1 Kumpite 4
4
Solomon’ Uliante le Ukpite
1Tua ahi ciangin Solomon in Israel khempeuh a uk hi. 2 Tua hi-a hihte in ama ulianpite ahi hi:
Zadok tapa Azariah-siampi;#1Kh 6:10
3 Shisha tapate Elihoreph le Ahijah - thuvanpite;
Ahihud tapa Jehoshaphat - thu ciamteh;#2Sa 8:16
4 Jehoiada tapa Benaiah - galkap mangpipa,
Zadok le Abiathar - siampite;
5 Nathan tapa Azariah - gamkhen uliante ukpipa;
Nathan tapa Zabud - siampipa le kumpipa thukuppihpa;
6 Ahishar - kumpi inn ukpa;
Abda tapa Adoniram - aana-a nasemte ukpa ahi hi.
7 Solomon in Israel gamsung bupah kumpipa le kumpi innkuante kivakna lamsang a sik ding gamkhen uk sawm le nih zong a nei hi. Khat in kum khatin kha khat ta a sik ciat ding uh hi. 8 Amaute min hihte ahi hi:
Ephraim mualtung gamah- Ben-Hur;#Jos 24:33
9 Makaz, Shaalbim, Beth, Shemesh le Elon Bethhannan ah - Ben-Deker;#Thk 1:35
10 Arruboth (Socoh le Hepher leitang khempeuh ama aa) ah - Ben-Hesed;#Jos 12:17
11 Naphoth Dor a#4.11 Ahikeh Dor sanna teng ah- Ben-Abinadab (amah Solomon tanu Taphath tawh kiteng hi);#Jos 11:2
12 Taanach le Megiddo le Jezre-el nuai Zarethan zoma om Beth Shan, Beth Shan panin Jokmeam kantanin Abel Meholah dongah-Ahilud tapa Baana;
13 Ramoth Gilead (Gilead sunga Manasseh tapa Jair khuasatnate le Bashan a Argob gamkhen tawh kulh zaipi le sumngo kongpi kalhnate a nei khuapi sawmguk te zong ama a hi) ah - Ben-Geber;
14 Mahanaim ah - Iddo tapa Ahinadab;#Jos 13:26
15 Naphtali ah - Ahimaaz (amah in Solomon tanu Basemath tenpih hi);
16 Asher le Aloth ah - Hushai tapa Baana;#2Sa 15:32
17 Issachar ah - Paruah tapa Jehoshaphat;
18 Benjamin ah - Ela tapa Shimei;#1Ku 1:8
19 Gilead (Amor-te kumpipa Sihon gam sung teng le Bashan kumpipa Og gam sung teng) ah - Uri tapa Geber ahi hi. Tua gamkhen ah amah bek ukpi ahi hi.
Nisima Solomon Annekte
20 Judah le Israel mite tuipi gei-a sehnel zahin tam a; amaute in ne-in dawnin a lungdam uh hi. 21 Tua hi a Solomon in Gunpi b#4.21 Tua in Euphrates tg.24 ah zong panin Philistia-te gam, Egypt gamgi ciang dong kumpi gamte khempeuh a uk hi. Hih gamte in siah puak uh a, Solomon a nuntak sung teng ama uk mite ahi uh hi.#2Kh 9:26; Ph 72:8
22 Nisima Solomon inn-a kine annel limci Cor c#4.22 Tua in seng 185 bang (kilolitre 6.6 bang) sawmthum le an Cor d#4.22 Tua in seng 375 bang (kiolitre 13.2 bang) sawmguk, 23 bawngbuka kivakthau sawm, lonona a kivakthau bawng sawmnih, tuu le keel zakhat le sazuktal, sanang, zukzil, sazukpi le vasa limcite zong ahi hi. 24 Ahang in, amah in Gunpi nitumna-lam kumpi-gam khempeuh, Tiphsah pan Gaza dong uk-a, a kim a vel mun khempeuh ah kilemna a om hi. 25 Solomon nuntak sung teng Dan panin Beersheba dong Judah le Israel lungmuangtakin teng uh a, a lenggui uh le a thei-kungte uh nuai-ah a teng ciat uh hi.#Jer 23:6
26 Solomon in lengkai sakol buk tulli e#4.26 Septuagint khutgelh pawlkhat (2Kh. 9:25 zong en in);sawmli le sakol f#4.26 Ahikeh sakolleng hawlte tul sawm le tul nih a nei hi.#1Ku 10:26
27 Gamkhen uliante in amau sik kha in Solomon le kumpi sabuai-a pai khempeuh annek ding a pia ciat uh hi. Amaute in bangmah a kisam a omsak kei uh hi. 28 Amaute in a kilawm mun ah lengkai sakol le sakol dangte ading amau tanh zah ciat mangbuh-ham le buhtu zong a puak uh hi.
Solomon Pilna
29 Pasian in Solomon tungah pilna le a lian mahmah thumuhna, le a zai mahmah theihtelna tuipi gei-a sehnel banga sim theih loh zah a pia hi. 30 Nisuahna lama mite khempeuh pilna sangin Solomon pilna lianzaw a, Egypt pilna khempeuh sangin a lianzaw hi. 31 Amah midang khatpeuh sangin pilzaw a, Ezrah-te Ethan, Mahol tapate Heman, Calcol le Darda-te sangin a pilzaw hi. Tua hi-a ama minliatna a kima minamte khempeuh lakah a kizel hi. 32 Amah in paunak tul thum genkhia-a, a laphuah tul khat le nga pha hi. 33 Amah in Lebanon a tamtakte a kipan kulh tunga po puknah dong singkungte hinzia a gen hi. Amah in gamsate le vasate, a bokvak ganhingte le ngasate thu zong a hilh hi. 34 Ama pilna a za leitunga kumpite khempeuh in a sawl uh ahi minam khempeuh panin mite, Solomon pilna ngai dingin a kuan uh hi.#1Ku 3:12
Currently Selected:
1 Kumpite 4: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
