San Lucas 4:5-8

Y ñʌmaŋu te' diablo's ye'ŋupʌ cotzʌjcʌsi y chʌlʌpʌ hora'oyj ya'ocnʌque'nʌyu tey mumu najsacopajcʌsita'mbʌ aŋgui'mʌtʌjcuy. Y ñʌjayu te' diablo's: Maŋba'ʌsmij ndzi'u ñe'ta'm myʌja'ŋajcʌ' y wa'mis aŋgui'mu mumu yʌ'wʌ, porque ʌjyʌ' tzi'yajupʌ y iwʌ ʌs sunba ndzi'u, ndzi'pa'ʌs. Juca cujnayu'cmisʌj ŋgʌna'tzʌ'pya, mumu yʌ'wʌ mis maŋba ne'aju. Y aŋdzoŋu Jesús y ñʌjayu: Satanás, jʌcʌ'ʌ yʌy ʌs nwi'naŋdʌjqui porque yʌ'šej ja'yʌyu: Mis Ngomi Dios cujnayja y na' ñe'cʌ cʌna'tzʌ.