Nikamowina 27
27
mamisītotāhk kā‑tipēyihcikēt
onikamon David
1kā‑tipēyihcikēt niwāsēnamāk mīna nipimācihik;
namōya awiyak nika-kostāw.
kā‑tipēyihcikēt nikitēyimik kahkiyaw ohci kā‑kakwēspanātahk;
awīna ka‑kī-kostak?
2ispīhk aniki maci-ayisiyiniwak otihtinitwāwi mīna kakwē-nipahitwāwi,
kita-piswahikēwak mīna kita-pahkisinwak.
3kiyām āta mihcēt simākanisak wāsakāskawitwāwi,
namōya nika-kostāwak;
kiyām āta mōskīstawitwāwi,
kēyāpic nika-mamisīn kisē-manitow.
4pēyak kīkway ninatotamawāw kā‑tipēyihcikēt;
ēwako piko kā‑nitawēyihtamān:
kita-wīkiyān owāskāhikanihk kā‑tipēyihcikēt isko iyikohk pimātisiyāni.
kita-māmaskātamwak omiywātisiwin kā‑tipēyihcikēt,
mīna kita-natotamawak ta‑kiskinohtahit.
5ayisk nika-tawinamāk owāskāhikanihk ispīhk nayēhtāwipayiyāni;
nika-kātik pīhci okihci-ayamihēwikamikohk,
nika-tahkohtapīhik kā‑ispapit asiniy
ēkāya kīkway kita-kī-astāhikoyān ēkota.
6ēkosi māka aniki kā‑māyēyimicik wāsakām
nika-sākōcihāwak;
ēkwa mēkwā-miyawātamāni
nika-pakitināson okihci-ayamihēwikamikohk.
nika-nikamon ēkwa nika-mamihcimāw kā‑tipēyihcikēt.
7pēhtawihkan, kā‑tipēyihcikēyan, tēpwātitāni!
kisēwātotawin mīna naskwēwasimin!
8kikī-isin, “pē‑ayamihēstawin,”
nikī-itwān, “nika-pē-takohtān, kā‑tipēyihcikēyan.”
9ēkāya kāsōstawin!
ēkāya kisīstawin
mīna ēkāya wēpin kitatoskēyākan.
kiya kā‑kī-wīcihiyan;
ēkāya wēpinin, ēkāya nakasin,
nikisē-manitōm, nipimācihiwēm.
10ahpō kīspin nohtāwiy mīna nikāwiy wēpinitwāwi,
kā‑tipēyihcikēt nika-kanawēyimik.
11kā‑tipēyihcikēyan, kiskinohamawin tānisi kita-tōtamān;
mīna pimohtahin ita ē‑takahkwatamok mēskanaw,
wiya mihcētiwak kā‑pakwāsicik.
12ēkāya pakitēyimin aniki ohci kā‑pakwāsicik,
kā‑kiyāskīmicik mīna kā‑kakwē-sēkimicik.
13nikiskēyihtēn kita-pē-itisāpahtamān
omiywātisiwin kā‑tipēyihcikēt
ōta askīhk opimātisiwak kā‑ayācik.
14mamisītotaw kā‑tipēyihcikēt.
tāpwēwakēyim, ēkāya pōmē.
mamisītotaw kā‑tipēyihcikēt.
Currently Selected:
Nikamowina 27: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
