí Yɑpeth. Nöö ɑ́bëëd e pɑ nyi røngø, bɑ e kete ɑ ɑ́bëëd e døøj kì bøli kenyɑni. Ábëëd e cyɑ̈dhi kɑ Jwøk. 11De dhɑnhø bëne ɑ́bëëd e rɑɑj kì bøli Jwøk, o ji ɑ́bëëd ge mød-ɑ ri gen kì kɑ̈jj bënn. 12Kɑ Jwøk lïïdh-ɑ kömi piny, kɑ gø lidhe e rɑɑj, mɑ́ ji bënn ɑ́bëëd-ɑ bëëdø me rɑɑj.

13Kɑ Nöö köbbi yi Jwøk kinni, “Dhɑnhø bëne nɑ̈gɑ’ nɑ̈gø. Ge ónɑ̈g yi yɑn kinni tweet, mɑ́ kömi piny ɑ́pɑ̈ng yi orøøg gen. 14Guddí rií ki yɑ̈y me dwøng, gur ki pɑ̈m me teg, kɑ yije göggí ki ud mø gïïr, kɑ yije geki köme mwøøn ki dök. 15Gwøøg e nɑ men: bɑ̈re bɑ mïtïr miyø kí pyɑ̈r ɑ́dɑ̈g wïdɑ́dɑ̈g, lɑ̈je bɑ mïtïr pyɑ̈r ɑ́ryew wïdɑ́ryew, döre bɑ mïtïr pyɑ̈rø wïdɑ́dɑ̈g. 16Göggí ki tɑnø, kɑ kɑɑm tɑnø geki dörø wïyí ki sentimïtïr pyɑ̈r ɑ́ngwen wïdɑ́ngwen ɑ́ wɑ̈w. Kɑ guddí ki ød me dörre bɑ ɑ́dɑ̈g; men ying-ɑ kömi men, kɑ dhøge cïb wɑɑng ngëde. 17Bɑɑyø örɑ’ piny, o nɑ̈ge gïg-ɑ nëënø bënn. Gïg-ɑ kömi piny ceg-ɑ thøø bënn, 18de kwøbbee óthuunh yi wɑ. Kedhí yij yɑ̈y wuki cyëgí, kí wɑ̈ddí geki mɑ̈nni gen. 19-20Kïdhí yij yɑ̈y ki wɑ̈thi lɑ̈yy bënn gɑ jɑlø ki dhɑjø, kí wɑ̈thi winy bënn, o ge ócög gen ge onëënø. 21Kɑ̈ɑ̈d ki wɑ̈thi gïgcɑmm bënn kiper wun, wuki gïgɑni.” 22#Ibru 11.7 Kɑ møg-ɑ ɑ́kwøb yi Jwøk bënn gwøg yi Nöö ceth.

Currently Selected:

Cɑ̈gø 6: shkDCB

Highlight

Copy