ᒉᓂᓯᐢ 6
6
1 #
ᒍᑊ 1:6; 2:1 ᑭ ᐊᔨᐦᑭᐣ ᒫᑲ, ᐃᐢᐱ ᐊᔨᓯᔨᓂᐊᐧᐠ ᐁᑎ ᒥᐦᒉᑎᒋᐠ ᐊᓂᑕ ᐊᐧᐢᑭᑕᐢᑲᒥᐠ, ᒥᓇ ᐅᑖᓂᓯᐋᐧᐊᐧ ᐁ ᑭ ᓂᐦᑖᐃᐧᑭᑕᒫᒋᐠ, 2ᐊᓂᑭ ᒫᑲ ᐅᑯᓯᓴ ᑭᓭᒪᓂᑐ ᑭ ᐋᐧᐸᒣᐊᐧᐠ ᐊᔨᓯᔨᓂᐊᐧ ᐅᑖᓂᓯᔨᐊᐧ ᐁ ᑲᑕᐊᐧᓯᓯᔨᐟ; ᐁᑯᓯ ᐱᑯ ᑕᐦᑐ ᐁ ᒧᐢᑕᐃᐧᓇᐋᐧᒋᐠ ᑭ ᐅᑎᓀᐊᐧᐠ ᐁ ᐃᐧᐃᐧᒋᐠ. 3ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᓂᐟ ᐊᐦᒑᕽ ᓇᒪᐃᐧᔭ ᑳᑭᑫ ᑲᑕ ᐃᐧᑯᐢᑕᐁᐧᐤ ᐊᔨᓯᔨᓂᐊᐧ, ᒋᑫᒫ ᐃᐧᐢᑕ ᐁ ᐅᐃᐧᔮᓯᐟ; ᒫᑲ ᐁᔨᐁᐧᕽ ᐅ ᑭᓯᑲᒪ ᐯᔭᑳᐧᐤ ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑕᐦᑐ ᐱᐳᐣ ᑲᑕ ᐃᑕᐦᑎᓂᔨᐊᐧ. 4#ᓇᒼᐸᕒᐢ 13:33ᐁᑯᐢᐱ ᒫᑲ ᐁ ᑲᑭᓯᑳᐠ ᒥᐢᑖᐯᐊᐧᐠ ᑭ ᐊᔮᐊᐧᐠ ᐊᐢᑭᕽ; ᒥᓇ ᒣᐧᐢᑕᐢ ᐃᔨᑯᕽ, ᐃᐢᐱ ᑭᓭᒪᓂᑐ ᐅᑯᓯᓴ ᑳ ᐱᐦᑐᑲᐋᐧᒋᐠ ᐊᔨᓯᔨᓂᐊᐧ ᐅᑖᓂᓯᔨᐊᐧ ᑭ ᓂᐦᑖᐃᐧᑭᑕᒫᑲᐧᐠ ᐊᐋᐧᓯᓴ, ᐁᐊᐧᑯᓂᐠ ᒫᑲ ᑲᔮᐢ ᑳ ᑭ ᑭᐦᒋᐦᑖᐃᐧ ᐊᔨᓯᔨᓂᐃᐧᒋᐠ, ᒥᓇ ᑳ ᐊᔮᒋᒥᑯᐃᐧᓯᒋᐠ ᑭ ᐃᑐᐃᐧᑲᓂᐃᐧᐊᐧᐠ.
