ᐃᓯᐦᒋᑫᐃᐧᓂᐋᐧᐊᐧ 11

1ᐁᑲᐧ ᒫᑲ ᐊᐹᐢᑎᓬᐊᐠ ᒥᓇ ᐅᒋᐋᐧᒥᒫᐊᐧᐠ ᒍᑎᔭᐃᕽ ᑳ ᐊᔮᒋᐠ ᑭ ᐯᑕᒪᐧᐠ ᒉᐣᑕᐃᓬᐊᐠ ᒥᓇ ᐁ ᑭ ᒥᔨᐦᒋᐠ ᑭᓭᒪᓂᑐ ᐅᐟ ᐃᑌᐧᐃᐧᐣ. 2ᐃᐢᐱ ᒫᑲ ᐱᑕᕒ ᑌᑯᓯᕽ ᒉᕒᐅᓴᓬᐊᒥᕽ, ᐊᓂᐦᐃ ᓴᕒᑲᒼᓯᓴᐣ ᑳ ᐃᐧᒋᐃᐁᐧᔨᐟ ᑭ ᐋᓀᐧᔨᒥᐠ, ᐁ ᐃᑌᐧᔨᐟ, 3ᑭ ᑭ ᐱᑐᑲᐋᐧᐊᐧᐠ ᐁᑳ ᑳ ᓴᕒᑲᒼᓴᐃᓯᐃᐧᐃᒋᐠ, ᒥᓇ ᑭ ᑭ ᐃᐧᒋᒥᒋᓱᒫᐊᐧᐠ. 4ᒫᑲ ᒫᒋ ᐱᑭᐢᑫᐧᐤ, ᐁᑯᓯ ᐃᐧᐦᑕᒪᐁᐧᐤ ᑲᐦᑭᔭᐤ ᐊᑭᓀ, ᐁ ᐃᑌᐧᐟ, 5ᐅᑌᓈᕽ ᒑᐸ ᐁ ᐊᔮᔮᐣ ᐁ ᐊᔭᒥᐦᐋᔮᐣ: ᐁᑳ ᐁ ᑭᐢᑫᔨᑕᒫᐣ ᐁ ᐃᓯ ᐊᔮᔮᐣ, ᓂ ᐋᐧᐸᐦᑌᐣ ᐃᓯᓇᒧᐃᐧᐣ, ᐊᓯᐊᐧᒋᑲᐣ ᑐᐃᐧᑳᐣ ᐁ ᐯ ᔮᓯᐸᔨᐠ, ᑖᐱᐢᑯᐨ ᑭᐦᒋ ᐊᔭᑲᐢᑫᑭᐣ ᓀᐊᐧᔭᐠ ᐁ ᑲᑭᑫᔮᐠ ᑭᓯᑯᕽ ᐁ ᐅᐦᒋ ᐸᑭᑖᐯᑭᓂᑳᑌᐠ; ᐁᑯᓯ ᓂ ᐯ ᐅᑎᐦᑎᑯᐣ: 6ᐁᐊᐧᑯ ᐃᐢᐱ ᓱᑭ ᑳ ᑲᓇᐋᐧᐸᐦᑕᒫᐣ, ᓂ ᒫᒥᑐᓂᔨᑌᐣ, ᐁᑯᓯ ᓂ ᐋᐧᐸᒫᐊᐧᐠ ᑳ ᓀᐅᑳᑌᒋᐠ ᐱᓯᐢᑭᐊᐧᐠ ᐊᐢᑭᕽ ᑳ ᐊᔮᒋᐠ ᒥᓇ ᐱᑲᐧᒋ ᐱᓯᐢᑭᐊᐧᐠ ᒥᓇ ᑳ ᐸᐹᒥᑖᒋᒧᒋᐠ ᒥᓇ ᑳ ᐸᐹᒥᔮᒋᐠ ᑭᓯᑯᕽ. 7ᓂ ᐯᑌᐣ ᒥᓇ ᐃᑌᐧᐃᐧᐣ ᐁ ᐃᑎᑯᔮᐣ, ᐊᐧᓂᐢᑳ ᐱᑕᕒ; ᒥᓇᐅ ᒥᓇ ᒥᒋᓱ. 8ᒫᑲ ᓂᐟ ᐃᑖᐤ, ᓇᒪᐃᐧᔭ ᐁᑯᓯ, ᑌᐯᔨᐦᒋᑫᔭᐣ: ᒋᑫᒫ ᓇᒪᐃᐧᔭ ᐃᐧᑳᐨ ᐸᑲᐧᓇᑕ ᑫᑲᐧᐩ ᐊᐦᐳ ᐁᑳ ᐁ ᐯᑲᕽ ᐅᐦᒋ ᐱᐦᑐᑫᒪᑲᐣ ᓂᑐᓂᕽ. 9ᒫᑲ ᐃᑌᐧᐃᐧᐣ ᓂ ᓇᐢᑫᐧᐊᐧᓯᒥᑯᐣ ᑭᑖᐧᒼ ᑭᓯᑯᕽ ᐅᐦᒋ, ᐊᓂᒪ ᑭᓭᒪᓂᑐ ᑳ ᑭ ᐯᑭᑖᐟ ᐁᑳᐃᐧᔭ ᑭᔭ ᐸᑲᐧᓇᑕ ᐃᑕᑭᑕ. 10ᐅᒪ ᒫᑲ ᓂᐢᑖᐧᐤ ᑭ ᐃᑐᒋᑳᑌᐤ: ᐁᑯᓯ ᑲᐦᑭᔭᐤ ᒥᓇ ᑭᓯᑯᕽ ᑭ ᐃᓯ ᐃᐢᐹᑫᐱᒋᑳᑌᐊᐧ. 11ᒋᐢᐟ ᒫᑲ, ᑭᔨᐸ ᓂᐢᑐ ᓈᐯᐊᐧᐠ ᑭ ᓂᐸᐃᐧᐊᐧᐠ ᑎᐱᐢᑯᐨ ᐊᓂᒪ ᐋᐧᐢᑳᐦᐃᑲᐣ ᐃᑕ ᐁ ᐊᔮᔮᕽ, ᐁ ᑭ ᐯ ᐃᓯᑎᓴᐦᐅᐦᒋᐠ ᓯᓴᕒᐃᔭᐃᕽ ᐅᐦᒋ ᑭᑕ ᐯ ᓈᓯᒋᐠ. 12ᐊᐦᒑᕽ ᒫᑲ ᓂ ᑭ ᐃᐧᐦᑕᒫᐠ ᑭᑕ ᐃᐧᒉᐊᐧᑭᐠ, ᐁᑳ ᐱᑐᐢ ᑭᑕ ᐃᑌᔨᒪᑭᐠ. ᐅᑭ ᒫᑲ ᓂᑯᑖᐧᓯᐠ ᒥᓇ ᐅᒋᐋᐧᒥᒫᐊᐧᐠ ᓂ ᑭ ᐃᐧᒉᐃᐧᑲᐧᐠ; ᐁᑯᓯ ᓂ ᑭ ᐱᑐᑳᓈᐣ ᐊᓇ ᓈᐯᐤ ᐅ ᐋᐧᐢᑳᐦᐃᑲᓂᕽ: 13ᓂ ᑭ ᐃᐧᐦᑕᒫᑯᓈᐣ ᒫᑲ ᑳ ᑭ ᐃᓯ ᐋᐧᐸᒫᐟ ᐅᑭᓯᑯᐊᐧ ᐁ ᓂᐸᐃᐧᔨᐟ ᐅ ᐋᐧᐢᑳᐦᐃᑲᓂᕽ, ᐁ ᐃᑌᐧᔨᐟ, ᐃᓯᑎᓴᐦᐅᐁᐧ ᒑᐸᐃᕽ, ᑭᑕ ᓈᑎᐦᐟ ᓵᐃᒪᐣ, ᐱᑕᕒ ᑳ ᐃᓯ ᐊᐢᐱᔨᑳᓱᐟ; 14ᐁᐊᐧᑯ ᑫ ᐃᐧᐦᑕᒫᐢᐠ ᐃᑌᐧᐃᐧᓇ, ᐃᑕ ᑫ ᐅᐦᒋ ᐱᒫᒋᐦᐅᔭᐣ, ᑭᔭ ᒥᓇ ᑲᐦᑭᔭᐤ ᑭᑭᕽ ᑳ ᐊᔮᒋᐠ. 15ᐃᐢᐱ ᒫᑲ ᐁ ᒫᒋ ᐱᑭᐢᑫᐧᔮᐣ ᑳ ᑲᓈᑎᓯᔨᐟ ᐊᐦᒑᐦᑲᐧ ᑭ ᐅᑎᐦᑎᑲᐧᐠ, ᑖᐱᐢᑯᐨ ᑭᔮᓇᐤ ᓂᐢᑕᒼ ᑳ ᑭ ᐃᓯ ᐅᑎᐦᑎᑯᔭᕽ 16#ᐃᓯᐦᒋᑫᐃᐧᓂᐋᐧᐊᐧ 1:5ᐁᑲᐧ ᓂ ᑭᐢᑭᓱᐸᔨᐋᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑳ ᑭ ᐃᑌᐧᐟ, ᒑᐣ ᑖᐯᐧ ᑭ ᑭ ᐹᑊᑖᐃᓯᐃᐧᐃᑯᐋᐧᐤ ᓂᐱ ᐅᐦᒋ; ᒫᑲ ᑭ ᑲ ᐹᑊᑖᐃᓯᐃᐧᐃᑲᐃᐧᓈᐋᐧᐤ ᑳ ᑲᓈᑎᓯᐟ ᐊᐦᒑᕽ ᐅᐦᒋ. 17ᑭᓵᐢᐱᓀ ᒫᑲ ᑭᓭᒪᓂᑐ ᐁ ᑭ ᒥᔮᐟ ᐁᑯ ᑐᐃᐧ ᒣᑭᐃᐧᐣ ᑳ ᑭ ᐃᓯ ᒥᔨᑯᔭᕽ ᑭᔮᓇᐤ, ᐃᐢᐱ ᐁ ᑖᐯᐧᑕᐋᐧᔭᕽ ᑳ ᑎᐯᔨᐦᒋᑫᐟ ᒋᓴᐢ ᙭, ᐊᐁᐧᓇ ᓂᔭ, ᑭᑕ ᑭ ᓇᑳᐢᑲᐊᐧᐠ ᑭᓭᒪᓂᑐ? 18ᐃᐢᐱ ᒫᑲ ᐱᔦᐦᑕᐦᑭᐠ ᐅᐦᐃ, ᑭ ᑭᐱᑐᐁᐧᐊᐧᐠ, ᒥᓇ ᑭ ᑭᐢᑕᑭᒣᐊᐧᐠ ᑭᓭᒪᓂᑐᐊᐧ ᐁ ᐃᑌᐧᒋᐠ, ᐁᑯ ᐁᓵᓂ ᑭᓭᒪᓂᑐ ᒉᐣᑖᐃᓬᐊ ᒥᓇ ᑳ ᐸᑭᑌᔨᑕᒪᐋᐧᐟ ᑫᐧᐢᑳᑎᓯᐃᐧᐣ ᐱᒫᑎᓯᐃᐧᓂᕽ ᐃᓯ.

