ᒉᓂᓯᐢ 40
40
1ᑭ ᐊᔨᑭᐣ ᒫᑲ ᑭ ᐳᓂᐸᔨᑭ ᐅᐦᐃ, ᐅ ᒥᓇᐦᐃᐁᐧᐃᐧᔨᓂᒪ ᐃᒋᑊᐟ ᑭᐦᒋ ᐅᑭᒫᐤ, ᒥᓇ ᐅᐸᐦᑫᐧᓯᑲᓂᑫᒪ ᑭ ᐊᐧᓂᑐᑕᐁᐧᐊᐧᐠ ᐅᐟ ᐅᑭᒫᒥᐋᐊᐧ ᐃᒋᑊᐟ ᑭᐦᒋ ᐅᑭᒫᐊᐧ. 2ᐯᕒᐅ ᒫᑲ ᑭ ᑭᓯᐢᑕᐁᐧᐤ ᓂᓯ ᐊᓂᐦᐃ ᑳ ᐸᒥᐦᐃᑯᐟ, ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᐅ ᒥᓇᐦᐃᐁᐧᐃᐧᔨᓂᒪ ᒥᓇ ᑳ ᓂᑳᓀᔨᑖᑯᓯᔨᐟ ᐅᐸᑫᐧᓯᑲᓂᑫᒪ. 3ᑭ ᐸᑭᑎᓀᐤ ᒫᑲ ᑭᐸᐦᐅᑐᐃᐧᑲᒥᑯᕽ, ᐊᓂᑕ ᐃᐧᑭᔨᕽ ᐅᑲᓇᐁᐧᔨᐦᒋᑫᐊᐧ, ᐱᐦᒋ ᑭᐸᐦᐅᑐᐃᐧᑲᒥᑯᕽ, ᐃᑕ ᒍᓯᑊ ᑳ ᑭ ᑕᓯ ᑭᐸᐅᐦᐟ. 4ᐅᑲᓇᐁᐧᔨᐦᒋᑫᐤ ᒫᑲ ᑭ ᑲᓇᐃᐧᐢᑯᑎᐁᐤ ᒍᓯᐸ ᐁᐊᐧᑯᓂ, ᑭ ᐸᒥᐁᐤ ᒫᑲ, ᓄᒪᓇᐠ ᒫᑲ ᑭ ᑭᐸᐋᐧᐊᐧᐠ.
5ᐁᓯ ᓂᓯᒋᐠ ᒫᑲ ᑖᐱᐢᑯᐨ ᑭ ᐸᐋᐧᒥᐊᐧᐠ ᐯᔭᑳᐧᐤ ᐁ ᑎᐱᐢᑳᐠ ᐹᐸᑳᐣ ᐅᑭ ᓈᐯᐊᐧᐠ ᐁ ᐃᑌᐧᒪᑲᓂᔨᐠ ᐅ ᐸᐋᐧᒥᐃᐧᐣ, ᐅ ᒥᓇᐦᐃᐁᐧᐃᐧᔨᓂᒪ ᒥᓇ ᐅᐸᑫᐧᓯᑲᓂᑫᒪ ᐃᒋᑊᐟ ᑭᐦᒋ ᐅᑭᒫᐤ, ᐊᓂᐦᐃ ᑳ ᒪᒥᒋᒪᐱᓱᔨᐟ ᑭᐸᐦᐅᑐᐃᐧᑲᒥᑯᕽ. 6ᒍᓯᑊ ᒫᑲ ᑭ ᐯ ᐱᑐᑲᐁᐧᐤ ᐁ ᑫᑭᓭᐹᔮᔨᐠ, ᐁ ᑭ ᑲᓇᐋᐧᐸᒫᐟ, ᐳᑎ ᑭ ᐱᑭᐢᑳᓯᓈᑯᓯᔨᐊᐧ. 