5 #
ᒫᐟᔪ 24:37; ᓬᐅᐠ 17:26; 1 ᐱᑕᕒ 3:20 ᑭᓭᒪᓂᑐ ᒫᑲ ᑭ ᐋᐧᐸᐦᑕᒼ ᐁ ᐃᓯ ᒥᓵᔨᐠ ᐊᔨᓯᔨᓂᐊᐧ ᐅ ᒪᒋᑐᑕᒧᐃᐧᓂᔨᐤ ᐊᐢᑭᕽ, ᒥᓇ ᑲᐦᑭᔭᐤ ᐅᐟ ᐃᑌᔨᑕᒧᐃᐧᓂᔨᐤ ᑳ ᐃᓯ ᒫᒥᑐᓀᔨᑕᒥᔨᐟ ᐅᑌᐦᐃᔨᕽ ᑕᐦᑭᓀ ᐱᑯ ᐁ ᒪᒑᔨᐊᐧᓂᔨᐠ. 6ᑳ ᑎᐯᔨᐦᒋᑫᐟ ᒫᑲ ᑭ ᒥᐦᒋᔭᐁᐧᔦᔨᑕᒼ ᐁ ᑭ ᐅᓯᐦᐋᐟ ᐊᔨᓯᔨᓂᐊᐧ ᐊᐢᑭᕽ, ᒥᓇ ᑭ ᐃᐧᓴᑭᑌᐦᐁᐢᑲᐠ. 7ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐧᐤ, ᓂ ᑲ ᓂᓯᐊᐧᓈᒋᐦᐋᐤ ᐊᔨᓯᔨᓂᐤ ᑳ ᑭ ᐅᓯᐦᐊᐠ ᐊᐧᐢᑭᑕᐢᑲᒥᐠ ᐅᐦᒋ; ᒫᒪᐤ ᐊᔨᓯᔨᓂᐤ, ᒥᓇ ᐱᓯᐢᑭᐤ, ᒥᓇ ᐊᓇ ᑳ ᐸᐹᒥᑖᒋᒧᐟ, ᒥᓇ ᐊᓂᑭ ᐱᔦᓯᓴᐠ ᑳ ᐸᐹᒥᔮᒋᐠ; ᒋᑫᒫ ᓂ ᒥᐦᒋᔭᐁᐧᔦᔨᑕᒥᐃᑯᐣ ᐁ ᑭ ᐅᓯᐦᐊᑭᐠ. 8ᒫᑲ ᓄᐊ ᑭ ᒥᔪ ᑲᓇᐋᐧᐸᒥᐠ ᑳ ᑎᐯᔨᐦᒋᑫᔨᐟ.
9 #
2 ᐱᑕᕒ 2:5
ᐁᐊᐧᑯᓂ ᒫᑲ ᐅᐦᐃ ᐁ ᐊᔮᓂᐢᑫ ᐱᒫᑎᓯᐟ ᓄᐊ; ᓄᐊ ᑭ ᑲᐧᔭᐢᐠ ᐃᓯᐁᐧᐱᓯᐃᐧ ᐊᔨᓯᔨᓂᐃᐧᐤ ᒥᓇ ᑭ ᑲᐧᔭᐢᑳᐧᑎᓯᐤ ᐁ ᐊᔮᓂᐢᑫᐱᒫᑎᓯᐟ, ᓄᐊ ᒫᑲ ᑭ ᐃᐧᒋᐱᒧᐦᑌᒣᐤ ᑭᓭᒪᓂᑐᐊᐧ. 10ᓄᐊ ᒫᑲ ᑭ ᓂᐦᑖᐃᐧᑭᐦᐁᐤ ᓂᐢᑐ ᐅᑯᓯᓴ, ᓭᒼ, ᐦᐋᒼ, ᒥᓇ ᒉᐱᐟ. 11ᒫᑲ ᒥᓇ ᐊᐢᑭ ᑭ ᐁᐧᐢᑖᓯᓇᑲᐧᐣ ᐁ ᐃᓯ ᐋᐧᐸᐦᑕᕽ ᑭᓭᒪᓂᑐ, ᒥᓇ ᐊᐢᑭ ᑭ ᓵᑲᐢᑭᓀᐤ ᐋᐦᑳᐧᑎᓯᐃᐧᐣ. 12ᑭᓭᒪᓂᑐ ᑭ ᐃᑖᐱᐤ ᐊᐢᑭᕽ, ᒋᐢᐟ ᒫᑲ, ᑭ ᐁᐧᐢᑖᓯᓈᑲᐧᐣ; ᒋᑫᒫ ᑲᐦᑭᔭᐤ ᑳ ᐅ ᐃᐧᔮᓯᒋᐠ ᑭ ᐁᐧᐢᑖᓯᓈᑯᑖᐊᐧᐠ ᐅᐟ ᐃᓯᐦᒋᑫᐃᐧᓂᐋᐧᐤ ᐊᐢᑭᕽ.
