Cäk 49

Jam ciëën de Jakop

1Ku ëtɛ̈ɛ̈n, Jakop ë wɛ̈ɛ̈tke bɛ̈n cɔɔl kedhie. Ku lëk keek an, “Guɛ̈ɛ̈rkï eenë, ke we bä bɛ̈n guiëër ka bï röt lɔ̈ɔ̈k looi wadäŋ:

2“Määtkï weyiic mïth ke Jakop.

Bäk piɛŋkï kë lueel ë Yithriɛl wuöördun.

3“Ruben yïn aye wën kɛ̈idï.

Ku yïn aye riɛldï, ku yïn ee këtueŋ de riɛldï.

Yïn aye wun dhuëëŋ, ku ye wun riɛl në mïthkï yiic kedhie.

4Yïn bï ciët amool dïït cï piny thiɔ̈ɔ̈ŋ nɔm.

Ku acie yïn bï ya adhuɛ̈ŋ de baai, në luɔi wään cïn tɔ̈c we tiiŋdï,

ku kɛ̈në biɔ̈k ke wuur riëëu nïïm.

5“Thimion ke Lebi ee raan ke mänhë,

abätɛ̈ɛ̈uken aa abätɛ̈ɛ̈u ke karɛc.

6Yɛn cï bï aa lɔ tëdɛn rëër kek thïn,

ayï amɛɛtken, yɛn cï bï ya lɔ thïn.

Ayek kɔc nɔ̈k të cï kek ŋeeny,

ku tɔkï miöör ee ŋöl të thuëëc kek.

7Aciɛɛn abï tɔ̈u ke ŋeenyden, në luɔi yen ŋeeny nɛ̈k.

Ku tɔ̈u aciɛɛn ke agönhden, në luɔi rɛɛc en arëët.

Abä ke thiäi ë piny ë Yithriɛlic ëbɛ̈n.

Abä keek wɛɛr ë kɔc ke Yithriɛliic.

8“Juda, yïn bïï mïthëkɔckun aa leec.

Ku yïn bï kɔc dɛ wek ater aa dec.

Ku mïthëkɔckun abïk kenïïm aa guöt piny në yïnɔm.

9 # Kuɛ̈n 24:9; Nyu 5:5. Juda acït köör;

cï lände nɔ̈k, ku dɔk enɔm ɣönde.

Ee riiny ku be rɔt dak piny tɔ̈ɔ̈c.

Acïn raan ŋeny duëër en kɔ̈ɔ̈r akɔ̈ɔ̈k.

10Ku thieny ë bääny acïï bï jäl tëde Juda.

Mïthke abïk aa bäny ë caaŋden.

Abï juöör en aa kuöt athölbɔ̈,#49:10: Këcïgɔ̈ɔ̈r Juöör...athölbɔ̈; Ɣeberuu acïï ŋic.

ku abïk kenïïm aa guöt piny në yenɔm në riëëu.

11Ku abï mïth ke mulke aa mac

në tiim ke enap kɔ̈ɔ̈th,

tiim ke enap piɛth në tiimiic ëbɛ̈n.

Ku abï lupɔɔke aa waak në mɔ̈u thith nyin.

12Ku abï nyin aa thiɛth ke dëŋ ë mɔ̈u.

Ku abï lec aa ɣɛ̈ɛ̈r ke ruɛ̈th ë ca.#49:12: Nyïïnke...ca; nɔn col nyïïnke awär mɔ̈u, ku ɣer lecke awär ca.

13“Dhebulun abï ya rëër në wɛ̈ɛ̈r yɔu.

Ku täärde thok abï ya wanh abëël dït,

ku pinyde abï ɣet agut cï Thidon.

14“Yithakar acït mul ee

tɔ̈c piny ke keŋkeŋde në yekɔ̈u.

15Ku ee tëdɛn ë tɔ̈c tïŋ ke piɛth,

ku aye piny diir.

Ago guŋ ku kɛ̈p kakɛn ë ɣɛ̈ɛ̈c.

Ku abï ya tɔ lui ke ye lïm.

16“Dan abï ya bɛ̈ny de kɔcke.

Abïk ciët dhiëën ke Yithriɛl kɔ̈kë.

17Dan abï ciët kërac de thok wurïï,

kërac cï tɔ̈c në kueer këc.

Kërac ee jöŋgör kac ŋuur,

go jöŋgör raan nu në yekɔ̈u laŋ wei ke wel nɔm ciëën.

