Matiyu 4

Yiwulisse Isaa jaraptu

(Mar 1.12-13; Luk 4.1-13)

1Daji Yiwulis tia jarapcoro Ruhu Alaye Isaa simojiye karaa dǝɍiro kiluwo. 2Kawu fidewuro bune-a kausu-aro asem kidanniya, kǝna tia kida. 3Daji Jaraptumadǝ nanjuro ise tiro: «Ni Tada Alayea, dongur kauye aniro wulgǝne kǝmboro walja!» yeno. 4Isaye: «A’a, kitawulan ruwuwada: “Kam kǝmbo baslan gǝni, mana Ala wuljǝna samman dǝgai,”»#SK 8.3 yeno.

5Koro Yiwulis tia bǝrni tayirro#4.5 bǝrni tayir - Jerujalem. cade loiloiram Fado Alayen gǝnayenniya, 6tiro: «Ni Tada Alayea, sǝktǝne cidiro yukkure! Awoa kitawulan ruwuwada: “Ala kǝlanǝmnin malaiyawanjuro wada ce mukkonjan kamnjagai bare sinǝm kauro gǝmdǝgǝnniro,”»#Jaw 91.11-12 yeno. 7Isaye tiro: «A’a, kitawulan ruwuwada: “Bare Ala Kǝmandea rijammǝmmi!”»#SK 6.16 yeno.

8Koro yaye Yiwulis tia kǝla kau kuruwu fet laayero cade tiro larduwa duniaye samma-a darajanja-aa fǝleyeyenniya, 9tiro: «Ngunǝme wuro sujada sǝddǝmia, ani sammaa niro njikki!» yeno. 10Daji Isaye tiro kalakciye: «Nani kolle, Yiwulis! Kitawulan ruwuwada: “Ala Kǝmandero sujada yidde, ti tilonjuro ambǝtkǝgǝne!”»#SK 6.13 yeno. 11Daji Yiwulis tia kolyeno, malaiyawa ye isane tiro ngiskeyera.

KIDA ISAYE CIDI GALILEYEN

Isaye kidanju badidu

(Mar 1.14-15; Luk 4.14-15)

12Isa Nawi Yahayaa kosoro casakkǝnaro fangenniya, cidi Galileyero wallada. 13Bǝla Najarattea kolje leje bǝrni laa Kafarnaam canilan napkeno, bǝrni duwon ci bǝrǝmben cidi Jabulonne-a Naptaliye-alan#4.13 Jabulon-a Naptali-a - Jiɍi yindi Israyilawuye. dǝganadǝ. 14Adǝgaima awo Kǝmande kuren ci Nawi Ishayayen wuljǝnadǝ wakkayeno. Tiye: 15«Cidi Jabulonne-a Naptaliye-a kanji jawal bǝrǝmbe na duwon fǝde bǝrǝm Jordaniyen tiro Galile cidi kǝrdiyaye canidǝlan, 16am curo duwuyen dasaanadǝ nur kura laa caruna, koro tayi curo kaudi karmoyen dasaanadǝ yea nur wassǝna!»#Ish 9.1-2 17Sa adǝn Isa jamaro kawuɍi kǝji wulduwu badiyeno. Tiye: «Tǝmmowo, nodo bargaa Mai Samemaye del karenjǝna!» yeno.

Isaye fuwurawanju burwoyea bowodu

(Mar 1.16-20; Luk 5.1-11)

18Yim laa Isa ci bǝrǝm Galileyea jǝgai duwon, yaana yindi Siman tiro Biturus cani-a yanjugǝna Andarawus-a buni taramnja bǝrǝmdǝro fijagai kiro. Tayidǝ buni tawu. 19Isaye tayiro: «Arowo wua sǝgaiwo, nayia kam tawuro#4.19 kam tawu - Am duwon am gadea Isaa gawuro waljaro majaidǝ. njadǝkki!» yeno. 20Sadǝman buni taramnja koljane tia geya.

21Koro nadǝn fuwuyenniya, yaana yindi gade ye Yakuba tada Jabadiye-a yanjugǝna Yahaya-a bawanjan kundenno curo maarayen buni taramnja caassai kiro. Tayia bowoyenniyama, 22cijane maaradǝ-a bawanja-aa koljane tia geya.

Jama kadaye Isaa ga

(Mar 3.7-12; Luk 6.17-19)

23Daji Isa bǝla bǝlaro leje dandalnjan jamaa alamje kawuɍi kǝji nodo bargaa Alaye wuljiyi, am dondia kasuwanja jiɍi fi yayen isangajiyi ngai duwon, cidi Galileye sammaa diriyeno. 24Adǝgainin lawarnju cidi Siriyaye ngaro tatargaada. Koro am larduyedǝ amnja kasuwaa-a kǝndondi jiɍi jiɍia-a karuwaa-a sedan koroyea-a tiyi canaa-a sammaa Isaro cakkude isangayeyeno. 25Jama kada tia geya, laanja cidi Galileye, laa cidi Bǝlamewuye, laa bǝrni Jerujalembe, laa cidi Yahudiyaye, laa ye ngawo bǝrǝm Jordaniye.

Currently Selected:

Matiyu 4: kby

Highlight

Copy