Sawmus 113
113
Kabayhaki adahan Uhokri gabay
1Kabayhanay Kiyavwiye Uhokri! Yis gibukvig Kiyavwiye Uhokri, kabayhanay giw!
2Kabayhanay Kiyavwiye Uhokri giw kuri hawata adahan avanenekwa!
3Kabayhanay giw ku samah ariwntak kamuw pes he ig pituke akiw.
4Ig Kiyavwiye kumaduka madikte hiyegviyenevwi; gikiytani danuh tahan inurikut.
5Yuma pahavwinema hiyeg kema Uhokrima, uwohkigawiy, ku pariye gevwi adahan gikumadukan aynte inurik.
6Ayteke ig sarayh givegi ig hiyap madikte ku pariye humewne ay anavi en akak ay avit waxri.
7Ignewa wiwh hiyeg madiptavye ariw gihiyvankis mbeyne hawata neras ku pariye abetnene muwekeki;
8ig keh igkis humaw ikivaratviyenevwi gihumwayavwikis hawata gihiyegavu gikivarakis gihumwayavwikis.
9Hawata ig keh tino ku pariye kane ik adahan kakamkayh, eg kiyathaka guvineku akak madikte gukiytani, ig iki gut ka aynsima gukamkayuvwi. Kabayhanay Kiyavwiye Uhokri!
Currently Selected:
Sawmus 113: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
