Юнус 2
2
Юнус ккарагуб
1РАББИЙИ, гьапӀну, аьхю балугъихьди Юнус хътӀюкьюз гъитнийи; ва Юнус шубуд йигъанна шубуд йишван аьхю балугъин фуниъ гъузу. 2Юнусди, дидин фунʼан чан РАББИ Аллагьдиз ккарагури, 3гьамци гъапи:
– Хажалатнаъ, я РАББИ, Увухьна илтӀикӀунза, ва Уву узуз жаваб тувунва; гъачӀидарин дюнʼяйиан гьарай гъапӀза, ва Увуз йиз дих гъеебхьвуз. 4Узу дегьнайиз, гьюлин кӀваз гатӀахьунва, штун гъатари кьялаъ тӀаънайзу, вари Яв штар, вари Яв лепйир йиз зиълантина гъягъюйи. 5Ва фикир гъапӀунза: узу Яв уларихьан марцц дапӀна, амма узуз Яв Гирами хал хъана рябкъидизуз. 6Шид дюдеригъна дуфнайиз, кӀан ккадрушваригъ гъяхъназу; гьюлин укӀар-шуршмар кӀуллан илдижнайиз. 7Дагъларин ччиварихьнакьан гьюлин дегьнйириз ис гъахьунза, жили гьаргандиз чан рякъяр хъяркьюнзуз. Амма Уву, йиз РАББИ, йиз Аллагь, йиз жан накьвдиан адабгъунва! 8Йиз рюгь аьзабнаъ ади, ил улдубтӀурайиган, РАББИ кӀваин гъапӀунза, ва йиз ккарагуб Увухьна, Яв Гирами хулаз гъурубкьну. 9КучӀлин ужуз аллагьариз гьюрмат апӀурайидари чпиз гъапӀу рягьим кӀваълан гьапӀнийи, 10хъа узу тярифнан гафниинди Увуз гъурбан апӀурза: туву гаф тамам апӀурза. Инсан уьрхювал РАББИЙИН ихтиярнаъ а!
11Амур гъапну РАББИЙИ балугъиз, ва диди Юнус чан айтӀан къураматдиинди идитну.
Currently Selected:
Юнус 2: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