7ᑭ ᑲᑫᐧᒋᒣᐤ ᒫᑲ ᐊᓂᐦᐃ ᐯᕒᐅ ᐅᐸᒥᑕᓱᒥᔨᐊᐧ ᑳ ᐃᐧᒋᐊᔮᒥᑯᐟ ᑭᐸᐦᐅᑐᐃᐧᑲᒥᑯᕽ ᐅᐟ ᐅᑭᒫᒪ ᐃᐧᑭᔨᕽ, ᐅᒥᓯ ᐁ ᐃᑖᐟ, ᑫᑳᐧᐩ ᐅᐦᒋ ᓈᐢᐱᐨ ᑳ ᐱᑭᐢᑳᓯᓈᑯᓯᔦᐠ ᐊᓄᐦᐨ ᑳ ᑭᓯᑳᐠ? 8ᐅᒥᓯ ᒫᑲ ᑭ ᐃᑎᐠ, ᓂ ᑭ ᐸᐋᐧᒥᓈᐣ ᓇᒪᐃᐧᔭ ᒫᑲ ᐃᐦᑖᐤ ᐊᐃᐧᔭᐠ ᑭᑕ ᑭᐢᑫᔨᑕᒧᐃᑯᔮᕽ. ᒍᓯᑊ ᒫᑲ ᐅᒥᓯ ᑭ ᐃᑌᐤ, ᓇᒪ ᒋ ᑭᐢᑫᔨᑕᒧᐦᐃᐁᐧᐃᐧᐣ ᑭᓭᒪᓂᑐ ᑎᐯᔨᐦᑕᒼ? ᒫᐦᑎ ᑭᔮᒼ ᐃᐧᐦᑕᒪᐃᐧᐠ.
9ᐊᓇ ᒫᑲ ᑳ ᓂᑳᓀᔨᑖᑯᓯᐠ ᐅᒥᓇᐃᐁᐧᐤ ᑭ ᐃᐧᐦᑕᒪᐁᐧᐤ ᐅ ᐸᐋᐧᒥᐃᐧᐣ ᒍᓯᐸ, ᐅᒥᓯ ᐁ ᑭ ᐃᑖᐟ, ᐅᒥᓯ ᓂ ᑭ ᐃᑖᐸᑌᐣ, ᐳᑎ ᓱᒥᓈᑎᐠ ᓂ ᑭ ᐅᐦᑎᐢᑲᐃᐧᐢᑳᐠ. 10ᐊᓇ ᓱᒥᓈᑎᐠ ᒫᑲ ᓂᐢᑕᐧᔭᐠ ᑭ ᐸᐢᑫ ᓇᑖᐃᐧᑭᐤ, ᐁᑯᓯ ᑖᐱᐢᑯᐨ ᐅᓯᒥᐢᑲᐧ ᐁ ᓄᑲᐧᑭ, ᒥᓇ ᐁ ᐊᑎ ᐋᐧᐱᑲᐧᓂᐃᐧᐟ ᒥᓇ ᐁ ᐊᑎ ᐊᓴᒧᒋᐠ ᐁ ᐊᑎᓱᒋᐠ ᓱᒥᓂᓴᐠ. 11ᐯᕒᐅ ᒫᑲ ᐅ ᒥᓂᑳᐧᑲᐣ ᓂ ᑭ ᑕᐦᑯᓇᒫᐧᐣ, ᓂ ᑭ ᐅᑎᓈᐊᐧᐠ ᒫᑲ ᓱᒥᓂᓴᐠ, ᐁ ᒫᑲᐧᑕᐊᐧᑭᐠ ᐯᕒᐅ ᐅ ᒥᓂᑳᐧᑲᓂᕽ, ᒥᓇ ᐁ ᑭ ᒥᔭᐠ ᐯᕒᐅ ᐅ ᒥᓂᑳᐧᑲᐣ. 12ᒍᓯᑊ ᒫᑲ ᐅᒥᓯ ᑭ ᐃᑌᐤ, ᐁᐊᐧᑯ ᐅᒪ ᐁᑌᐧᒪᑲᕽ, ᑳ ᓂᐢᑐ ᐸᐢᑫ ᓂᑖᐃᐧᑭᐟ, ᐁᐊᐧᑳᐧᓂᒪ ᓂᐢᑐ ᑭᓯᑳᐤ. 13ᑭ ᓂᐢᑐᑭᓯᑳᑭ ᐯᕒᐅ ᑭ ᑲ ᐅᐦᐱᐢᑫᐧᓂᐠ, ᐁᑯᓯ ᑭᑕ ᑖᐸᔨᐢᐠ; ᑭ ᑲ ᒥᔮᐤ ᒫᑲ ᐅᒋᐦᒋᕽ ᐅ ᒥᓂᑳᐧᑲᐣ ᐯᕒᐅ, ᑖᐱᐢᑯᐨ ᑲᔭᐦᑌ ᑳ ᑭ ᐃᓯ ᐸᒥᐦᐊᐟ. 