13ᐁᑯᓯ ᑭᓭᒪᓂᑐ ᑭ ᐃᑌᐤ ᓄᐊ, ᓂ ᐯ ᐅᑎᐢᑲᐃᐧᐢᑳᑯᐣ ᐊᓂᒪ ᑭᑕ ᐳᓂᐃᐦᑖᒋᐠ ᑲᐦᑭᔭᐤ ᑳ ᐅᐃᐧᔮᓯᒋᐠ; ᒋᑫᒫ ᐃᐧᔭᐋᐧᐤ ᐅᐦᒋ ᐊᐢᑭ ᓵᑲᐢᑭᓀᐤ ᐋᐦᑳᐧᑎᓯᐃᐧᐣ; ᒋᐢᐟ ᒫᑲ, ᓂ ᑲ ᓂᓯᐊᐧᓈᒋᐦᐋᐊᐧᐠ, ᐊᓯᒋ ᐊᐢᑭ. 14ᐅᓯᐦᑕᒫᓱ ᒫᑲ ᑭᐦᒋ ᓈᐱᐦᑳᐧᐣ ᑯᐸᕒ ᒥᐢᑎᐠ ᐅᐦᒋ; ᑭ ᑲ ᐸᐯᐢᑭᐦᒋᑭᐸᐁᐣ ᒫᑲ ᐊᓂᒪ ᑭᐦᒋ ᓈᐱᐦᑳᐧᐣ, ᑭ ᑲ ᐱᑭᑳᑌᐣ ᐱᐦᑐᑕᐠ ᒥᓇ ᐊᐧᐢᑭᑐᑕᐠ ᐱᑭᐤ ᐅᐦᒋ. 15ᐁᐊᐧᑯ ᒫᑲ ᐅᒪ ᑫ ᐃᓯᐦᑖᔭᐣ; ᓂᐢᑖᐧᐤ ᒥᑖᐦᑐᒥᑕᓇᐤ ᑯᐱᐟᐊ ᑲᑕ ᐃᐢᑯᑕᑳᐤ ᓈᐱᐦᑳᐧᐣ, ᓂᔮᓇᓄᒥᑕᓇᐤ ᒫᑲ ᐃᐧᔭ ᑯᐱᐟᐊ ᑲᑕ ᐃᐢᐱᑕᔭᑲᐢᑯᑕᑳᐤ, ᐁᑯᓯ ᒫᑲ ᓂᐢᑐᒥᑕᓇᐤ ᑯᐱᐟᐊ ᑲᑕ ᐃᐢᐱᒋ ᐃᐢᐳᑕᑳᐤ. 16ᑭ ᑲ ᐋᐧᓭᓇᒪᐃᐧᓂᑲᐦᑌᐣ ᐊᓂᒪ ᑭᐦᒋ ᓈᐱᐦᑳᐧᐣ, ᐯᔭᐠ ᑯᐱᐟ ᑭ ᑲ ᐃᓯᐦᑖᐣ ᐊᓂᑕ ᐃᐢᐱᒥᕽ; ᐅᐦᐱᒣᑐᑕᐠ ᒫᑲ ᑭᐦᒋ ᓈᐱᐦᑳᐧᓂᕽ ᑭ ᑲ ᐊᐢᑖᐣ ᐃᐢᑳᐧᑌᒼ; ᓂᐢᑖᐧᐤ ᒫᑲ ᑭ ᑲ ᐋᑭᐧᑕᐃᐧ ᐊᓈᐢᑳᐣ ᐃᐢᐱᒥᕽ ᐃᓯ. 17ᓂᔭ, ᒫᑲ, ᒋᐢᐟ ᓂ ᐸᑭᑎᓀᐣ ᓂᐱ ᑲᑕ ᐃᐢᑭᐯᐠ ᐊᐢᑭ, ᑭᑕ ᓂᓯᐊᐧᓈᒋᐦᐊᑭᐠ ᑲᐦᑭᔭᐤ ᑳ ᐅ ᐃᐧᔮᓯᒋᐠ, ᐊᓂᑭ ᑳ ᐊᔮᒋᐠ ᐱᒫᑎᓯᐃᐧ ᔦᔦᐃᐧᐣ, ᓯᐹ ᑭᓯᑯᕽ ᐅᐦᒋ; ᑲᐦᑭᔭᐤ ᒫᑲ ᑫᑲᐧᐩ ᐊᐢᑭᕽ ᑳ ᐊᔮᐠ ᑲᑕ ᓂᐳᒪᑲᐣ. 