Cɑ̈gø 36

Kwɑrri Isøø

(1 Kwøb 1.34-37)

1Men bɑ gøl Isøø, ɑ løg Edöm. 2#Cɑ̈gø 26.34 Isøø ɑ́nyömi ki nyigi piny Kɑnɑɑn; Adɑ̀ nyɑɑr Elön kwɑɑr Kit. Kí Olibɑmɑ̀ nyɑɑr Anɑ̀ wɑ̈d Dhibeon kwɑɑr Kit, 3kí Bɑsemɑth nyɑɑr Icmɑil, nyimï Nibɑyoth. 4Kɑ Adɑ̀ Isøø nyödde ki wɑ̈d me cwøl ɑ́ Elipɑdh. Kɑ Bɑsemɑth nywøl-ɑ Reuel. 5Kɑ Olibɑmɑ̀ nywøl-ɑ Yeuc, kí Yɑlɑm, kí Körɑ̀. Bene gen wɑ̈ddi Isøø ɑgɑk, møg-ɑ ɑ́nywøl kì piny Kɑnɑɑn.

6Codhe, kɑ Isøø mɑ̈nne, kí wɑ̈dde, kí nyige womɑ̈nn, kí tyëng-ɑ gøle bënn, kí dhöge, kí dyëge, kí jɑmme bënn kwɑnye, kɑ dɑ̈g-ɑ piny megø me lɑ̈wi ki keny-ɑ bëëd yi ómen Yɑgob. 7Jɑmmi Isøø geki jɑmmi Yɑgob ɑ́kedh ge óngënyø, kɑ piny ódhïngø yi gen. Piny-ɑ́ yije ɑ́di gen ɑ́dhïngi kɑ ge ódhɑ̈lø bëëdø kì yije, mɑ́ dhög kí dyëg ɑ́ngënyi ki mendwøng. 8Codhe, kɑ Isøø dɑ̈g-ɑ kelli Kïti Seir (nyingi Isøø cwøl ɑ́ Edöm thyew).

9Bene lwömi gøl Isøø ɑnɑn. En ɑ bɑ kweyi tyëng Edöm, møg-ɑ bëëdø kì kelli kïttì Seir. 10-13Isøø ɑ́nyöddi ki wɑ̈d me cwøl ɑ́ Elipɑdh yi Adɑ̀ cyëge. Kɑ Elipɑdh onywølø ki wɑ̈dd ɑ́bïj: Temɑn, kí Omɑr, kí Dhepö, kí Gɑtɑm, kí Kenɑdh. Kɑ nyöddi yi cyëge me cwøl ɑ́ Timnɑ̀, ki wɑ̈d me cwøl ɑ́ Amɑlek.

Isøø ɑ́nyöddi yi cyëge Bɑsemɑth ki wɑ̈d me cwøl ɑ́ Reuel, kɑ Reuel onywølø ki wɑ̈dd ɑ́ngwen: Nɑɑ̈th, kí Dherɑ̀, kí Cɑmɑ̀, kí Mïdhɑ̀.

14Dɑ̈ɑ̈g mɑ̈nni Isøø bɑ Olibɑmɑ̀ nyɑɑr Anɑ̀. Anɑ̀ bɑ wɑ̈d Dhibeon. Isøø geki Olibɑmɑ̀ ɑ́nywøl-ɑ Yeuc, kí Yɑlɑm, kí Körɑ̀.

15Bene jø wïj gøl Isøø ɑgɑk, wɑ̈d Isøø nyel-ɑ dwøng bɑ Elipɑdh. En ɑ ree ɑ́kɑ̈ɑ̈l yi pëjjì møg: Temɑn, Omɑr, Dhepö, Kenɑdh, 16Körɑ̀, Gɑtɑm kí Amɑlek. Bene gen pëjji gøl Elipɑdh kì piny Edöm. Ge bɑ kwɑrri Adɑ̀.

17Reuel wɑ̈d Isøø ɑ bɑ wïyi pëjjì møg: Nɑɑ̈th, Dherɑ̀, Cɑmɑ̀, kí Mïdhɑ̀. Bene gen pëjji gøl Reuel kì piny Edöm. Ge bɑ kwɑrri Bɑsemɑth cï Isøø.