19 # ᐃᓯᐦᒋᑫᐃᐧᓂᐋᐧᐊᐧ 8:1-4 ᐊᓂᑭ ᒫᑲ ᑳ ᑭ ᐱᐋᐧᒧᑳᑎᒋᐠ ᐃᐢᐱ ᐋᔨᒥᓯᐃᐧᐣ ᑳ ᑭ ᐸᓯᑯᒪᑲᕽ ᐃᐢᑎᐱᐣ ᐅᐦᒋ, ᑭ ᐊᔨᑐᑌᐊᐧᐠ ᐱᓂᓯᔭ ᐃᐢᑯ, ᒥᓇ ᓵᐃᐸᕒᐊᐢ, ᒥᓇ ᐋᐣᑌᐋᐠ, ᐁᑳ ᐊᐃᐧᔭ ᐁ ᐃᐧᐦᑕᒫᐋᐧᒋᐠ ᐃᑌᐧᐃᐧᐣ ᒍᐊᐧ ᐱᑯ. 20ᒫᑲ ᐋᑎᐦᐟ, ᐊᔨᓯᔨᓂᐊᐧᐠ ᓵᐃᐸᕒᐊᐢ ᒥᓇ ᓵᐃᕒᐃᓂ ᐅᐦᒋ, ᐁᐊᐧᑲᐧᓂᐠ, ᐃᐢᐱ ᑌᑯᓯᑭᐠ ᐋᐣᑎᔮᑭᕽ, ᑭ ᐃᐧᐦᑕᒪᐁᐧᐊᐧᐠ ᑲᕒᐃᑲ ᒥᓇ, ᐁ ᑲᑫᐢᑭᒫᒋᐠ ᑳ ᑎᐯᔨᐦᒋᑫᔨᐟ ᒋᓴᓴ ᐅᐦᒋ. 21ᐅᒋᐦᒋᔨᐤ ᒫᑲ ᑳ ᑎᐯᔨᐦᒋᑫᔨᐟ ᑭ ᐃᐧᒉᐃᐧᑲᐧᐠ: ᒥᐦᒉᐟ ᒫᑲ ᐁ ᑖᐯᐧᑕᐦᑭᐠ ᑭ ᑫᐧᐢᑭᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ.

22ᐁᑯᓯ ᐁ ᐋᑐᑖᑯᓯᒋᐠ ᐁᐊᐧᑲᐧᓂᐠ ᑭ ᐅᑎᐦᑎᑲᐧᐠ ᐅᑕᐊᐧᑳᐋᐧᕽ ᐅᑕᔭᒥᐦᐋᐊᐧᐠ ᒉᕒᐅᓴᓬᐊᒥᕽ ᑳ ᐊᔮᒋᐠ: ᑭ ᐃᓯᑎᓴᐁᐧᐊᐧᐠ ᒫᑲ ᐹᕒᓇᐹᓴ ᐋᐣᑎᔮᐠ ᐃᐢᑯ: 23ᐁᐊᐧᑯ, ᐃᐢᐱ ᑌᑯᓯᕽ, ᑳ ᐋᐧᐸᐦᑕᕽ ᒫᑲ ᐅ ᑭᓭᐋᐧᑎᓯᐃᐧᓂᔨᐤ ᑭᓭᒫᓂᑐᐊᐧ, ᑭ ᒫᒪᑖᑯᓯᐤ; ᒥᓇ ᑭ ᑲᑳᔪᒣᐤ ᑲᐦᑭᔭᐤ, ᐁᔨᑯᑫᐧᔨᒧᐃᐧᓂᕽ ᑭᑕ ᒥᒋᒥᓈᔨᐟ ᑳ ᑎᐯᔨᐦᒋᑫᔨᐟ: 24ᒋᑫᒫ ᑭ ᒥᔪ ᐊᔨᓯᔨᓂᐃᐧᐤ, ᒥᓇ ᐁ ᒧᐢᑭᓀᐟ ᑳ ᑲᓈᑎᓯᔨᐟ ᐊᐦᒑᐦᑲᐧ ᒥᓇ ᑖᐯᐧᔦᔨᑕᒧᐃᐧᐣ: ᒥᐦᒉᐟ ᒫᑲ ᐊᔨᓯᔨᓂᐊᐧ ᑭ ᑕᑯᑐᐋᐧᐤ ᑳ ᑎᐯᔨᐦᒋᑫᐟ. 