Tuk 13

Däk Lɔt piny kɛn Ab-ram

1Täämɛ cu Ab-ram cu jiɛn ni kä I-jëp wädɛ pe̱e̱k wec in cɔal i̱ Nɛ-gɛb kä Kɛ-naan, cuɛ jiɛn kɛɛl kɛnɛ ciekdɛ, kä cuɛ nyinkɛ diaal naŋ kɛ jɛ kɛɛl, amäni Lɔt cuɛ wä bä kɛ jɛ kɛɛl.

2Kä jɛn Ab-ram tëë kɛ det ti ŋuan, kɛ ɣɔ̱k amäni ciɛk in bo̱r kɛnɛ da̱a̱p. 3Cuɛ ja̱lɛ tok ni kä Nɛ-gɛb ɛ lɛm lɛm, wädɛ kä Beth-ɛl amäni mëë cɛ cop kam Beth-ɛl kɛnɛ Aay mëë mɔ gua̱a̱th ëë cɛ kɛmɛdɛ kɔŋ pua̱t thi̱n bä, 4kä cɛ Kuoth kɔŋ ta̱th yi̱k thi̱n. Kä ɛn wi̱ni cu Ab-ram Kuoth Nhial pal. 5Kä täämɛ jɛn Lɔt ëë jiɛc kɛɛl kɛnɛ Ab-ram tëë kɛ det bä kɛnɛ ɣɔ̱k matdiɛn amäni ji̱ cieeŋdɛ pa̱ny kɛ kuaanykɛ. 6Ɛn wa̱nɛ mɔ, /ke̱n wal ro̱ŋ kɛ kui̱diɛn kɛn da̱ŋ rɛw kɛɛl, kɛ ɣöö tekɛ kɛ ɣɔ̱k ti ŋuan gua̱thnikiɛn diaal, 7kɛnɛ ɣöö ciɛŋ yiëën ɣɔ̱ɔ̱kiɛn ni gak kamnikiɛn kä rɔ̱. Kɛn ni̱ni tɔ̱tɔ̱ dhɔr ɛmɔ cieŋni ji̱ rööl Kɛ-naan thi̱n kɛnɛ ji̱ rööl Pɛ-rii-dhi.

8Ɛ jɛ nɔ cu Ab-ram Lɔt ku jiök i̱, “Thilɛ mi dënɛ gak, kiɛ mi dëë yiëën ɣɔ̱ɔ̱kä jɛ gak kɛnɛ yiɛɛn ɣɔ̱ɔ̱ku kɛ ɣöö kɔn lapnɛ gaat ciëk. 9Täämɛ mun ɛ mi /cɛ te nhiamdu kɛɛliw? Mi wi̱i̱ wä mɛk ni pe̱k caam. Ɣän bä pe̱k cuëëc ka̱n, kä mi wi̱i̱ mɛk ni cuec bä cam ka̱n.” 10Niɛ wa̱nɔ, cu Lɔt pan Jɔr-dɛn cu car ni kɛɛliwdɛ a wä räth ni Dho-ar, kä cuɛ jɛ nɛn ɛ mun ɣɔ̱ɔ̱k mi gɔaa ce̱tkɛ mun kakä Kuɔth Nhial kɛnɛ mun rööl I-jëp. Mɔmɔ ɛ mëë /ke̱n Kuoth Nhial wec Thɔ-dɔm kɛnɛ Go-mo-ra ni däk. 11Ɛ jɛ nɔ cu Lɔt pan Jɔr-dɛn ni kɛɛliwdɛ cu mëk rɔɔdɛ kä cuɛ cu ja̱l wee kui̱ käny ca̱ŋ. Cukɛ rɔ cu da̱a̱k inɔ, 12cu Ab-ram cieŋ rööl Kɛ-naan kä Lɔt cuɛ ciɛŋ ni kam rɛ̈kni paan Jɔr-dɛn. Cuɛ wee mi ɣo̱o̱thɛ kɛmɛnikɛ amäni mëë cɛ thia̱k kɛ Thɔ-dɔm. 13Kä täämɛ ji̱ rööl Thɔ-dɔm kɛ nɛy ti ji̱ nyuɔɔni kä ŋuan dueerkiɛn ɛlɔ̱ŋ nhiam Kuɔth Nhial.

Ɣöth Ab-ram Ɣɛb-ron

14Mëë ci Lɔt cu jiɛɛn, cu Kuoth Nhial Ab-ram ku jiök i̱, “Gui̱cni ɛ ɛn guäth ɛ ti̱i̱ cuŋä thi̱n ɛ amäni pe̱k ɔ bi luäŋ kɛ cuɔ̱p kɛ waŋdu mɔ, guic nhiamdu kɛ jɔkdu kä liɛc pe̱k ɔ wëë kä käny ca̱ŋ ɔ kɛnɛ pe̱k ɔ wëë kä kony ca̱ŋ ɔ, 15kɛ ɣöö ɛn mun ɛ nɛɛni mi, ni kɛɛliwdɛ, bä jɛ ka̱m ji̱ yɛnɛ kuayku ala duundun amäni cäŋ kɛl. 16Bä kuayku re̱p a bikɛ ŋuan ce̱tnikɛ tur piɛny in /ci raan ɛ dëë luäŋ kɛ kuën? 17Jiɛcni kä wër jäl di̱t wec kɛnɛ bärɛ, kɛ ɣöö bä jɛ ka̱m ji̱.” 18Ɛ jɛ nɔ, cu Ab-ram kɛmɛdɛ cu ɣöth kä cuɛ jɛ wä pua̱t gekä jiɛn Ma-mɛ-ri kä Ɣɛb-ron kä cuɛ Kuoth Nhial ta̱th yi̱k ɛn wi̱ni.

Currently Selected:

Tuk 13: nusNHB

Highlight

Copy