18ᒫᑲ ᑭᔭ ᑭ ᑲ ᐊᔮᑕᐢᑕᒫᑎᐣ ᓂ ᑭᐢᑭᒥᐁᐧᐃᐧᐣ; ᑭ ᑲ ᐯ ᐳᓯᐣ ᑭᐦᒋ ᓈᐱᐦᑲᐧᓂᕽ, ᑭᔭ, ᒥᓇ ᑭᑯᓯᓴᐠ, ᒥᓇ ᑭᐊᐧ, ᒥᓇ ᑭᑯᓯᓴᐠ ᐃᐧᐃᐧᐋᐧᐊᐧ ᑭ ᑲ ᐃᐧᒋ ᐳᓯᒥᑲᐧᐠ. 19ᒥᓇ ᑳ ᑕᐦᑐ ᐱᒫᑕᕽ ᑫᑲᐧᐩ ᑲᐦᑭᔭᐤ ᑳ ᐅ ᐃᐧᔮᓯᐊᐧᕽ, ᑭ ᑲ ᐅᑎᓀᐣ ᓈᓂᓱ ᑳ ᐃᐦᑕᓯᒋᐠ ᑭ ᑲ ᐳᓯᐦᐋᐊᐧᐠ ᑭᐦᒋ ᓈᐱᐦᑲᐧᓂᕽ, ᑭᑕ ᑲᓇᐁᐧᔨᒪᒋᐠ ᑭᑕ ᐱᒫᑎᓯᒋᐠ ᐊᓯᒋ ᑭᔭ: ᑲᑕ ᓈᐯᐊᔭᐋᐃᐧᐊᐧᐠ ᒥᓇ ᑲᑕ ᓄᓭᐊᔭᐋᐃᐧᐊᐧᐠ. 20ᐱᔦᓯᓴᐠ ᐁ ᑐᐃᐧᑳᓂᐃᐧᒋᐠ, ᒥᓇ ᐊᐊᐧᑳᓇᐠ ᐁ ᑐᐃᐧᑳᓂᐃᐧᒋᐠ ᑳ ᐃᑕᐦᑐ ᐸᐹᒥᑖᒋᒧᒋᐠ ᐊᐢᑭᕽ ᐁ ᑐᐃᐧᑳᓂᐃᐧᒋᐠ, ᓂᓱ ᑳ ᐃᐦᑕᑕᐧᔭᑭᓯᒋᐠ ᑭ ᑲ ᐯ ᓈᑎᑲᐧᐠ, ᑭᑕ ᑲᓇᐁᐧᔨᒪᒋᐠ ᑭᑕ ᐱᒫᑎᓯᒋᐠ. 21ᒥᓇ ᐅᑎᓇᒫᓱ ᑲᐦᑭᔭᐤ ᒥᒋᐃᐧᐣ ᑳ ᒥᒋᓈᓂᐊᐧᕽ ᑭ ᑲ ᒫᐊᐧᒋᑕᒫᓱᐣ; ᑭᑕ ᐅᒥᒋᒥᒥᔭᐣ ᑭᔭ, ᒥᓇ ᐃᐧᔭᐋᐧᐤ. 22#ᐦᐃᐸᕒᐅᐊᐧ 11:7ᐁᑯᓯ ᐅᒪ ᑳ ᑭ ᑐᑕᕽ ᓄᐊ; ᒣᐧᐦᒋ ᑲᐦᑭᔭᐤ ᐊᓂᒪ ᑭᓭᒪᓂᑐᐊᐧ ᑳ ᑭ ᐃᑎᑯᐟ, ᐁᑯᓯ ᑭ ᑐᑕᒼ.
Currently Selected:
ᒉᓂᓯᐢ 6: KKMs
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.