Sawmus 128
128
Kakanhawka awaku ihpaki giwn Uhokri
1Ka aynsima kabayka gidahan pahavwi ku pariye ihpene giwn Kiyavwiye Uhokri. Hawata ig wew avigkutavrik ku samah gimawkan.
2Ku pis ikaw hene, pis utinek kiyeste adahan piwskawni ay amadga inin, kabayka pidahan hawata madikte wewnek kabayntiwa pidahan.
3Pivinwa, pihayo kewa pahayku amutribe uva adug ku pariye sarayh ka aynsima guw. Pikamkayuvwi humaw kewa egu amutribe oliveg ahinyanyuvwi, igkis kiyaran aranwa paxten.
4Ku pariye ihpene giwn Kiyavwiye Uhokri inyewa ikakanek kabayka git hene.
5Numawkan avititak waxri Siyawh, ig Kiyavwiye Uhokri iki kabayka pit! Kahadbe madikte hawkri adahan paymuhwan, pis hiyap ku samah Jerusalém aymuhwa!
6Hawata adahan pis dahwa amadga inin adahan pis hiyepne pihiwhivwi. Uhokri gabay yikaknek yis hiyeg izhaewyenevwi!
Currently Selected:
Sawmus 128: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
