Tuk 9

Guk kam Kuɔth kɛnɛ Nowa

1Kɛ kui̱ ɛmɔ, cu Kuoth Nowa kɛnɛ gaatkɛ cu poth, kä cuɛ kɛ jiök i̱, “Diëthɛ rɔ̱ a bia wi̱c muɔ̱ɔ̱n thiäŋ. 2Kä täämɛ le̱y diaal bikɛ cieŋ dualkɛ kɛ yɛ, diit nhial kɛ le̱y amäni rɛc yiëri, bi yɛn kɛ ruac kɛn diaal ɛwic. 3Kɛn diaal tin tëk wi̱i̱ muɔ̱ɔ̱n bikɛ a mi̱thkun. Ni kɛ tho̱p ëë cä thöp ni yɛ wal diaal tin tɔ̱ɔ̱c, ɣän bä, cä yɛ ka̱m ti̱ti̱ diaal ala mi̱thkun. 4Ku duundɛ la ɣöö /cia ri̱ŋ mi te riɛmdɛ thi̱n bi cam, kɛ ɣöö riɛmdɛ ɛ jɛn tëkdɛ. 5Kä ɛpuc, ɣän bä riɛm ran thiec puɔ̱ɔ̱ny raam mi wä jɛ bath, mi ɛ le̱y kiɛ ɛ raan. 6Ram mi wä riɛm ran wä wuɔ̱th piny, ba riɛmdɛ wuɔ̱th piny ɛ raan bä, kɛ ɣöö ci Kuoth raan cak nikɛ cätdä. 7Kä yɛn, diëthɛ rɔ̱ a wee wä, kä a kuaykun thia̱ŋkɛ wi̱c muɔ̱ɔ̱n.”

8Kɛ kɔrɛ, cuɛ Nowa kɛnɛ gaatkɛ ku jiök i̱, 9“Nɛ̈nɛ jɛ, ɣän bä gukdä la̱th piny kɛ yɛ kɛɛl täämɛ amäni kuaykun tin ba yɛ guɔ̱ɔ̱r, 10amäni le̱y diaal tin tekɛ yɛ kɛɛl, diit kɛ ɣɔ̱k, nikɛ pe̱k kä tin ci ben raar rɛy ria̱a̱y. 11Ɣän la̱thä gukdä piny kɛ yɛ, ɛn ɣöö thilɛ yiey ti ba nyɔk kɛ näk ɛ nyɔc, kä thilɛ nyɔc dɔ̱diɛn mi bi wi̱c muɔ̱ɔ̱n nyɔk kɛ däk. 12Kä nyuuth matdä ruacdä min cä la̱th piny kamädä kɛ yɛ amäni le̱y diaal tin tekɛ yɛ kɛɛl kɛ ri̱c tɔ̱ bëë tɔ̱, jɛn ɛn, 13ɣän bä mi̱i̱tdä la̱th puɔ̱rä, kä bɛ la nyuuth matdä ruac kamädä kɔnɛ ɣɔw. 14Kɛ gua̱a̱th mi wa̱a̱ nhiaal jak kä wun, kä jɔc mi̱i̱t puɔ̱rä, 15ɛn guäth ɔ, ɣän bä gukdä ëë cä la̱th piny kamädä kɛ yɛ kɛnɛ le̱y diaal tim. Kä /ci pi̱ nhial rɔ̱ bi nyɔk ala nyɔc mi bi nɛy diaal nyɔk kɛ däk. 16Kä kɛ gua̱a̱th ɔ bi tekɛ mi̱i̱t nhial rɛy pua̱a̱ri mɔ, ɣän bä jɛ nɛn, ɛn guäth ɔ bä guk mi thil pe̱k kamädä ɣän Kuɔth kɛnɛ ŋɔak diaal tin tëk wi̱i̱ muɔ̱ɔ̱n cu tim. 17Mɛmɛ ɛ jɛn nyuuth gukädä min cä la̱th piny kamädä kɛnɛ ŋɔak diaal tin cieŋ wi̱i̱ muɔ̱ɔ̱n.”

Nowa kɛnɛ Gaatkɛ

18Kä täämɛ, kɛn gaat Nowa tëë bä raar rɛy ria̱a̱y ɛ Cɛm kɛnɛ Ɣɛ̈m kɛ Ya-pɛth. Kä Ɣɛ̈m ɛ gua̱n Kɛ-naan. 19Ti̱ti̱ kɛ kɛn gaat Nowa da̱ŋ diɔ̱k, kä kɛ kɛn diëëth nɛɛni diaal wi̱i̱ muɔ̱ɔ̱n.

20Kä jɛn Nowa ɛ pi̱i̱th, ɛ jɛn ram kɛl ëë took pi̱eth kakä wal kɛ kui̱ kɔaŋ. 21Mëë cɛ maath kɛ kɔŋ, cuɛ yɔ̱ŋ, kä cuɛ tɔ̱ɔ̱c juutdä rɛy duëëlɛ. 22Mëë ci gua̱n Kɛ-naan ni Ɣɛ̈m ta̱a̱ juutdä gua̱n nɛn, cuɛ jɛ la̱t dämani raar. 23Ɛn guäth ɔ cu Cɛm kɛnɛ Ya-pɛth bi̱i̱ ka̱n, kä cukɛ jɛ kuɛr wuɔ̱ɔ̱knikiɛn kä cukɛ ben kɛ jɔak jɔak, kä cukɛ jɛ kum a cikɛ wuɔ̱thkiɛn riet jɔ̱ɔ̱r, kä /ke̱nkɛ ta̱a̱ juutdä gua̱ndiɛn nɛn. 24Mëë ci kɔaŋ wecdɛ wä piny cuɛ min ci gatdɛ min tɔt ɛ lät kä jɛ ŋa̱c, 25cuɛ wee i̱,

“Bit akɛ Kɛ-naan,

bɛ la kuany rɛy gan mani.”

26Kä cu Nowa ɛ lar bä,

“A Cɛm puɔthkɛ ɛ Kuoth

Nhial ni Kuothdä kä

bi Kɛ-naan a kuanydɛ.

27A Kuoth re̱e̱p Ya-pɛth,

kä a jɛ cieŋ kɛɛl kɛnɛ Cɛm,

kä a Kɛ-naan a kuanydiɛn.”

28Kɛ kɔr nyɔac cu Nowa te te̱e̱kä kɛ run ti kur diɔ̱k wi̱cdɛ jiɛn dhieec. 29Ɛ jɛn, täämɛ mat runi te̱e̱kä Nowa diaal kɛ run ti kur bäŋuan wi̱cdɛ jiɛn dhieec, cuɛ cu li̱w.

Currently Selected:

Tuk 9: nusNHB

Highlight

Copy