2 Kor Riet in nhiam
Riet in nhiam
Ɛn Warɛgak Puɔl in rɛwdɛ in cɛ gɔ̱a̱r ji̱ Ko-rinth gɔ̱a̱rkɛ jɛ kɛ gua̱a̱th ëë tëë rikä kɛ kui̱ maarädɛ kɛ duel Kuɔth kä Ko-rinth. Cu tha̱a̱ŋ nath kä ji̱ duëël Kuɔth Puɔl mak kɛ ti buɔ̱m buɔ̱ɔ̱m, duundɛ ɣöö cuɛ nhökdɛ min di̱i̱t nyoth kɛ görɛ kɛ mal, kä cuɛ tɛ̈th lɔaacdɛ lat bä mi wa nɛmɛ wä la̱t.
Kä pek in nhiam kä jɛn warɛgak Puɔl latdɛ ni maar Puɔl kɛ duel Kuɔth kä Ko-rinth, latdɛ ɣöö ɛŋu cɛ dääk kɛnɛ kuëëth in te dueel Kuɔth loc a bum ɔ. Kä cuɛ tɛ̈th lɔaacdɛ lat kɛ ɣöö ɛn ci ruac in bum dääk ɛmɛ cɛ thuɔ̱k kɛ päl dueeri kɛnɛ loc nath maarä. Kä cuɛ ji̱ duëël Kuɔth thiec kɛ ɣöö bikɛ muɔ̱c kɛ lɔcdiɛn kɛɛliw kɛ ɣöö ba Krith-cini tin can kä Ju-dia luäk. Kä ciök tin jɔak cu Puɔl ɣöö ɛ jak gaŋ kä nɛy ti tɔt ti te kä Ko-rinth tin ca rɔ̱ jak kä jaak ti thuɔ̱ɔ̱k, guäth in ku kɛn Puɔl lɛ cɔl i̱ /ciɛ jääk mi thuɔ̱k.
Tin te rɛy buɔk
1. Riet in nhiam 1:1-11
2. Puɔl kɛnɛ duel Kuɔth kä Ko-rinth 1:12—7:16
3. Muc kɛ kui̱ Krith-cini kä Ju-dia 8:1—9:15
4. Ga̱ŋ Puɔl kɛ lua̱ŋdɛ ala jääk 10:1—13:10
5. Guk ruac 13:11-13
Currently Selected:
2 Kor Riet in nhiam: nusNHB
Highlight
Share
Copy
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.