18Olibɑmɑ̀ cï Isøø ɑ́nywøl-ɑ pëjjì møg: Yeuc, Yɑlɑm, kí Körɑ̀. Bene gen pëjjì møg-ɑ kɑ̈ɑ̈l ri cï Isøø, Olibɑmɑ̀ nyɑɑr Anɑ̀. 19Bene gen wɑ̈ddi Isøø. Isøø ɑ cwøl ɑ́ Edöm. O møgɑk bene gen pëjji gen.

Kwɑrri Seir

(1 Kwøb 1.38-42)

20Møg bɑ wɑ̈ddi Seir kwɑɑr Orït ɑ ɑ́bëëd kì piny Edöm, Lötɑn, Cöbɑl, Dhibeon kí Anɑ̀, 21Dïcön, Edher kí Dïcɑn. Bene gen wɑ̈ddi Seir jɑl Orït, møgɑni ɑ́bëëd gɑ pëjjì kì Edöm.

22Wɑ̈ddi Lötɑn bɑ Örì, kí Ëmɑm. (Timnɑ̀ bɑ nyimï Lötɑn.)

23Wɑ̈ddi Cöbɑl bɑ Albɑn, Mɑnɑɑth, Ebɑl, Cepì, kí Onɑm.

24Wɑ̈ddi Dhibeon bɑ Aiyɑ̀, kí Anɑ̀. Anɑ̀ bene jɑl-ɑ ɑ́yod wɑɑng pïg-ɑ lyëdh kì yij ryɑng, e kwɑy-ɑ ɑderr kì wɑ̈ye. 25Anɑ̀ bɑ wïyi Dïcön, ɑ løg kweyi Olibɑmɑ̀ nyɑɑr Anɑ̀. 26Wɑ̈ddi Dïcön bɑ Ëmdɑn, Ecbɑn, Ithrɑn, kí Kerɑn. Yïe ɑ́dɑ nyɑre me cwøl ɑ́ Olibɑmɑ̀.

27Wɑ̈ddi Edher bɑ Bilɑɑn, Dhɑbɑn, kí Akɑn.

28Wɑ̈ddi Dïcɑn bɑ Udh kí Arɑn.

29Bene nyingi pëjji Orït ek: Lötɑn, Cöbɑl, Dhibeon, Anɑ̀, 30Dïcön, Edher kí Dïcɑn. Jøgɑni bene gen pëjji kɑ̈lli Orït møg-ɑ ɑ́bëëd kì piny Edöm.

Rɑ̈nhi Edöm

(1 Kwøb 1.43-54)

31-39Møg bene gen rɑ̈nhh-ɑ ɑ́jyɑ̈ɑ̈g kì piny Edöm, e tyëng Isrɑil nudd yï gen bong rɑ̈dh,

Belɑ̀ wɑ̈d Beor, nyingi pɑɑre cwøl ɑ́ Dinɑbɑ̀.

Yöbɑb wɑ̈d Dherɑ̀, pɑɑre bɑ Bodhrɑ̀.

Ucɑm kì Temɑn.

Adɑd wɑ̈d Bedɑd, kì Abith. (En ɑ ɑ́tyɑm Midyɑn kí Moɑb.)

Sɑlmɑ̀ ɑ pɑɑre cwøl ɑ́ Mɑsrekɑ̀.

Cɑul ɑ pɑɑre cwøl ɑ́ Reöböth kì kömi Nɑm Porɑt.

Bɑɑl Anɑn wɑ̈d Akbör

Adɑd jɑl Pɑu, (cyëge cwøl ɑ́ Meëtɑbel nyɑɑr Mɑtred wɑ̈d Medhɑɑb.)

40-43Pëjji Edöm møg-ɑ bɑ ɑgwed kì kɑ̈lli gen, kí myërri gen, ge bɑ kwɑrri Isøø. Nyingi gen bɑ: Timnɑ̀, Albɑ̀, Yetheth, Olibɑmɑ̀, Elɑ̀, Pïnön, Kenɑdh, Temɑn, Mibdhɑr, Mɑgdiel kí Irɑm. Bene gen ɑ ɑ́bëëd gɑ pëjji Edöm. Isøø ɑ bɑ kweyi tyëng Edöm. Keny-ɑ́ yije ɑ́bëëd yi kɑl kì kelli kɑ̈llɑni nyi cöll-ɑ nyingi gølɑni.

Currently Selected:

Cɑ̈gø 36: shkDCB

Highlight

Copy