14ᒫᑲ ᑭᐢᑭᓯᑐᑕᐃᐧᑲᐣ ᐃᐢᐱ ᑭᔭ ᒥᔪᐸᔨᐃᑯᔭᓂ, ᒥᓇ ᓄᑯᑖᑲᐣ ᑭᓭᐋᐧᑐᑖᑫᐃᐧᐣ, ᑭ ᐸᑯᓭᔨᒥᑎᐣ, ᒥᓇ ᒥᐢᑯᑕᒪᐋᐧᑲᐣ ᐯᕒᐅ ᑳ ᐃᓯ ᐊᔮᔮᐣ, ᑭᑕ ᐊᐧᔭᐃᐧᑕᐦᐃᐟ ᐅᑕ ᐋᐧᐢᑳᐦᐃᑲᓂᕽ ᐅᐦᒋ. 15ᒋᑫᒫ ᑖᐯᐧ ᑭᒧᑎᐃᐧᓂᕽ ᓂ ᑭ ᐃᓯ ᐅᑎᓂᑲᐃᐧᐣ ᐅᐟ ᐊᐢᑭᐋᐧᕽ ᐦᐃᐸᕒᐅᐊᐧᐠ ᐅᐦᒋ; ᐅᑕ ᒫᑲ ᒥᓇ ᓇᒪᐃᐧᔭ ᑫᑲᐧᐩ ᓄᐦ ᐊᐧᓂᑐᑌᐣ ᑭᑕ ᑭ ᐅᐦᒋ ᑭᐸᐦᐅᑲᐃᐧᔮᐣ.
16ᐃᐢᐱ ᒫᑲ ᑳ ᓂᑳᓀᔨᑖᑯᓯᐟ ᐅᐸᑫᐧᓯᑲᓂᑫᐤ ᐃᐧᔮᐸᐦᑕᕽ ᐁ ᒥᔮᐧᓯᓂᔨᐠ ᑳ ᐃᑌᐧᒪᑲᓂᔨᐠ ᑭ ᐃᑌᐤ ᒍᓯᐸ, ᐅᒥᓯ ᓂ ᑭ ᐃᑖᐸᑌᐣ, ᐳᑎ ᓂ ᑭ ᐊᔮᐣ ᓂᐢᑐ ᐁ ᐋᐧᐱᐢᑳᑭ ᐃᐧᑯᐱᐊᐧᑕ ᑕᐦᑯᐨ ᓂᐢᑎᑳᐧᓂᕽ. 17ᒫᒪᐃᐧ ᒫᑲ ᑕᐦᑯᐨ ᑳ ᑌᑕᐢᑌᐠ ᐃᐧᑯᐱᐊᐧᐟ ᑲᐦᑭᔭᐤ ᓇᓈᑐᕽ ᓯᐃᐧᒥᒋᐃᐧᓇ ᑭ ᐊᓯᐊᐧᑌᐊᐧ ᐯᕒᐅ ᐅᐦᒋ; ᐱᔦᓯᓴᐠ ᒫᑲ ᑭ ᒥᒋᐊᐧᐠ ᐃᐧᑯᐱᐊᐧᑎᕽ ᐅᐦᒋ ᑕᐦᑯᐨ ᓂᐢᑎᑳᐧᓂᕽ. 18ᒍᓯᑊ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐁᑯᓯ ᐅᒪ ᐁᑌᐧᒪᑲᕽ ᐁᐊᐧᑯ, ᓂᐢᑐ ᐃᐧᑯᐱᐊᐧᑕ ᐁᐊᐧᑳᐧᓂᒪ ᓂᐢᑐ ᑭᓯᑳᐊᐧ. 19ᑭ ᐳᓂ ᓂᐢᑐᑭᓯᑳᑭ ᐯᕒᐅ ᑭ ᑲ ᑭᐢᑭᑫᐧᐅᐠ, ᒥᓇ ᑭ ᑲ ᐊᑯᑎᐠ ᒥᐢᑎᑯᕽ; ᐱᔦᓯᓴᐠ ᒫᑲ ᑭᑕ ᒥᒋᐊᐧᐠ ᑭ ᐃᐧᔮᐢ.