18“Yɛn tit kuɔɔnydu Bɛ̈nydït.

19“Gad abïï cuɛ̈ɛ̈r aa muɔɔk piny,

ku abï rɔt aa puk, ku kuɛny kecök.

20“Piny de Acer abï ya luɔk në kacaam piɛth.

Abï melik aa miɔɔc në kacaam piɛth.

21“Naptali acït ŋɛɛr, abï ya riŋ ke lääu nɔm.

Ku abï mïth piɛth aa dhiëëth.#49:21: Naptali...nɔm ku nɔn bï Naptali cuaar cït man de tim ee kërkɛn piɛth thiɛth piny.

22“Jothep acït tim de enap ŋic luɔk, tim cï com ë nyin ë pïïu nɔm,

tim cï kërke röt thiɛth ë kal nɔm.#49:22: Jothep...në kuur lɔ̈ɔ̈m; ku Jothep tim nu ë awaŋ de pïïu nɔm, tim ee ŋiëc luɔk cï rɔt thiɛth ë kal nɔm.

23Abïï ë kɔckɛn ke ater yen aa muɔɔk piny arëët.

Ku dhil ke lɔ̈ɔ̈k biɔɔth cök ke dhɛ̈ŋke, ku wiɛthke.

24Ku dhɛ̈ŋke abïk aa kɔ̈ɔ̈c aril,#49:24: Ku...aril; ku dhɛ̈ŋken acï ke dhoŋ kɔ̈ɔ̈th ku ɣɛɛrkï yiic, go räl ke kökken dhuɔɔŋ.

acï ke tɔ ril, në riɛl dïït de Nhialic Awärjäŋ, Nhialic de Jakop.

Ku ye Tïït ku Gëlgël de Yithriɛl.

25Ee Nhialic de wuur Yen ee yïn kuɔny.

Nhialic Awärjäŋ Yen ee yïn thieei.

Ee Yen ee yïn thiëi deŋ ee bɛ̈n nhial.

Ku thiëi yïn pïïu ee tuöl piny në tiɔpic,

ku thiëi yïn ɣɔ̈k juëc, ku mïth juëc.

26Athiɛɛi de wuur adït në athiɛɛi de kuarkun.

Ku kapiɛth ee kɔc diir nu në kur thɛɛr nïïm, ka cï bï thök ananden, abïk tɔ̈u në Jothep nɔm athɛɛr.#49:26: Këcïgɔ̈ɔ̈r rap ku aɣaar; Ɣeberuu wärkun arilkï në.

Abïk tɔ̈u në yenyin tueŋ, yen raan cï kuɛ̈ny bei në mïthëkɔcken yiic.

27“Benjamin acït aŋuïn cï jök.

Aŋuïn ee cool ke näk ku cuët, thëën ku miäk.”

28Kakë ee kek ee dhiëën ke Yithriɛl kathiëër ku rou. Ku yen jam ë lueel ë wuönden ka, wään thieei en keek. Go ŋɛk aa thieei në athiɛɛidɛn rɔ̈ŋ ke yen.

Thon ë Jakop ku thiäŋde

29Na ɣɔn, ke Jakop ë yöök mïthke an, “Yakï lɔ paan ë kɔc cï thouwë, lak thiäkkï yɛn të nu kuarkuɔ. Në raŋ nu dom ë Eperon, raan ë Ɣit. 30#Cäk 23:3-20. Në Makepiila, tɔ̈u në Mameer baŋ të lɔ aköl amiäk, në piny ë Kanaan. Abraɣam aɣɔc ee raŋë ke dom tëde Eperon. Ke bï ya të ye kɔc tɔ̈ɔ̈u thïn. 31#Cäk 25:9,10; Cäk 35:29. Yen të ë thiɔ̈k Abraɣam thïn ka, kekë Thara tiiŋde. Ku ee yen ë thiɔ̈k ë Yithaak thïn ayadäŋ kekë Rebeka tiiŋde. Ku yen të ë thiäk ɛn Liya ka, thïn ëtɛ̈ɛ̈n. 32Dom ayï raŋ nu thïn, aake ɣɔc keek tëde kɔc ke Ɣit. Lak thiäkkï yɛn thïn ëtɛ̈ɛ̈n.” 33#Luɔi 7:15. Na wën, aa thök Jakop të wën jiëëm en wɛ̈ɛ̈tke, ke dɛk rɔt në agen nɔm, tɔ̈ɔ̈c thou.

Currently Selected:

Cäk 49: dip-JPB

Highlight

Copy