25ᑭ ᐃᑐᐦᑌᐤ ᒫᑲ ᑖᕒᓴᓯᕽ ᑭᑕ ᓇᑐᓇᐋᐧᐟ ᓵᓬᐊ: 26ᐁᑯᓯ ᐃᐢᐱ ᑳ ᒥᐢᑲᐋᐧᐟ, ᑭ ᐯᓯᐁᐧᐤ ᐊᓂᑕ ᐋᐣᑎᔮᑭᕽ. ᑭ ᐊᔨᐢᐸᔨᐤ ᒫᑲ, ᒥᑐᓂ ᐯᔭᐠ ᐊᐢᑭ ᑭ ᒪᒫᐊᐧᒋᐃᑐᐊᐧᐠ ᐁᑯᑕ ᐊᓯᒋ ᐅᑕᔭᒥᐦᐋᐊᐧ, ᒥᓇ ᒥᐦᒉᐟ ᐊᔨᓯᔨᓂᐊᐧ ᑭ ᑭᐢᑭᓄᐦᐊᒫᐁᐧᐊᐧᐠ, ᐁᑯᑕ ᒫᑲ ᐋᐣᑎᐋᐠ ᓂᑳᐣ ᑲᕒᐃᐢᑎᔮᓇᐠ ᑳ ᑭ ᐃᓯᔨᐦᑳᑎᒋᐠ ᑭᐢᑭᓄᐦᐊᒪᐋᐧᑲᓇᐠ.

27ᐁᑯᐢᐱ ᒫᑲ ᐁ ᑲᑭᓯᑳᐠ ᑭ ᑕᑯᓯᓇᐧᐠ ᐁᑯᑕ ᐋᐣᑎᔮᐠ ᐅᑭᐢᑭᐁᐧᐦᐃᑫᐊᐧᐠ ᒉᕒᐅᓴᓬᐊᒥᕽ ᐅᐦᒋ. 28#ᐃᓯᐦᒋᑫᐃᐧᓂᐋᐧᐊᐧ 21:10ᐁᑯᓯ ᑭ ᓂᐸᐃᐧᐤ ᐯᔭᐠ ᐁᐊᐧᑲᐧᓂᐠ ᐋᑲᐸᐢ ᐁ ᐃᓯᔨᐦᑳᓱᐟ, ᒥᓇ ᑭ ᐃᐧᐦᑕᒼ ᐊᐦᒑᐦᑲᐧ ᐅᐦᒋ ᑭᐦᒋ ᓄᑌᑲᑌᐃᐧᐣ ᑭᑕ ᐊᔮᐠ ᒥᓯᐁᐧᐢᑲᒥᐠ: ᐁᐊᐧᑯ ᒫᑲ ᑭ ᐃᐦᑭᐣ ᒣᑳᐧᐨ ᐁ ᑭᐦᒋ ᐅᑭᒫᐃᐧᐟ ᑲᓬᐋᑎᔮᐢ. 29ᐁᑲᐧ ᑭᐢᑭᓄᐦᐊᒪᐋᐧᑲᓇᐠ, ᑲᐦᑭᔭᐤ ᐊᔨᓯᔨᓂᐤ ᐱᑯ ᐁ ᐃᓯ ᑲᐢᑭᑖᐟ, ᑭ ᐃᑌᔨᑕᒪᐧᐟ ᑭᑕ ᐃᓯᑎᓴᐦᐊᒪᐋᐧᒋᐠ ᐅᒋᐢᑕᒫᑫᐃᐧᐣ ᐅᒋᐋᐧᒥᒫᐊᐧ ᒍᑎᔭᐃᕽ ᑳ ᐊᔮᔨᐟ: 30ᐁᐊᐧᑫᐧᔨᐤ ᒫᑲ ᑭ ᐃᑐᑕᒪᐧᐠ, ᐁ ᐃᓯᑎᓴᐦᐊᒪᐋᐧᒋᐠ ᑳ ᓂᑳᓀᔨᑖᑯᓯᔨᐟ ᐅ ᒋᐦᒋᔨᕽ ᐅᐦᒋ ᐹᕒᓇᐹᓴ ᒥᓇ ᓵᓬᐊ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 11: KKMs

Highlight

Copy