20ᑭ ᐃᐢᐸᔨᐤ ᒫᑲ ᐁᑎ ᓂᐢᑐᑭᓯᑳᐠ, ᐁᐊᐧᑳᐧᓂᒪ ᐯᕒᐅ ᐅ ᑎᐱᐢᑲᒧᐃᐧ ᑭᓯᑳᒼ, ᑭ ᐃᐧᑯᑫᐁᐤ ᑲᐦᑭᔭᐤ ᐅᐟ ᐊᑐᐢᑫᔮᑲᓇ; ᑭ ᐅᐦᐱᐢᑫᐧᓀᐤ ᒫᑲ ᐊᓂᐦᐃ ᑳ ᓂᑳᓀᔨᑖᑯᓯᔨᐟ ᐅ ᒥᓇᐦᐃᐁᐧᐃᐧᔨᓂᒪ, ᒥᓇ ᑳ ᓂᑳᓀᔨᑖᑯᓯᔨᐟ ᐅᐸᑫᐧᓯᑲᓂᑫᒪ ᐃᑕ ᐁ ᐊᔮᔨᐟ ᐅᐟ ᐊᑐᐢᑫᔮᑲᓇ. 21ᑳᐃᐧ ᒫᑲ ᒥᓇ ᑭ ᐸᑭᑎᓇᒪᐁᐧᐤ ᑳ ᓂᑳᓀᔨᑖᑯᓯᔨᐟ ᐅ ᒥᓇᐦᐃᐁᐧᐃᐧᔨᓂᒪ ᐅᐟ ᐊᑐᐢᑫᐃᐧᓂᔨᐤ; ᑭ ᒥᔦᐤ ᒫᑲ ᒥᓇ ᒥᓂᑳᑲᓂᔨᐤ ᐅᒋᐦᒋᔨᕽ ᐯᕒᐅᐊᐧ. 22ᒫᑲ ᐃᐧᔭ ᑭ ᐊᑯᑌᐤ ᑳ ᓂᑳᓀᔨᑖᑯᓯᔨᐟ ᐅᐸᑫᐧᓯᑲᓂᑫᒪ; ᒣᐧᐦᒋ ᒍᓯᑊ ᑳ ᑭ ᐃᓯ ᑭᐢᑫᔨᑐᒧᐋᐟ. 23ᐁᔨᐁᐧᕽ ᒫᑲ ᑳ ᓂᑳᓀᔨᑖᑯᓯᐟ ᐅᒥᓇᐃᐁᐧᐤ ᓇᒪᐃᐧᔭ ᑭᐢᑭᓯᑐᑕᐁᐧᐤ ᒍᓯᐸ, ᒫᑲ ᑭ ᐊᐧᓂᑭᐢᑭᓯᑐᑕᐁᐧᐤ.
Currently Selected:
ᒉᓂᓯᐢ 40: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
