Sawmus 43
43
Nah piyawakad giwkis nukebyuvwi
1Kiyavwiye, uya mpithan giwkis neras hiyeg ku pariye yumanene Kiyavwiye Uhokri ay givitkis! Wiwhnan giwakutakkis hiyeg wasaymavye, giwakutakkis hiyeg mbayavye. Igkis awna ku nah tarakse ka aynsima. Uya akka gitkis ku nah ka keh hene.
2Pisnewa numaptenten, Kiyavwiye; mmahki pis ikiswen? Mmahki nuvetunyavu matekevun?
3Uya awahkis pibutni akak pihiyekemni inyewatnene adahan in kannuhun wew avigkutavrik pihiyekemni hawata adahan in keh nah diyuh akiw avitit piwaxig barewvitye, arit pivin ku kiney pis misakwa!
4Ayge nikwe, Kiyavwiye, nah danukwanek atere arit kakanhawket adahan kakanhewne pit, mmanawa pisnewa keh nah batek ka aynsima. Nah agighanek hebek, nah paknek adahan kabeyhene piw!
5Nah kayah ke wotbe nah piyawakad piw. Mmahki hene? Nah ka muwaka nah kiyimanema. Ka sam, nah kamaxwate givitit Kiyavwiye Uhokri akiw. Nah kabayhate giw akiw. Ignewa namnihten. Ignewa nuwohkiga.
Currently Selected:
Sawmus 43: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
